@

El Vikipedio

Interpunkciaĵoj
apostrofo ( ' ); ( ’ ) citiloj ( ‘ ’ ); ( “ ” ); ( „ ” ); ( « » ) demandosigno ( ? ) dupunkto ( : ) komo ( , ) krampoj ( ( ) ); ( [ ] ); ( { } ); ( < > ) kridemandosigno ( ‽ ) ( ?! ) krisigno ( ! ) punkto ( . ) punktokomo ( ; ) spaceto ( ) streketoj ( ‒ ); ( – ); ( — ); ( ― ) ( ‐ ) oblikvo ( / ) tripunkto ( … ) ( ... )
Aliaj tipografiaj markoj
asterisko ( * ) bulmarko ( • ) dividsigno ( ÷ ) kaj-signo ( & ) krado ( # ) deklivo ( \ ) plus-minus-signo ( ± ); ( ∓ ) ponardo ( † ‡) heliko ( @ ) substreko ( _ ) tildo ( ~ ) vertikala streko aŭ "dukto" ( \| )

La signo ĉe aŭ heliko, @, estas simbola mallongigo aŭ ligaturo por la latina vorto ad (=ĉe), historie ofte uzata en anglalingvaj landoj por la samsignifa angla vorto at [et], kiu donis ankaŭ la anglan nomon de la simbolo. Ĝia formala angla nomo commercial at ("komerca ĉe") devenas el komerca uzo en anglalingvaj fakturoj kun la signifo "po", ekz. "7 widgets @ £2 ea. = £14" ("7 umoj po 2 pundoj egalas 14 pundojn").

Ĝia Esperanta nomo devenas de la simileco kun konkohava heliko. La alternativa nomo estas rekta traduko el la angla/latina, kaj de temp' al tempo uzatas kun la signifo "ĉe" en poŝtelefona lingvo, sloganoj k.s., ekzemple E@I.

Ĝia plej kutima uzo estas en ret-poŝto, elektronika adreso, kiel ekz. en sinjoroxy@mondo.net. Legu: sinjoro xy ĉe mondo punkto net. Uzadon de tiu ĉi simbolo en elektronika poŝto enkondukis Ray Tomlinson en la jaro 1972. Por multaj ĝi iĝis simbolo por la Interreto.

[redaktu] Heliko en aliaj lingvoj

angle : commercial at, ("komerca ĉe"), at symbol ("ĉe-simbolo"), at sign ("ĉe-signo"), at ("ĉe"), strudel ("akvokirlo", "strudelo"); malpli ofte: each ("po"), these ("ĉi tiuj"), vortex ("vortico"), whorl ("vindaĵo"), cyclone ("ciklono"), snail ("heliko"), ape ("simio"), cat ("kato"), rose ("rozo"), cabbage ("brasiko"), amphora ("amforo"), ampersat (laŭ ampersand, "&")
ĉeĥe : zavináč ("rulita marinita heringo")
ĉine-mandarine : xiao laoshu (小老鼠) ("museto"), aŭ: laoshu hao (老鼠號) ("muso")
dane : snabel-a ("rostro-a"), aŭ: grisehale ("porka vosteto")
eŭske : arroba (pez-unuo)
feroe : kurla
finne : ät-merkki, laŭ la normo SFS; aliaj nomoj kissanhäntä, ("katina vosteto"), miukumauku ("miaŭ-signo")
france : arobase (el la hispana pez-unito kaj ankaŭ: escargot ("heliko")
germane : Klammeraffe ("alkroĉanta simieto"), aŭ: kaufmännisches A ("komerca A")
gronlande : a-nagguaatsulik ("a kun elefanta rostro", laŭ la Dana nomo)
hebree : Strudel (שטרודל); literature, laŭ Akademio de la Hebrea lingvo: krukhit (כרוכית) ("strudelo")
hispane: arroba (pez-unuo)
hungare : kukac ("vermo" aŭ "larvo")
itale : chiocciola ("heliko")
katalune : arrova, nebo ensaïmada ("brioŝko" = kuketo tipa el Mallorca)
koree : golbaeng-i (골뱅이), dialektika formo de la vorto daseulgi (다슬기) ("malgranda trinkakva heliko sen antenoj")
nederlande : apenstaartje ("simia vosteto")
norvege : oficiale: krøllalfa ("onduma alfo", aŭ "alfa-vortico"); alternative ankaŭ: alfakrøll
pole oficiale : atka, aŭ: małpa ("simio"), aŭ: małpka ("simieto").
portugale : arroba (pez-unuo)
ruse : sobaka (собака) ("hundo")
slovene : afna ("simieto")
svede : snabel-a ("rostro-a"), aŭ: kanelbulle ("cinamona rulo")