Kresta tadorno
El Vikipedio
| ??Kresta tadorno Konserva statuso: Kriza |
||||||||||||||
|---|---|---|---|---|---|---|---|---|---|---|---|---|---|---|
| Biologia klasado | ||||||||||||||
|
||||||||||||||
|
|
||||||||||||||
| Tadorna cristata (Kuroda, 1917) |
La kresta tadorno (Tadorna cristata) el la ordo de anseroformaj birdoj kaj familio de anasedoj troveblas en la Nordoriento de Ĉinio, Rusio, Koreio kaj Japanio. Ĝi estas aparta specio de tadornoj. La femala kaj maskla birdoj diferencas unu de la alia per koloro. La maskla birdo havas okulfrapan nukan kreston kaj elstaran voston, kio evidente distingas la birdon disde alispecaj sovaĝaj anasoj. La kresta tadorno estas pli granda ol aliaj sovaĝanasoj. Ĝi estas 58 cm. longa, kun flugiloj 32 cm. longaj kaj vosto ĉ. 11,7 cm. longa. Ĝi estas bela sovaĝanaso. La maskla birdo havas malhelverde brilantajn nigrajn striojn sur la verto, kiuj etendiĝas al la nuko kaj formas pendantan plumkreston; la antaŭa brusto, nuko kaj dorso brilas nigreverde; la malsupra parto de la dorso estas griza; sur la flugiloj estas blankaj makulegoj; la ventro malhele brunas kun helbrunaj transversaj makuloj; la beko kaj kruroj estas ruĝaj. La femala birdo ne havas evidentan nudan kreston kaj nigreverdan brilon sur la brusto, ĝia korpo estas plena de transversaj strioj kun blanka okulrando. La kresta tadorno estas rara specio. En 1877, 1913 kaj 1916, oni kaptis en Sovetunio kaj Koreio tri tiuspecajn tadornojn. En la posta duonjarcento neniu vidis plu tiuspecan birdon, tial oni iam opiniiŝ ke ĝi jam malaperis. Sed en 1964 oni trovis tri krestajn tadornojn en Vladivostoko, kio signifas, ke la birdoj ankoraŭ ekzistas en la mondo. Por protekti tiun pereantan specion la Forstuma Ministrejo de Ĉinio donis anoncon, ke oni liveru informojn pri la kresta tadorno. Tiu, kiu la unua trovos la birdon, estos premiita (tio okazis en la 1980-aj jaroj).
