Calendario chinés
Na Galipedia, a wikipedia en galego.
O calendario chinés (chinés tradicional:農曆; chinés simplificado: 农历; pinyin: nónglì) é un calendario lunisolar, á diferenza do calendario gregoriano occidental que emprega calendario solar.
O calendario chinés divídese en seis meses de 29 días e seis meses de 30 días, o que resulta en anos de 354 días. De ai que o calendario chinés non coincida co calendario occidental que, en xeral, ten 365 días. Cada mes lunar iníciase na lúa nova e o Aninovo Chinés está determinado pola segunda lúa nova despois do solsticio do 21 de decembro (ou solsticio de inverno), que ocorre entre finais de xaneiro e mediados de febreiro segundo o calendario gregoriano.
Para axustar o ciclo lunar de 354 días ó ciclo solar de 365 débese intercalar un mes cada 2 ou 3 anos, á diferenza do calendario gregoriano solar que engade un día cada catro anos.
A súa orixe asociase có emperador Huang Ti, ó redor do ano 2637 adC, cando introduciu 5 ciclos de doce anos rexidos por animais distintivos: Rata, Boi, Tigre, Coello, Dragón, Culebra, Cabalo, Ovella, Mono, Galo, Can e Porco. As casas lunares ou Hsiu son cada unha das 28 constelacións do zodiaco lunar. Dependendo da data e hora de nacemento da persoa, a lúa estará nalgunha das casas lunares, determinando así o signo da persoa.