Berolinum

E Vicipaedia

Latinitas huius paginae est bona. Vide {{latinitas}}.

Vexillum Terrae Foederalis	Insigne Terrae Foederalis

Insignia Berolini
Situs Berolini



Indicia fundamentalia
Area:	891,82 km²˜ Area 14. omnium terrarum foederalium
Numerus incolarum:	3 398 205 Numero incolarum 8. omnium terrarum foederalium (30. Aprilis 2006)
Spissitudo incolarum:	3810 incolae per km²˜ Spissitudine 1. omnium terrarum foederalium]]
PDG :	79,60 Mrd. € (2005)
Altitudo:	ab 34 usque ad 115 m
Coordinata geographica:	52° 31′ 0″Sept., 13° 24′ 0″ Ort.
Numerus cursualis:	ab 10001 ad 14199
Praefixum telephonicum:	030
Nota autocineti:	B
Nota magistratus communalis:	11 0 00 000
ISO 3166-2:	DE-BE
UN/LOCODE:	DE BER
Pagina interretialis:	www.berlin.de
Res politicae
Berolini magister civium regens:	Nicolaus Wowereit (SPD)
Factiones in regimine:	SPD / Factio Sinistra
Legati in domu legatorum (149 legati):	SPD 53 CDU 37 Factio Sinistra 23 FDP 13 Foedus 90/Virides 23 ( 18. Septembris 2006)
Electio proxima futura:	2011
Ordo urbis partium:	12 regiones cum 95 partibus
Legati ad Consilium Foederale:	4
Aes alienum:	61,2 Mrd. € (fine 2005)
Portio peregrinorum:	13,7 % (Augusto 2006)
Portio opere carentium:	17,1 % (Augusto 2006)

Berolinum^[1], (-i, n., Adiectivum: Berolinensis) est urbs maxima Germaniae et caput Rei publicae foederalis Germaniae.

Caput Archidioecesis Berolinensis est.

Incolae: circa tricies quinquies centena milia
urbs et terra foederalis (Theodisce Land), quae divisa est in duodecim regiones (Theodisce: Bezirke).
conditum: anno p.Chr.n. ducentesimo tricesimo circiter et milesimo.

Urbs opulentissima habet universitates quattuor, odeia tria, orchestra symphonica duo, ecclesias, theatra, scholas, gymnasia, balnea innumera. Commercium fit per vias stratas et quidem maximas, per ferroviarium, per metropolitanam, per carros omnibus vehi volentibus accommodatos et vi aut electrica aut petrolei impulsos.

Incolae originis teutonicae fidem aut nullam aut Christianam sectae Lutheraneae maxima ex parte confitentur, Polonicae, quorum non pauci sunt, catholicam, Hebraicae Iudaicam, Turcicae atque Arabicae, quorum forsitan vel plures, Musulmanicam.

Index

1 Geographia
- 1.1 Regiones
  - 1.1.1 Pinacotheca regionum
2 Loca aedificia monumenta musea animadversione digna
3 Commeatus
4 Historia
5 Homines
- 5.1 Incolae
- 5.2 Mortui
6 Societates mercantiles
7 Vide etiam
8 Notae
9 Nexus externi

[recensere] Geographia

Berolinum in ea parte Germaniae situm, quae ad orientem solem vergit, 70 circiter chiliometra abest a Polonia. Urbs tota circumdatur provincia Brandenburgensi. Sita est ad ripas fluviorum Sprehae Hevellaeque inter lacum Moeggelium, lacum Vannium, lacum Tegelium. Colles habet non septem quidem, sed tamen aliquot, inter quos altissimus est mons Diaboli Castris Carlottianis-Vilmersdorfio in regione IV. situs, qui mons quasi Testaceus consistit ex ruinis urbis bello funditus obrutae.

[recensere] Regiones

[recensere] Pinacotheca regionum

Pons vulgo Lohmühle appellatus qui Ricardianum cum Treptovio iungit.

Canalis Vexilliarianus vulgo Landwehrkanal a Ponte Cotbusiensi conspectus

[recensere] Loca aedificia monumenta musea animadversione digna

Parlamentum Rei Publicae Germanorum
Porta Brandenburgensis
Turris Televisionaria
Armamentarium
Insula Museorum
- Museum Pergamenum
- Museum vetus
- Museum novum (sed nondum renovatum)
- Museum Bodii
Murus Berolinensis
Ecclesia Cathedralis urbis Berolini
Forum Armatorum
Monumentum Friderico Magno
Monumentum Militibus Sovieticis
Monumentum Hebraeis Europaeis occisis
Musea picturarum
- Porticus Arti Pingendi dedicata Nationali vetus
- Porticus Arti Pingendi dedicata Nationali nova
- Porticus Picturarum
Stadium Olympicum

[recensere] Commeatus

Ferrivia strataria in orientali parte urbis

Statio principalis Berolinensis nuper aperta est ut maxima statio ferriviaria Berolinensis.

Post longam disputationem denique 15 Februarii 1902 Berolini ferrivia subterranea inaugurata est. "Viae Elatae atque Subterraneae Electricae" (vulgo Elektrische Hoch- und Untergrundbahn) magna viarum parte super pontibus aedificatae erant. Posterioribus autem temporibus viae sub terra muniebantur. Berolini verbum U-Bahn (quod lingua Latina "viam subterraneam" seu "Viam S" dicit) anno 1929^o inventum est postquam Societas Ferriviaria Imperialis vias urbanas suas nomine S-Bahn (pro Stadtbahn, quod "Viam Urbanam" seu "Viam U" significat) nominaverat.

Iuxta ferriviam subterraneam Berolini etiam Ferrivia Urbana vulgo S-Bahn est.

[recensere] Historia

In saeculo 8 tribus Slavonici habitavit omnem partem occidentalem Germaniae usque ad flumen Elbe. Et tribus Havolane (Germanice Heveller) habitabant circum flumen Havol quae nunc est Havel, et una vicorum eorum erat Brennabor quae nunc appellatur Brandenburg. Et tribus Sprevjane (Germanice Sprewanen) habitabant circum flumen Sprevja quae nunc est Spree. Et duo vicorum Sprevjanicorum erant Spandov (nunc Spandau) et Berlin; et Berlin nomen olim scriptus est Latine "Berolina". Berolina aedificata erat in circulo et muro cincta ut Germanice appellatur Rundling. De etymologia: in Slavonica lingua Polabica berl- aut birl- dixit paludem.

Oppida gemella Berolinum Coloniaque in insula Sprevae fluminis sita ante annum p.Chr.n. 1237. condita sunt. Inde ab anno 1307 in unam civitatem coniuncta Berolini solius nomine appellantur. Saeculo 15. viri nobiles ex gente Hohenzollern nati marchiones Brandenburgenses facti sunt, quorum sedes Berolinum erat. Ea gens nobilissima postea ad dignitatem electoralem Sacri Imperii Romani, tum ad summam rerum regni Borussici, denique saeculo 19. ad principatum totius Germaniae ascendit urbe una cum domo illa semper crescente, ut anno 1871. caput Germaniae fieret.

Berolinensium multitudo identidem aucta est hominibus, qui aut propter libertatem fidei in Borussia concessam aut ut laborarent sedes suas illuc transtulerunt. Primum enim Elector Magnus saec. 17. vix exacto Gallis principatum suum patefecit, qui propter fidem reformatam a rege Gallorum opprimerentur. Secuti sunt saeculo 18. Frisii Saxonesque ex Hollandia nati Bohemique, saeculo 19. Poloni, saeculi 20. decenniis primis Hebraei ex Polonia Livoniaque orti, post bellum alterum per totum orbem terrarum gestum Turcae Arabesque.

Cum in Germania Adolpho Hitlero duce caterva eorum, qui cum partibus nationalibus socialisticis facerent, rerum potita esset, ex urbe antea artibus industria scientiisque florentissima ingens numerus eorum expulsus est, quorum opere auctoritas dignitasque urbis steterat. Hac in civitate in gremium monstrorum commutata duces partium nationalium socialisticarum consilium illud crudelissimum ceperunt, ut populum Hebraeorum totum ad internecionem oblitterarent. Mox autem bello a Germanis commisso Berolinum tamquam vindice Deo anno 1945. a victoribus deletum occupatumque est.

Urbs restituta igitur usque ad annum 1990. erat omnis divisa in partes quattuor, quarum unam occupabant Sovietici, aliam Briti, tertiam Galli, quartam, qui ipsorum lingua Americani, nostra cives Civitatum Foederatarum Americae appellantur. Pars Sovietica et partes occidentales muro ab illa seiunctae lingua, institutis, legibus inter se differebant.

Inde ab anno 1990. una cum libertate Berolini integritas restituta est. Praeses cancellariusque Germanorum sedes et militiam suam Berolinum reduxerunt. Unde his annis Horatio Carbonario praeside Angela Mercelia cancellaria rem publicam Germanorum gubernat.

[recensere] Homines

[recensere] Incolae

Albertus Monopetrus rerum physicarum professor et investigator
Alexander de Humboldt eruditionis et studiorum renovator
Eduardus Septentrionalis philologus illustrissimus
Fridericus Gulielmus Elector Brandenburgensis Magnus cognominatus
Fridericus Magnus cognominatus alter eius nominis rex Borussiae
Gulielmus Ardens cancellarius Germaniae
Fridericus Schinkel architectus
Gulielmus Ferus cinematographus
Luisa regina Borussiae
Maria Magdalena Theodorica (Marlene Dietrich) actrix
Otho de Bismarck cancellarius Germaniae
Udalricus de Wilamowitz-Moellendorff philologus illustrissimus

[recensere] Mortui

Fratres Grimm, Iacobus Grimm et Gulielmus Grimm

[recensere] Societates mercantiles

Berolinum caput est Societatis Ferriviariae Germanicae.

[recensere] Vide etiam

[recensere] Notae

↑ Fons nominis Latini: J. G. Th. Graesse, Orbis latinus (1861). versio interretialis

[recensere] Nexus externi

Vicimedia Communia plura habent quae ad Berolinum spectant.

EXBERLINER – Monthly magazine for English speakers

Duodecim Regiones Berolini

Media Regio I	Lucus Fridericianus-Mons Crucis Regio II	Pancovium Regio III	Castra Carlottiana-Vilmersdorfium Regio IV	Spandovium Regio V	Stegelicium-Zelendorfium Regio VI
Vicus Templi-Mons Amoenus Regio VII	Nova Colonia Regio VIII	Treptovium-Coepenicium Regio IX	Dens Martis-Hellersdorfium Regio X	Mons Lucis Regio XI	Rennicidorfium Regio XII

Terrae Foederales Germaniae

Receptum de "http://la.wikipedia.org../../../b/e/r/Berolinum.html"