Venus (planeta)
De Uiquipedia
Venus ye'l segundu planeta del sistema solar a partir del sol. Forma parte de los planetes telúricos. Ye l'oxetu más brillante del cielu, depués del sol y de la lluna, colos que comparte la característica de ser los únicos cuerpos celestes que se puen acolumbrar de nueche y en dellos momentos del día, nel so casu al amanecer y al atapecer. Por esta razón recibe tamién los nomes de llucerín de la mañana, llucerín del alba, lluceru matutín, lluceru trunfante o lluceru vespertín.
El nome vien de Venus, la diosa romana del amor. El so símbolu astronómicu , 
ye una representación estilizada del espeyu qu'esta diosa tendría na mano. Tamién s'usó como símbolu el pentagrama, 
, porque vistes dende la tierra, les posiciones sucesives de Venus al redor del sol formen una figura asemeyada a esta forma xeométirca cada ocho años. Nes cultures china, coreana, xaponesa y vietnamita, el planeta conozse col nome d'estrella d'oru (金星).
La so visibilidá fixo que fuere un planeta conocíu posiblemente dende la prehistoria, y que los sos movimientos tuvieren gran importancia en casique toles interpretaciones astrolóxiques del movimientu planetariu. Asina, los mayes ellaboraron un calendariu basáu nos sos ciclos.
Esti artículu ye un entamu, ampliándolu, ayudarás a meyorar la Uiquipedia
| Sistema Solar |
 |
| Estrella: Sol Planetes: Mercuriu | Venus | Tierra | Marte | Xúpiter | Saturnu | Uranu | Neptunu Planetes nanos: Ceres | Plutón | Eris Oxetos menores: Asteroides | Centauros | Oxetos tresneptunianos | Cometes | Meteoroides Otros: Lluna | Io | Europa | Ganimedes | Calistu | Titán | Tritón | Cinturón de Kuiper | Nube d'Oort | Fobos | Deimos | Satélites de Xúpiter | Satélites de Saturnu | Satélites d'Uranu | Satélites de Neptunu | Caronte |
