ശുക്രന്‍ (ഗ്രഹം)
വിക്കിപീഡിയ, ഒരു സ്വതന്ത്ര വിജ്ഞാനകോശം.
| ശുക്രന്‍ എന്ന വാക്കാല്‍ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാന്‍ ശുക്രന്‍ (നാനാര്‍ത്ഥങ്ങള്‍) എന്ന താള്‍ കാണുക. |  |
സൂര്യനില്‍ നിന്നുള്ള ദൂരം മാനദണ്ഡമാക്കിയാല്‍ സൌരയൂഥത്തിലെ രണ്ടാമത്തെ ഗ്രഹമാണ് ശുക്രന്‍. വലിപ്പം കൊണ്ട്‌ ആറാമത്തെ സ്ഥാനം. ഭൂമിയില്‍ നിന്നു നോക്കുമ്പോള്‍ സൂര്യനും ചന്ദ്രനും കഴിഞ്ഞാല്‍ ആകാശത്ത്‌ ഏറ്റവും പ്രഭയോടെ കാണുന്ന ജ്യോതിര്‍ ഗോളവും ഇതുതന്നെ. റോമന്‍ സൌന്ദര്യ ദേവതയായ വീനസിന്റെ പേരാണ് ഇംഗ്ലീഷുകാര്‍ ഇതിന് കൊടുത്തിരിക്കുന്നത്‌.
[തിരുത്തുക] പ്രത്യേകതകള്‍
12104 കിലോമീറ്റര്‍ വ്യാസമുള്ള വ്യാഴത്തിന്റെ അന്തരീക്ഷമര്‍ദ്ദം ഭൂമിയുടെ 95 മടങ്ങാണ്. താപനില 500°സെല്‍‌സ്യസ് വരും. ഏതാണ്ട് നൂറു കിലോമീറ്റര്‍ ഉയരം വരെ വ്യാപിച്ചു കിടക്കുന്ന അന്തരീക്ഷം ശുക്രനുണ്ട്. അന്തരീക്ഷത്തിലെ മുഖ്യഘടകം കാര്‍ബണ്‍ ഡയോക്സൈഡ് ആണ്. പാക്യജനകം(നൈട്രജന്‍) സള്‍ഫ്യൂരിക് അമ്ലം മുതലായവയും അന്തരീക്ഷത്തിലുണ്ട്. സൂര്യനോടടുത്തുള്ള ബുധനേക്കാളും കൂടുതല്‍ താപനിലയാണ് ശുക്രനിലുള്ളത്. അന്തരീക്ഷത്തിലെ കാര്‍ബണ്‍ ഡയോക്സൈഡ് മൂലമുണ്ടാകുന്ന ഹരിതഗൃഹ പ്രഭാവമാണ് ഇതിനു കാരണം.
243 ദിവസം കൊണ്ട്‌ സ്വന്തം അച്ചുതണ്ടില്‍ ഒരുതവണ തിരിയുന്ന ശുക്രനു സൂര്യനെ ഒരുതവണ വലംവയ്ക്കാന്‍ 225 ദിവസം മതി.
ഈ ഗ്രഹത്തിന് ഉപഗ്രഹങ്ങളൊന്നും ഇല്ല.
[തിരുത്തുക] പഠനങ്ങള്‍
ശുക്രനെ സമീപിച്ചു പഠനം നടത്തിയ ആദ്യത്തെ ബഹിരാകാശ പേടകം മാറിനര്‍ 2 ആണ്. അതിനു ശേഷം ഇരുപതോളം ബഹിരാകാശ വാഹനങ്ങള്‍ ഈ ഗ്രഹത്തെ സമീപിച്ചു പഠനങ്ങള്‍ നടത്തിയിട്ടുണ്ട്‌.
| സൌരയൂഥം |
|---|
 |
| നക്ഷത്രം: സൂര്യന്‍ |
| ഗ്രഹങ്ങള്‍: ബുധന്‍ - ശുക്രന്‍ - ഭൂമി - ചൊവ്വ - വ്യാഴം - ശനി - യുറാനസ് - നെപ്റ്റ്യൂണ്‍ |
| കുള്ളന്‍ ഗ്രഹങ്ങള്‍: സെറെസ് - പ്ലൂട്ടോ - ഈറിസ്‌ |
| മറ്റുള്ളവ: ചന്ദ്രന്‍ - ധൂമകേതുക്കള്‍ - കൈപ്പര്‍ ബെല്‍റ്റ് |
 |
ജ്യോതിശാസ്ത്രവുമായി ബന്ധപ്പെട്ട ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
