Hermann Mayer Salomon Goldschmidt

Vu Wikipedia, der fräier Enzyklopedie.

**entdeckten Asteroiden: 14**
21 Lutetia	15. November 1852
32 Pomona	26. Oktober 1854
36 Atalante	5. Oktober 1855
40 Harmonia	31. Mäerz 1856
41 Daphne	22. Mee 1856
44 Nysa	27. Mee 1857
45 Eugenia	27. Juni 1857
48 Doris	19. September 1857
49 Pales	19. September 1857
52 Europa	4. Februar 1858
54 Alexandra	10. September 1858
56 Melete	9. September 1859
61 Danaë	9. September 1860
70 Panopaea	5. Mee 1861

Den Hermann Mayer Salomon Goldschmidt , gebuer de 17. Juni 1802 zu Frankfurt am Main, a gestuerwen de 26. Abrëll 1866 zu Fontainebleau war en däitsch-franséischen Astronom a Konschtmoler.

De Goldschmidt war de Jong vun engem jiddeschen Händler zu Frankfurt. Hien huet am Ufank bei sengem Papp geschafft, huet sech dann awer der Molerei hirginn, déi hien zu Paräis geléiert an ausgeübt huet.

Am Joer 1847 huet hie seng Aarbechten op d’Astronomie ausgebreet an huet um Paräisser Observatoire tëschent 1852 an 1861 14 Asteroiden entdeckt, déi eng Gréisst vu ronn 70 bis 280 km hunn.
Domat léist hien de "Rekordler", den Astronom John Russel Hind of (10 Asteroiden vun 1847-1854). No him huet et de Robert Luther et op 24 Stéck (1852-1890) bruecht, den Amerikaner C.H.F. Peters op 48 (1861-1889) an den Éisträicher Johann Palisa op 123 (1874-1923).

Den interessantesten Asteroid vum Goldschmidt ass gläichzäiteg och säi klengsten - Nr.(44) Nysa vun 1857. Hien ass fir seng Gréisst vu 70 km opfalend hell (Albedo 0,55) an ass giel gefierft, déi een dem Mineral Enstatit zouschreift. Duerch déi scheiwenarteg Form vum Himmelskierpers dee sech a 6½ Stonnen eng Kéier ëmt sech selwer dréit, entsteet eng komesch Liichtkurv, wéi se bis elo erréischt eng Kéier bei engem Klengplanéit festgestallt gouf.

Am Abrëll 1861 huet den Hermann Goldschmidt d’Entdeckung vun engem 9. Saturnmound publizéiert, an huet e Chiron genannt. D’Entdeckung ass ni vun engem aneren Astronom bestätegt ginn, woufir den Numm engem ongewéinlechen Asteroid-Koméit (2060) Chiron zougewise gouf. Den "offiziellen" 9. Mound mam Numm Phoebe huet de William Henry Pickering am Joer 1898 op fotografeschem Wee entdeckt. Et ass dem Saturn säi baussechte Mound a gouf am Juni 2004 vun der Raumsond Cassini-Huygens fotograféiert.

Fir seng Leeschtunge gouf den Hermann Goldschmidt vun der Wëssenschaftsakademie ausgezeechent a krut 1861 d’Goldmedail vun der Royal Astronomical Society, a weider gouf en Asteroid Nr. 1614 an e Moundkrater no him genannt. Op der Paräisser Gedenkmënz vum Joer 1868, déi wéinst der honnertster Asteroidenentdeckung geprägt gouf, ass hie niewent dräi anere Méifachentdecker ofgebilt.