Hammurabi
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Hammurabi (ouch gesjreve es Ammurapi, Hammurapi, of Khammurabi) waor keuning vaan Babylon vaan oongeveer 1792 - 1750 v. Chr., gebore roond 1810 v. Chr. In 1763 v. Chr. versloog heer Rim-Sin, de lètste vors vaan Larsa in Soemer en vereinigde zoe 't land tot 't Babylonische Riek. Heer weurt waorsjeinlik es Amrafel in de biebel genump. Heer is bekind um de codifecering vaan de wèt. Allewel väöl vaan zien wètgeving trök geit op iedere Soemerische wètte, is zien versie euver 't algemein hèller en strenger.
De Wèt of Codex Hammurabi betref e breid spectrum vaan oonderwerpe, zoewie lanbow en vieteelt, deefstal, moord, doedslaag, liefelik letsel, sjaoj aon gooj, huwelikrechte, de pesitie vaan de vrow en vaan 't keend. D'r zien 282 wètte gesjreve op 'ne stela vaan obsidiaan dee bijnao dreij meter laank is. Deze stela woort in 1901 oontdek en is noe tentoengesteld in 't Louvre in Paries.
Hammurabi deeg ouch ander dinger um Babylon 'n beter plèk te make, zoewie 't verbetere vaan de meneer vaan irregatie.
Toen de opvolgers vaan Hammurabi aon de mach kaome, begos 't Babylonische Riek in te storte door militaire drök vaan de Hettiete, geleijd door hunne keuning Mursilis I. 't waore echter de Kassiete, geleijd door hunne keuning Agumkakrine, die oeteindelik euver Babylon zouwe heerse. Oondaanks väöl rebellerende steijer regeerde de Kassiete veur 400 jaor, en ze heelde de Codex Hammurabi in iere.
[bewirk] Referenties
- Van De Mieroop, Marc. 'n historie vaan 't Awwe Naobije Oeste. Blackwell Publishing: Malden, 2005. ISBN 0-631-22552-8
- Babylonisch Rech. Britannica, 1911.
