Livadio
El Vikipedio
| Urbotipa loĝloko de Krimeo | |
| Livadio rus. Ливадия ukr. Лівадія krim. Livadiya |
|
 |
|
| La regiono de Krimeo: | Jalta municipo |
| Koordinatoj: | 44°28'N, 34°08'E |
| Averaĝa alto super la marnivelo: | ~150 m. |
| Areo: | ? |
| Loĝantaro: | 889 homoj (laŭ la jaro 2001) |
| Loĝ-denso: | ? |
| Poŝt-kodoj: | 98655-98656 |
| Telefon-kodo: | +380-654 |
| Hor-zono: | UTC +2 |
| Antaŭa(j) nomo(j): | |
| Urbestro: | ? |
  |
|
Livadio (rus. Ливадия, ukr. Лівадія, krim. Livadiya) estas urbotipa loĝloko de la Jalta municipo de Aŭtonoma Respubliko Krimeo; signifa kuracejo kaj populara turisma loko. La loĝloko troviĝas tre proksime al Jalto kaj malgraŭ la administra memstareco (ĝi estas centro de Livadia komunumo, kiu krom Livadion havas ankoraŭ 2 urbotipajn loĝlokojn kaj 5 vilaĝojn) ĝi estas ofte konsiderata kiel okcidenta antaŭurbo de Jalto. La loĝloko estas internacie fama pro la Jalta konferenco, kiu estis organizita en la Livadia palaco en la jaro 1945. La nomo de la loĝloko venas el la greka lingvo kaj signifas "herbejo".
[redaktu] Historio
La homoj loĝis sur la teritorio de nuna Livadio delongege, tion pruvas la trovitaj ĉi tie arĥeologiaj restaĵoj, kiuj rilatas al la 3a jarmilo a.K. Ankaŭ en la mezepoko ĉi tie ekzistis kelkaj malgrandaj loĝlokoj, kaj apud Livadio sur la roko Ĥaĉla-Kajasi konserviĝis la restaĵoj de feŭda kastelo de la X-XIIaj jarcentoj.
En la XVIIIa jarcento ĉi tie troviĝis negranda greka loĝloko Aj-Jan. Post anekso de Krimeo fare de Rusia Imperio la terenoj de Livadio apartenis al diversaj rusiaj nobeloj kaj politikistoj. Proksimume ekde la 30aj jaroj de la XIXa jarcento oni produktas vinon ĉi tie.
En la jaro 1860 Livadio estis aĉetita fare de la cara familio. La cara kuracisto Botkin (fama rusa sciencisto) konsilis al la cara familio uzi la Sudan Bordon de Krimeo kiel kuracejon. Jam en la jaroj 1862-66 oni konstruas ĉi tie kelkajn palacetojn kaj multajn helpajn domojn; Livadio fariĝas somera rezidejo de la cara familio. Samtempe ĝi populariĝas kiel aristokrata ripoz-loko.
En la jaro 1894 caro Aleksandro la Tria mortas en Livadio. En Livadio okazis ankaŭ la kronado de la lasta rusia caro Nikolao la Dua. En la jaro 1910 komenciĝis la konstruado de la Granda (Blanka) Palaco laŭ la projekto de arkitekto N. P. Krasnov.
En la jaro 1939 Livadio ricevas la statuson de urbotipa loĝloko.
Februare 1945 en Livadio (en la Granda Palaco) okazis la Jalta konferenco inter Stalin, Churchill kaj Roosevelt. La palaco servis ankaŭ kiel rezidejo de Roosevelt.
Post la dua mondmilito Livadio evoluas kiel ripoz- kaj kurac-loko: ĉi tie estis konstruitaj kelkaj sanatorioj. En la palaco nun funkcias muzeo kun la ekspozicioj pri la Jalta konferenco kaj pri la vivo de la cara familio.
[redaktu] Nuntempo
La loĝloko havas multajn vendejojn, poŝtejon, telefonejon, mezlernejon. Livadio estas ligita al Jalto per itineraj urbaj busoj. En la loĝloko troviĝas la ĉefa Jalta hospitalo.
[redaktu] Vidindaĵoj
La ĉefa vidindaĵo de Livadio estas la Livadia palaco. Krome, vidindas ankaŭ la parko, kiu ĝin ĉirkaŭas. De la palaco startas la tiel nomata "Suna Pado" - promen-pado proksimume 8 kilometrojn longa, kiu kondukas de la palaco okcidenten laŭlonge de la marbordo (proksimume 150 metrojn super la marnivelo) kaj preter belaj pejzaĝoj. Per la pado eblas atingi la palacon "Hirunda nesto".
|
La loĝlokoj de la Jalta municipo |
|||
|---|---|---|---|
| Urboj | Alupko • Jalto | ||
| Urbotipaj loĝlokoj | Beregovo • Foroso • Gaspro • Golubozalivo • Gurzufo • Kacivelo • Koreizo • Krasnokamenko • Kurpato • Livadio • Masandro • Nikito • Oreando • Otradno • Parkovo • Ponizovko • Sanatorno • Simeizo • Sovetsko • Vinogradno • Vosĥodo | ||
| Vilaĝoj: | Opolznevoje | ||
| Loĝloketoj | Gornoje • Danilovka • Kujbiŝevo • Linejnoje • Oliva • Oĥotniĉje • Partizanskoje • Visokogornoje | ||
 |
La loĝlokoj de Krimeo |  |
|
|---|---|---|---|
| Urboj: |
Alupko | Aluŝto | Armjansko | Balaklavo | Baĥĉisarajo | Belogorsko | Ĝankojo | Eŭpatorio | Inkermano | Jalto | Kerĉo | Krasnoperekopsko | Sako | Sebastopolo | Simferopolo | Starokrimo | Sudako | Ŝĉolkino | Teodozio |
||
| Urbo-tipaj loĝlokoj: |
Aeroflotsko • Agrarno • Azovsko • Bagerovo • Beregovo • Ĉernomorsko • Foroso • Gaspro • Gvardejsko • Golubozalivo • Gresovsko • Gurzufo • Kacivelo • Kaĉo • Kirovsko • Koktebelo • Komsomolsko • Koreizo • Krasnogvardejsko • Krasnokamenko • Kujbiŝevo • Kurortno • Kurpato • Lenino • Livadio • Masandro • Mirno • Molodeĵno • Nauĉno • Niĵnegorsko • Nikito • Nikolajevko • Novofedorivko • Novoselivske • Novosveto • Novozerno • Oktjabrsko • Orĝonikidzo • Oreando • Otradno • Parkovo • Partenito • Pervomajsko • Ponizovko • Poŝtovo • Primorsko • Razdolno • Sanatorno • Simeizo • Sovetsko (ĉe Jalto) • Sovetsko (Sovetska regiono) • Ŝĉebetovko • Vinogradno • Volno • Vosĥodo • Zaozerno • Zujo |
||
