African National Congress
vanuit Wikipedia, die vrye ensiklopedie.
| African National Congress | |
|---|---|
| ANC | |
 |
|
| Leier | Thabo Mbeki |
| Gestig | 8 Januarie 1912 |
| Hoofkwartiere | 54 Sauer Straat Johannesburg |
| Politieke Ideologie | Sosialisties |
| Internasionale Affiliasie | Die Sosialistiese Internasionaal |
| Webwerf | http://www.anc.org.za/ |
Die African National Congress (ANC) is 'n politieke party, wat Suid-Afrika regeer sedert die land se eerste nie-rassige, demokratiese nasionale verskiesing van Mei 1994. Dié party is in 1912 in Bloemfontein as die South African Native National Congress (SANNC) gestig. Die huidige naam word eers in 1923 aanvaar.
Inhoud |
[wysig] Geskiedenis
Die ANC word op 8 Januarie 1912 gestig deur onder andere John Dube, Pixley Seme en Sol Plaatje om te beywer vir die regte en vryhede van alle Afrikane. Die ANC Jeugliga word 1944 deur Nelson Mandela, Walter Sisulu, en Oliver Tambo gestig.
Die sege van die Nasionale Party in die 1948 verkiesing en die implementering van apartheid lei tot die sogenaamde Defiance Campaign van 1952, en die opstel van die Vryheidsmanifes by Kliptown in 1955.
In 1959 word die PAC gestig deur Robert Sobukwe en 'n groep ANC-lede wat gekant is teen die ANC se wending weg van swartnasionalisme af.
As gevolg van sy vreedsame verset teen apartheid en die vele verbannings wat hy hiervoor moes verduur, word die Nobelprys vir Vrede aan ANC-presidentgeneraal Albert Luthuli toegeken in Desember 1961. Hy en sy vrou, Nokukhanya, word toegelaat deur die regering om die oorhandigingseremonie in Oslo by te woon.
Na aanleiding van 'n beroep deur Albert Luthuli word die Anti-apartheidsbeweging in Brittanje gestig en internasionale druk teen die apartheidsbewind, hoofsaaklik deur boikotte, neem toe.
Die besluit van die ANC om oor te gaan na gewapende stryd, en die stigting van Umkhonto we Sizwe (MK), lei tot die inhegtenisname op 11 Julie 1963 van Nelson Mandela en 18 ander MK-lede op die plaas Liliesleaf by Rivonia. By die sogenaamde Rivonia-verhoor word Mandela, Walter Sisulu, Govan Mbeki, Raymond Mhlaba, Elias Motsoaledi, Ahmed Kathrada en Denis Goldberg op 11 June 1964 skuldig bevind aan sabotasie en lewensvonisse opgelê[1].
Hierna word die ANC verban.
[wysig] Geallieerde organisasies
- Anti-apartheidsbeweging
- Cosatu
- Die Sosialistiese Internasionaal
- Suid-Afrikaanse Kommunisteparty (SAKP)
- UDF
[wysig] Bekende lede van die ANC
- Albert Luthuli
- Nelson Mandela
- Thabo Mbeki
- Phumzile Mlambo-Ngcuka
- Walter Sisulu
- Oliver Tambo
- Jacob Zuma
