Péiteng
Vu Wikipedia, der fräier Enzyklopedie.
 |
Dëse Geographiesartikel zu Lëtzebuerg ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
|
||||||
|---|---|---|---|---|---|---|
 |
||||||
| An anere Sproochen | fr.: Pétange de: Petingen |
|||||
| Gemeng | Péiteng | |||||
| Buergermeeschter | Pierre Mellina (CSV) | |||||
| Kanton | Esch-Uelzecht | |||||
| Awunner | 7.399 | |||||
| Fläch | km² | |||||
| Koordinaten | 49° 33’ 23’’ N, 5° 52’ 37’’ O | |||||
| Awunner (Gemeng) | 14.540 | |||||
| Fläch (Gemeng) | 1193 ha | |||||
| Uertschaften - Gemengen - Stied | ||||||
Péiteng ass eng Uertschaft am Süd-Weste vum Land an eng vun den 116 lëtzebuergesche Gemengen.
D'Gemeng Péiteng ass haut mat senge knapps 12 km² eng vun de flächeméisseg klengste Gemengen am Land. Mat ongeféier 14.500 Awunner ass et awer awunnerméisseg déi fënneftgréisst.
Inhaltsverzeechnis |
[Änneren] D'Gemeng Péiteng
[Änneren] Uertschaften an der Gemeng
[Änneren] Geographie
D'Gemeng Péiteng läit am Dall vun der Kuer an ass ëmgi vun de Gemengen Nidderkäerjeng an Déifferdeng lëtzebuergersäits, de Gemengen Longlaville an Zounen (fr: Saulnes) op franséischer Säit an Éibeng op der belscher Säit.
[Änneren] Geschicht
1601 gouf d'Grenz tëscht Loutrengen a Lëtzebuerg festgeluecht: Péiteng huet dun zu Lëtzebuerg, Rodange a Rolleng zu Loutrengen a Bar gehéiert. Zënter 1795 besteet d'Gemeng Péiteng a senger heiteger Form (Péiteng, Rodange a Rolleng (fr. Lamadelaine). Dësen Zouwuess ass am 19. Joerhonnert geschitt, wéi op den Héichte ronderëm Péiteng d'Minette exploitéiert ginn ass, wéi d'Rodanger Schmelz entstanen ass, a wéi d'Eisebunn gebaut gouf.
1906 gouf eng Gas-Beliichtung an de Stroosse vun der Gemeng a Betrib geholl. 1912 gouf d'Gemeng und d'interkommunalt Waassernetz an 1931 un d'elektrescht Stroumnetz ugeschloss.
[Änneren] Buergermeeschteren
|
|
|
[Änneren] De Wope vun der Gemeng Péiteng
Offiziell Beschreiwung:
"Coupé, en chef d'azur à deux bars adossés d'or, cantonnés de quatre croisettes recroisettées, au pied fiché, du même; en pointe de gueules au lion d'or; à la fasce bretessée d'argent brochant sur la partition."
[Änneren] Fir ze liesen
- De Geschichtsfuerscher aus der Gemeng Péiteng : eine Chronik aus der Dreiländerecke Petingen-Rollingen-Rodingen. Jg. 1, Nr. 1 (Jan. 2006), Péiteng: Amis de l'histoire de la commune. 24 cm, all Mount
[Änneren] D'Uertschaft Péiteng
[Änneren] Geschicht
- Péiteng gëtt fir d'éischt am Joer 938 an enger Charta historesch ernimmt an zwar ënnert dem Numm "Perdgitten". Dem Professor Jos. Meyers no entstaamt den Numm Péiteng vum Numm vun der fränkescher Sipp "Petto".
- Am Laf vun der Geschicht huet Péiteng dëser oder déier Herrschaft gehéiert.
- 4. Abrëll 1281: Péiteng krut vum Heinrich V., genannt de Blonden, Grof vu Lëtzebuerg, a vum Rudolph, Här vu Sterpenich, de Fräiheetsbréif nom béimesche Recht. Duerch dëse Fräiheetsbréif goufen d'Awunner vu Péiteng fräi Bierger, déi sech selwer hunn dierfte verwalten ënnert der Herrschaft vum Grof vu Lëtzebuerg.
- Tëscht 1310 an 1346: Jang de Blannen erneiert a bestätegt de Fräiheetsbréif.
- 7. Januar 1540: Neifaassung vum Fräiheetsbréif duerch de Keeser Karel V.
- 1898: Aweiung vum Spidol St. Joseph, dat d'Zitha-Schwesteren baue gelooss hunn.
- 1900: Aweiung vun der heiteger Gare.
- 1907: D'Gemeng keeft d'Schlass Nothomb mat allen Dependancen.
- 1933: Aweiung vun der heiteger Parkschoul.
- 15. Mee 1938: Aweiung vum heitege Stadhaus op déier Plaz, wou virdrunn d'Schlass stung.
- Den 9. September 1944 ass Péiteng, als éischt Uertschaft vu Lëtzebuerg, vun den amerikanischen Truppen befreit ginn. Bei dëser freediger Geleeënheet ass leider den éischten amerikanischen Zaldot, den Hyman S. Josephson, op Lëtzebuerger Buedem gefall. Him zu Éieren gouf um Square Hyman S. Josephson zu Péiteng e Monument opgeriicht.
[Änneren] Bevëlkerungsentwécklung
- 1473: 18 Feierplazen,
- 1495: 9 Feierplazen,
- 1525: 5 Feierplazen,
- 1536: 3 Feierplazen,
- 1618: 21 Feierplazen,
- 1635: 6 Feierplazen
- 1766: 40 Awunner,
- 1787: 200 Awunner,
- 1808: 225 Awunner,
- 1870: 348 Awunner,
- 1895: 1.299 Awunner,
- 1897: 1.425 Awunner,
- 1908: 1.705 Awunner,
- 1925: 3.822 Awunner,
- 1980: 6.400 Awunner,
[Änneren] Bekannt Péitenger
- Alphonse Nothomb (13. Juli 1817 - 14. Mee 1898), Lëtzebuergesch-belsche Jurist a Politiker, Belsche Staatsminister.
- Michel Rasquin (19. September 1899 - 27. Abrëll 1958), fréiere Buergermeeschter vun Esch-Uelzecht a Wirtschaftsminister.
Germaine Damar / geb. Haeck , (31.08.1939 ) Filmschauspillerin. Wunnt haut zu Fort-Lauderdale an Florida USA.
Emile Angel, Schrëftsteller.
Moritz Ney, Moler a Sculpteur
Déi Péitenger Awunner droen de Spëtznumm Wandjangen.
[Änneren] Perséinlechkeeten a Relatioun mat Péiteng
- Mathias Adam, éischten Oberprimärschoulmeeschter
Bim Diederich / geb. Jean Diederich (20.02.1922) Lëtzebuerger Vëlosportler, zu Esch-Uelzecht gebuer awer zënter 1933 zu Péiteng.
[Änneren] Kuckeswäertes
- D'Kierch
- D'Amerikanermonument
- Galloréimesch Ausgruewungen um Tëtelbierg
- Fond-de-Gras
- Naturschutzgebitt Prënzebierg
[Änneren] Kuckt och
[Änneren] Um Spaweck
Beetebuerg | Déifferdeng | Diddeleng | Esch-Uelzecht | Fréiseng | Keel | Leideleng | Monnerech | Péiteng | Reckeng op der Mess | Réiser | Rëmeleng | Schëffleng | Suessem
