Xuliu César

De Uiquipedia

Cayu Xuliu César. (en llatín Gaius Iulius Caesar IMP•CAIVS•IVLIVS•CAESAR•DIVVS) (13 de xunetu o 12 de xunetu, 100 aC – 15 de marzu, 44aC) foi un líder militar y políticu de la dómina final de la República de Roma. Les sos conquistes na Galia estendieron el dominiu romanu hasta l'Océanu Atlánticu. Nel 55 aC César allanzóse a la primera invasión de Britania por parte de los romanos.

César lluchó y ganó una guerra civil a escontra la faición conservadora del senáu romano, cuyu líder yera Pompeyo. Depués de la derrota de los optimates, convirtióse en dictador vitaliciu (nel conceptu romanu del términu) y dio aniciu una serie de reformes alministratives y económiques en Roma.

El so dramáticu asesinatu nos idus de marzu por un grupu de senadores, ente los cuáles alcontrábase'l so amigu Bruto (fíu adoptivu), que teníen la intención de salvar la República ante la llercia que-yos producía a los amagostadores de que César nomárese rei. Pero'l so asesinatu desató una nueva guerra civil ente los partidarios de César (Octavio, Marco Antonio y Lépido), y los defensores de la República (Bruto y Casio principalmente).

Esti conflictu terminó cola vitoria de los partidarios de César na doble batalla de Filipos, y l'establecimientu del Segundu Triunviratu nel cuál Octavio, Marco Antonio, y Lépido repartiéronse'l control de Roma. Ensin embargu, nueves tensiones ñacieron entre Octavio y Marco Antonio llevando estes rocees a otra guerra civil, finando cola derrota de Marco Antonio na batalla d'accio, dexando a Octavio como líder indiscutible del mundiu romanu. Esta dómina de guerra civil trensformó la República de Roma nel Imperiu romano col sobrín-nietu de César (y fíu adoptivu) Octavio, depués conocíu como César Augusto, como'l primer Emperador.

Los fechos militares de César y gran parte de la so vida son conocíos al traviés del so propiu puñu y lletra y de relatos d'autores como Suetonio y Plutarco.

Tabla de conteníos 1 Primeros años 2 Cursus honorum 3 El primer triunviratu y les guerres na Galia 4 Guerra civil 5 Asesinato 6 César como hestoriador y escritor 7 Descendencia y casamientos 8 Cronoloxía 9 Bibliografía 10 Enllaces esternos

[editar] Primeros años

César ñació en Roma nel sen d’una antigua familia de patricios, nomada los Xulia. La so ascendencia, d’acuerdu cola lleenda, algamaba a Iulo, fíu del príncipe troyanu Eneas y nietu de la diosa Venus. Nel apogeo del so poder, César entamó en Roma la construcción d’un templu a Venus Genetrix, en reconocimientu a la so supuesta antepasada.

César medró nel Subura, un barriu de clase baxa de Roma.El so pá, cuyu nome yera tamién Cayo Xulio César, algamó'l rangu de Pretor. La so ma yera una Aurelia de la rama de los Cotta, una familia plebeya rica e influyente. El medrar ente los ciudadanos de clase baxa aparentemente enseñólu a falar barios idiomes, incluyendo hebreo y dalgunos dialectos galos. Vivir nesi llugar, pa una familia patricia con llimitaciones económiques, yera definitivamente un pilancu pal so futuru políticu. Ensin embargu, el xoven César deprendió munchu de les sos esperiencies de neñu, apreciando'l poder de ser un líder pal home común. Amás, él tenía la so herencia patricia y el so maníficu proceder político que-lu emburriaría a la cume del poder romanu.

Los Xulios Césares, aínda patricios, nun yeren ricos pa los patrones de l'aristocracia romana de la dómina y por esi motivu, ni'l so pá ni'l so güelu algamaron cargos prominentes na República. La so tía paterna Xulia casóse col talentosu xeneral y reformador Cayo Mario, líder de la faición progresista del Senáu, los Populares, frecuentemente enfrentaos a los Optimates (conservadores).

A lo caberu de la vida de Mario, les refiertes internes ente les dos faiciones taben a puntu quebrar. Nel añu 86 aC españo una guerra civil, cuyu resultáu a la llarga foi la dictadura (conceptu romano del términu) de Lucio Cornelio Sila.

César foi nomáu Flamen dialis (sumo sacerdote de Xúpiter) por Lucio Cornelio Cinna, aliáu de Mario. Nel añu 85 aC, poco tiempu depués que César cumpliere 15 años,el so pá cayó enfermu y morrió. Tanto Mario como'l so pá dexaron-y munches de les sos propiedaes y riqueces al xoven Xulio.

César taba apiegáu por llazos familiares al bandu perdedor: non sólo yera sobrín de Mario, amás taba casáu con Cornelia, fía de Cinna. La so situación yera poco segura. Sila ordénolu divorciase de Cornelia pa demostrar la so llealtá al nuevu réxime, pero César negóse y escapó de Roma. El dictador engrífose, mandando sicarios a apresalu y asesinalu. Foi la intervención de la so familia y collacios influyentes los que lo salvaron de la muerte. Los sos tíos Marco, Cayo y Lucio Aurelio Cotta, xunto coles vírxenes vestales y el propiu yernu de Sila, Mamerco Emilio Lépido Liviano, quenes convencieron al Dictador de perdona-y la so vida. Sila accedió de mala gana, pero, según Suetonio, dixo-y qu'esi xoven a quien habíen salvao la vida sedría la perdición de la faición de los Optimates, na qu'ellos habíen lluchao y que "nél veo munchos Marios". A pesar del perdón de Sila, César nun quixo volver a Roma, y marchó pa Oriente pa sirvir na guerra escontra Mitrídates VI del Ponto. Dúrante esa campaña, César destinguiose pola so valentía en combate y les sos capacidaes de cabezaleru.

Depués de la muerte de Sila nel 78 aC, César tornó a Roma y entamó una carrera como abogáu nel Foru romanu, dándose a conocer pola so brillante oratoria. Les sos principales víctimes yeren políticos corruptos acusaos d'estorsión.

Col perfecionismu que siempre lo carauterizó, César nun taba contentu consigo mesmo y viaxó a Rodas pa estudiar filosofía y retórica col gramáticu Apolonio Molón. Pero demientres el viaxe, el so barcu foi abordáu por pirates que lu raptaron. Cuando exixeron un rescate de 20 talentos d’oru(un talentu equivalía a 26 kilos), César desáfiolos a pidir 50. 38 díes depués, el rescate llegó y César foi lliberáu depués d'un cautiveriu bastante cómodu onde fizo amistá con dalgunos de los secuestradores. Recuperada la so llibertá, organizó una fuerza naval, atropo'l refuxu de los pirates y ordenó la so crucifixón.

Nel 69 aC, Cornelia morrió al dar a lluz a un neñu que ñació muertu y poco depués César perdió a so tía Xulia, viuda de Mario, de quien alcontrábase mui cercanu. Contrariu al vezu de la dómina, César insistió en organizar funerales públicos p'ambes. Ambos funerales sirvieron tamién pa desafiar lleis de Sila, pues exhibiéronse nel sepeliu de Xulia les imáxenes de Cayo Mario y del fíu qu'había tenío con ella y que tamién había lluchao a escontra Sila, Cayo Mario'l Xoven, y nel sepeliu de Cornelia, la imaxen del so pá Cinna. Toos ellos fueron proscritos, y les lleis del dictador prohibíen mostrar les sos imáxenes en público, pero César nun ataramiello en quebrar les regles. Eso foi mui apreciao pola opinión pública y repudiau polos Optimates.

[editar] Cursus honorum

César foi elixíu Cuestor pola Xunta del Pueblu nel 69 aC, con 30 años d'edá, como estipulaba'l cursus honorum romano.Nel sortéu, correspondió-y un cargu na provincia romana de Hispania Ulterior, asitiada na actual Portugal y el sur d’España. Al so regresu a Roma, César siguió la so carrera como abogáu hasta ser elegíu Edil nel 65 aC, el primer cargu del cursus honorum que tenía imperium. Les funciones d’un edil puen ser equiparais a les d’un modernu Presidente d'una Xunta Municipal e incluyen la regulación de les construcciones, del tránsitu, del comerciu y otros aspectos de la vida diaria. Pero'l cargu podría ser tamién un regalu envenenáu, pues incluyía la organización de los xuegos nel Circus maximus lo que debido a lo llimitao del presupuestu público, exixía la utilización de fondos personales del edil. Esto yera especialmente verdá nel casu de César, que pretendía realizar xuegos memorables pa dar impulsu a la so carrera política. Y d'echo aplicó tol so enseñu p'algamalo, llegando a disviar el cursu del Tíber pa una representación nel circu, pero acabó l'añu con deudes del urden de barios cientos de talentos d'oru. Ensin embargu, l’éxitu como edil foi un gabitu importante na so elección pa pontifex maximus nel añu 63 aC, depués de la muerte de Quinto Cecilio Metelo Pío. El cargu implicaba una casa nueva nel Foru, la Domus Publica, la responsabilidá de to la vida relixosa de Roma y custodia de les vírxenes vestales. Pa la vida personal de César, tamién significaba l'allivio del fin de les deudes. El so estrenu como pontifex maximus foi marcáu pol escándalo. Depués de la muerte de Cornelia, César casóse con Pompeya, nieta de Sila. Como muyer del pontifex maximus y una de les matrones más importantes de Roma, Pompeya yera responsable de la organización de los ritos de la Bona Dea n’avientu, esclusivo de les muyeres consideraes sagraes. Pero demientres les celebraciones, Publio Clodio (un xoven líder demagogo, consideráu peligrosu) algamó a entrar na casa enmazcaráu de muyer. En respuesta a esti sacrilexu, del cuál ella probablemente nun yera culpable, Pompeya recibió la urden de divorciu. Cesar almitió en público qu'él no la consideraba responsable, pero xustificó la so aición cola célebre máxima: La muyer de César tien que tar por enriba de to sospecha. Nel 63 aC César foi elixíu pretor y Marco Tulio Cicerón cónsul. Foi un añu perdifícil non sólo pa César, asina tamién pa Roma. Dúrante'l so consuláu, Cicerón reveló una amagostu pa destronar a los maxistraos, encabezada por Lucio Sergio Catilina, un patricio frustráu pola so falta d'éxitu políticu. El resultáu foi una execución ensin xuiciu de cinco prominentes romanos aliaos de Catilina. Esto yera un anatema pa la sociedá romana, que raramente executaba a los sos ciudadanos y cuando se facía yera sólo depués de complexos procesos xudiciales. César opusose a esta midida usando pa esos fines la so meyor oratoria, pero foi vencíu pola insistencia de Marco Porcio Catón el Xoven y los 5 homes foron executaos esi mesmo día. Foi tamién nesti dramáticu conceyu del Senáu que'l romance de César con Servilia, hermana de Catón, salió a la lluz. Los opositores políticos de César acusáronlu de formar parte del amagostu de Catilina, lo qu'enxamas foi probao nin perxudicó la so carrera. Depués del complicáu añu como pretor, César foi nomáu gobernador d'Hispania Ulterior.

[editar] El primer triunviratu y les guerres na Galia

Nel 59 aC César foi elixíu cónsul. Como segundu cónsul foi elixíu'l so enemigu políticu, Marco Calpurnio Bibulo, miembru de la faición conservadora y collaciu de Catón el Xoven. El primer actu de Bíbulo como cónsul foi retirase de la vida política col pretestu de dedicase a la observación de los cielos a la gueta arremielgos. Esta decisión, aparentemente d'espíritu relixoso, taba destinada a impidir a César aprobar lleis dúrante'l so consuláu, pero ésti alcontró aliaos onde menos los esperaba.

Nesi mesmu añu, Pompeyo alcontrábase en refierta abierta col Senáu por causa del derechu de los sos veteranos a tierres de semao. Al mesmo tiempu, l’antiguo cónsul Marco Licinio Craso, l'home más ricu de Roma, pasaba tamién por delles torgues p'algamar el tan deseáu comandu na guerra escontra l’Imperiu Persa. César precisaba del dineru de Craso y de la influencia y popularidá de Pompeyo y asina formóse una alianza informal. Los historiadores designen esta unión como'l primer triunviratu, o'l gobiernu de los tres homes. Pa confirmar l’alianza, Pompeyo casóse con Xulia Caesaris, la única fía de César, y a pesar de la diferencia d’edaes y ambiente social el matrimoniu foi un éxitu.

Depués d’un añu difícil como cónsul, César recibió poderes proconsulares pa gobernar les provincies de Galia Transalpina (actualmente al sur de Francia) e Iliria (la costa de Dalmacia) por cinco años. Una gobernación pacífica nun s'afayaba bien a la so personalidá y César entamó la Guerra de les Galies (58 aC - 49 aC), onde conquistó la Galia (el restu de l'actual Francia), parte de Germania y fizo una breve visita a les islles britániques. Ente los sos legaos alcontrábense, ente otros, los primos Lucio Xulio César y Marco Antonio, Titus Labienus (Tito Labieno) y Quintus Tullius Cicero (Quinto Tulio Cicerón) (hermanu más xoven de Cicerón), tolos homes qu’habríen de ser personaxes perimportantes nos próximos años.

En materia de xeneralatu, Xuliu César foi’l mayestru supremu de la guerra rellámpagu, nomada como "celeritas caesaris" o la rapidez cesariana.

Sorprendía habitualmente al enemigu cuando, depués de varios díes de marcha, facíen que los sos soldaos s'enfrentaren direutamente al adversariu, pese a qu’ésti consideraba que'l cansanciu invalidaría'l puxu de les sos legiones. Igualmente brillante nos asedios de ciudaes, como na conquista de les mesmes guerres, destacó nes sos estratexes en campu abiertu. Frente a Pompeyo en Farsalia o frente a los últimos reductos republicanos en Munda, César venció a lo llargo de la so carrera militar siempre en inferioridá numbérica frente a los sos enemigos. La triple aciex, o formación legionaria en tres línies d'ataque pal refrescu de los sos soldaos, foi emplegada de mou insuperable por César con pequeños reductos de soldaos na retaguardia, a mou de refrescu, asina como cola reserva de caballería a los llaos pa llanzar cobertures envolventes.

En Alesia xugó la so más brillante baza defensiva-ofensiva. César ordenó construyir una doble línea de fortificaciones de varios kilómetros de diámetru pa blindase frente a los casi trescientos mil galos que procedíen al sofitu d'ochenta mil soldaos asediaos de Vercingetórix a los que César tenía acoxaos dientro de la plaza. César, con menos de cincuenta mil efectivos correspondientes a diez legiones nunca completes tras ocho años de guerres na Galia, venció a unos y a otros na mesma batalla en la que se decidió'l destino de los galos.

César derrotó pueblos como los helvecios nel 58 aC, la confederación belga y los nervios en 57 aC y los vénetos en 56 aC. Finalmente, en 52 aC, César venció una confederación de tribus gáliques llideraes por Vercingetórix na batalla d'alesia. Les sos cróniques personales de la campaña tán rexistraes en los sos Comentarios (De Bello Gallico). D’acuerdu con Plutarco, la campaña resultó en 800 ciudaes capitulaes, 300 tribus sometíes, un millón de galos reducíos a la esclavitú y otros tres millones muertos nos campos de batalla.

Pero a pesar de los sos éxitos y de los beneficios que la conquista de Galia llevó a Roma, César continuaba siendo impopular ente los sos pares, en particular frente a los conservadores que temíen la so ambición. Nel 55 aC, los sos aliaos Pompeyo y Crassus foron electos cónsules y honraron l’acuerdu establecíu con César al prollongar el proconsulado por cinco años adicionales. Ésti foi l'últimu actu del Primer Triunviratu.

Al añu siguiente, Xulia Caesaris morrió dúrante un partu, dexando’l pa y al marido mui apenaos. Craso, pola so parte, morrió nel 53 aC dúrante la desastrosa campaña de Persia, condenada al fracasu dende l’aniciu por pésima planificación. Sin Craso y Xulia, Pompeyo aproximóse a la faición conservadora. Tovía na Galia, César trató d'asegurase l'alianza con Pompeyo proponiéndo-y matrimoniu con una de les sos sobrines, pero ésti prefirió casase de nuevo con Cornelia Metella, fía de Metellus Scipio, un de los peores enemigos de César.

[editar] Guerra civil

El senáu encabezáu por Pompeyo había, en principiu, mandao-y a César una sola proposición: ser cabezaleru d’una de les sos escases legiones a oriente pa vengar a Craso y devolver otra a Pompeyo que-y l'había emprestao pa les operaciones en la Galia. Pero cuando'l senáu contesto-y definitivamente impidiéndo-y añublar al consulao y poniéndolu nel dilema: o esparder l’Exércitu, o ser declaráu enemigu públicu, comprendió que, d'escoyer la primera alternativa, entregábase en manes d’un Estáu que quería'l so pelleyu. Presentó otra proposición al senáu: llicenciaría ocho de les sos diez legiones si se-y prollongaba la gobernación de la Galia hasta el 48 aC.

Cesar axunto a una de les sos legiones, la decimotercera y cunto-yos cómo andaben les coses, entrugando-yos si taben dispuestos a enfrentase en guerra a Roma,la so patria, a sabiendes que de perdela calificaríenlos de traidores,por unanimidá la respuesta foi que sí. Alviértolos que nun tenía dineru pa pagallos la soldata, siendo la rempuesta de los legionarios entrega-y los aforros de la caxa de la legión.

El diez de xineru d’aquel añu cruzó’l Rubicón con aquella legión de seis mil soldaos, a escontra los sesenta mil de Pompeyo. Yera’l primer actu de guerra civil qu'había de finar col normal funcionamientu de les instituciones polítiques de la República. Los Optimates, incluyios Metellus Scipio y Catón el xoven, escaparon hacia'l sur, sin saber que César taba acompangáu apenes pola so decimotercera legión.

César persiguió a Pompeyo hasta’l puertu de Brundisium nel sur d'Italia, cola esperanza de poder refacer la so alianza, pero ésti fuyó hacia Grecia colos sos siguidores. Entóncenes, César encamínose a Hispania nuna marcha forzada d’apenas 27 díes, pa derrotar a los siguidores de Pompeyo nesa poderosa provincia. Sólo cuando consideró segura la retaguardia, y depués d’organizar les instituciones polítiques en Roma, p'aparar la reinante anarquía, César dirigiose a Grecia. El 10 de Xunetu del 48 aC, César foi derrotáu na batalla de Dyrrhachium. Ensin embargu, Pompeyo nun supo facer usu desta victoria pa finar col César, y ésti consiguiría fuxir pa lluchar n’otru momentu con casi tol so exércitu. L'alcuentru final diose poco tiempu depués, el 9 d'agosto, na batalla de Farsalia. César algamo una victoria estruendosa, ensin embargu, los sos enemigos políticos consiguieron fuxir: Pompeyo pa Exiptu, Metellus Scipio y Catón pal norte d’África. Al tornar a Roma, foi nomáu dictador romano (un conceptu diferente del actual), con Marco Antonio como Magister equestris, y foi elixíu cónsul por segunda vegada.

Nel 47 aC, César encamínose a Exiptu a la gueta de Pompeyo, sorprendíolu'l fechu de que'l vieyu aliáu y enemigo habíenlu asesinao l'añu anterior. Al saber de la so suerte, César quedó estrozáu pola perdida y por nunpoder da-y la oportunidá d'ofrece-y el so perdón. Por esto, César decidíose a intervenir na política exipcia y descabezó al rei Ptolomeo XIII, que ya tenía la dignidá de faraón, pola so hermana Cleopatra. Dúrante la so estancia, César tuvo un romance cola reina d’Exiptu y de la rellación ñació'l so único fíu, el futuru Ptolomeo XIV d'Exiptu(Cesarión). Foi tamién dúrante esta dómina cuando César sufrió'l so primer ataque d’epilepsia.

Depués de les campañes d'Exiptu, César marcho pal Mediu Oriente, onde derrotó al rei Farnaces de Bósforo na batalla de Zela y depués pal norte de p’atacar a los cabezaleros de la faición conservadora allí atrincheraos. Na batalla de Tapso nel 46 aC, César algamo de nuevo la victoria y vio desapaecer dos de los sos peores enemigos, Metellus Scipio y Catón el xoven. Pero los fíos de Pompeyo, Cneo y Sexto Pompeyo Fastulos, asina como'l so antiguo comandante de caballería Tito Labieno, algamaron a fuxir pa Hispania. César nun dudó en persiguilos y en marzu del 45 aC derrotó l'últimu focu d’oposición na batalla de Munda.

[editar] Asesinato

Con tol mundiu romanu baxo'l so control, César tornó a Roma, onde foi nomáu dictador vitaliciu y denomináu Pater Patriae, pa de la patria. Entóncenes entamó un maratón de reformes alministratives qu'incluyíen el camudamientu del calendariu Xulianu, onde'l mes Quintilis foi rebautizau como Xulius nel so honor y continua, hasta los nuesos díes, siendo conocíu como xunetu. En febreru, nes fiestes de Lupercalia en honor a Baco, Marco Antonio ofreció-y una diadema, símbolu d’un rei, a César, refugandola esti con vehemencia, depositándola ante'l templu de Xúpiter. D’otra miente, esti episodiu valió-y la desconfianza de los sos pares, qu'entamaron a tener llercia a la so ambición.

Poco depués, César foi asesináu nun coceyu del senáu, nos Idus de Marzu (15 de marzu) del 44 aC, por un grupu de senadores qu'alegaben actuar en defensa de la República. Ente ellos alcontrábense los sos antiguos protexíos Marco Junio Bruto y Cayo Longino Casio. Tras recibir 23 puñalaes, César cayó a los pies d’una estatua de Pompeyo y les sos últimes pallabres son descrites en varies versiones:

• Kai su, teknon? (Griego, ¿tu tamién, mio fíu?)

• Tu quoque, Brute, filii mei! (Llatín, ¡Tu tamién, Bruto, mio fíu!)

• Et tu, Brute? (Llatín, ¿Tu tamién, Bruto?, versión inmortalizada nuna pieza de Shakespeare).

Según Suetonio, en "La Vida de los Doce Césares", César, al ser zurdíu, non pronunció frase dalguna.

La llenda cuenta que Calpurnia Pisonis, la muyer de César, depués d'haber soñao con un arremielgo terrible, alvirtió a César que tuviere cuidao, pero César ignoró la so alvertencia diciendo: Sólo debe tenese medrana’l mieu. N’otres versiones contase cómo un vidente ciegu habíalu prevenío escontra los idus de Marzu; llegáu'l día, César recordólo nes escaleres del Senáu qu'entovía siguía vivu, a lo que'l ciegu arrespondió que los idus nun habíen finao entovía.

Depués de la muerte de César, españo una llucha pol poder ente'l so sobrín-nieto César Augusto, a quién adoptó nel so testamentu, y Marco Antonio, que finaría con la caída de la República y el ñacimientu del Imperiu romanu.

[editar] César como hestoriador y escritor

L’obra escrita que llegó hasta los nuesos díes coloca a César ente los grandes mayestros de la llingua llatina. Los sos trabayos incluyen:

• De bello Gallico – Comentarios sobre les campañes de la Galia

• De bello Civili – Comentarios sobre la refuga a obedecer al Senáu romanu y sobre la guerra civil

Estes narraciones, aparentemente simples y direutes, son en realidá sofisticaes maniobres de propaganda política encaminaes a la clase media de Roma.

En materia de xeneralatu, Xuliu César foi’l mayestru supremo de la guerra rellámpagu, lo que se conoció como "celeritas caesaris" o la rapidez cesariana.

Yera habitual sorprender al enemigu cuando, depués de varios díes de marcha, facía que los sos soldaos enfrentárense direutamente al adversario, pese a qu'ésti consideraba que´l cansanciu mermaría'l puxu de les sos legiones. Igualmente brillante nos asedios de ciudaes, como na conquista de les mesmes, sobresalío nes estratexes a campu abiertu. Frente a Pompeyo en Farsalia o frente a los postreros reductos republicanos en Munda, César venció a lo llargo de la so carrera militar siempre en inferioridá numbérica frente a los sos enemigos. La triple acies, o formación legionaria en tres llinies d'ataque pal refrescu de los soldaos, foi emplegada de mou insuperable por César con pequeños reductos de soldaos na retaguardia, a mou de refrescu, asina como con la reserva de caballería a los llaos pa llanzar cobertures envolventes.

[editar] Descendencia y casamientos

• Primer casamientu con Cornelia Cinnila
  • Xulia Caesaris, casada con Pompeyo
  • Natimuerto, ensin nome
• Segundu casamientu con Pompeia Sulla
• Tercer casamientu con Calpurnia Pisonis
• Rellación con Cleopatra
  • Ptolomeo César (Cesarión), faraón d'Exiptu

[editar] Cronoloxía

• 13 de Xunetu 100 aC – Ñaz en Roma
• 82 aC – Escapa de les persecuciones de Sila
• 81/79 aC – Serviciu militar en Asia y Cilicia
• Años 70 aC – Carrera como abogáu
• 69 aC – Cuestor en Hispania Ulterior
• 65 aC – Edil
• 63 aC – Electo pontifex maximus y pretor urbanu; amagostu de Catilina
• 59 aC – Cónsul por primera vegada; anicio del primer triunviratu
• 58 aC – Entama la campaña en les Galies
• 54 aC – Muerte de Xulia
• 53 aC – Muerte de Craso: fin del triunviratu
• 52 aC – Batalla d’Alesia
• 50 aC – Atraviesa'l Rubicón, da aniciu la guerra civil
• 48 aC – Derrota a Pompeyo en Grecia; conviértese en dictador romanu y cónsul por segunda vegada
• 47 aC – Campaña en Exiptu, conoz a Cleopatra
• 46 aC – Derrota a Catón y a Metellus Scipio nel norte d’África; cónsul por tercera vegada
• 45 aC –
  • Derrota la cabera oposición en Hispania
  • Torna a Roma, cónsul por cuarta vegada
• 44 aC –
  • Febreru, refuga la diadema ofrecida por Marco Antonio
  • 15 de marzu, asesináu

[editar] Bibliografía

• Alejandro y César. (Vidas paralelas). Plutarco. Salvat Editores, S.A. (En Castellanu)
• Los Doce Césares. Suetonio. Grupo Axel Springer, S.L. (En Castellanu)
• Biblioteca Virtual Cervantes - Antigua: El asesinato de Julio César. José Mª Blázquez Martínez, Javier Cabrero. (En Castellanu)
• Carcopino, Jérôme. Xuliu César. (Varios Idiomes)

[editar] Enllaces esternos

• Biografía por Suetonio (En Castellanu)
• Amplia Biografía con enllaces a textos orixinales (En Castellanu)
• ¿Engañó Xuliu César a los sos asesinos? (En Castellanu)
• Obres de Xuliu César: textu, concordancies y llista de frecuencia (En Inglés)