Hans Jakob
El Vikipedio
Hans JAKOB
Hans JAKOB (naskiĝis en 1891, mortis en 1967) estis germandevena svisa Esperantisto, studinto pri komerco. Lia vera persona nomo estis Franz.
Enhavo |
[redaktu] Vivo
Jakob naskiĝis en Heidelberg kaj venis en 1912 al Ĝenevo por plulerni, eklaboris ĉe UEA kaj restis en tiu urbo ĝis la fino de sia vivo. Iom dum kaj post la Unua mondmilito li servis eksterlande.
Post 1934, post demisio kiel direktoro de UEA, Jakob trovis diversajn laborojn, plej longe (ĝis pensiiĝo) en svisfederacia oficejo pri pensioj.
Jakob estis dufoje edziĝinta kaj havis filinon. Li estis membro de la socialista partio de Svislando.
[redaktu] Esperanto
En 1920 Jakob fariĝis estro de la Centra Oficejo kaj okupiĝis ankaŭ pri la Jarlibroj kaj estis teknika redaktoro de revuo Esperanto. Li fariĝis Direktoro de la CO en 1924 kaj proteste forlasis tiun postenon dum la UK en Stockholm en 1934. Estinte kuniniciatinto de la jura proceduro kiu malhelpis translokigi la oficejon de Ĝenevo al Londono, li post la Skismo de 1936 refariĝis Direktoro kaj redaktoro de la "ĝeneva" UEA. En 1942 li transiris en la ĝenevan estraron.
Post la kunfandiĝo de Internacia Esperanto-Ligo kaj la "Ĝeneva UEA" en 1947 li transiris al Komitato kaj Estraro de la nova asocio, kaj li redaktis la revuon. En 1955 li proteste forlasis la Estraron kaj ĉesis redakti, sed ricevis la titolon "honora redaktoro".
En 1960 la Estraro eksciis, ke Jakob estis preninta monon de la Asocio sen interkonsento kun la Estraro. Sekvis longjara jura proceduro. Kiam Jakob mortis en Ĝenevo en 1967, UEA ricevis iom da mono el la heredaĵo.
[redaktu] Verkoj
- Universala Esperanto-Asocio 1908-1933: Historia skizo, Ĝenevo 1934
- Servisto de l' ideo: 50 jaroj ĉe Universala Esperanto-Asocio / 1908 - 1958; historio de UEA kun fortaj aŭtobiografiaj trajtoj (proks. el 1958). (La manuskripto estis redaktita de Mark Fettes kaj eldonita de Flandra Esperanto-Ligo en 1995.)
Cetere Jakob kontribuis al la Enciklopedio de Esperanto (1934) sub la pseŭdonimo "George Agricola".
[redaktu] Literaturo
- Marcus Sikosek (Ziko van Dijk): Die neutrale Sprache. Eine politische Geschichte des Esperanto-Weltbundes. Bydgoszcz: Skonpres 2006. 459 paĝoj, il. ISBN 978-83-89962-03-4.
 |
 |
|
 |
|
||||||||||
|---|---|---|---|---|---|---|---|---|---|---|---|---|---|---|
| Hans JAKOB (ankaŭ Hans Jakob Notz), svisa civitano, direktoro de UEA depost 1924; profesio antaŭa: komercisto. Nask. 15 dec. 1891 en Heidelberg (Germ.). Membro de UEA de 1909, delegito en Heidelberg, 1909-12, de tiam oficisto ĉe la Centra Oficejo de UEA: Administranto de la revuo Esperanto ĝis 1914, poste Librejo. De 1920 ĝenerala sekr. Kunlaboranto de ,E' kaj teknika aranĝanto. Redaktanto de la Oficiala jarlibro de la E Movado depost 1924 kaj de la antaŭa Jarlibro de UEA (de 1921). Respondeca afera gvidanto de UEA, konforme al la Statuto Art. 47/48.
Verkinto de multaj artikoloj en E sub ps. Agricola. Verkis serion da artikoloj s. t. Esperantistaj Problemoj, kiuj atestas pri funda kono de nia movado. Pro ofico partopreninta preskaŭ ĉiujn UK kaj multajn naciajn kongresojn, unu el la plej konataj gvidantoj de la movado. Multe okupiĝas per kolektado de plej diversaj aferoj, tamen plej preferata kromokupo estas por li la legado kaj ordigado de lia granda biblioteko privata. |
||||||||||||||
