Виена

Од Википедија, слободна енциклопедија

Грбот на сојузната држава

Општи информации
Главен град:	Виена
ISO 3166-2:	AT-9
Регистарски код:	W
Општински ID број:	90101 - 92301
Поштенски код:	1010 - 1239, 1400, 1450
Повикувачки број:	01
Официјален веб-сајт:	www.wien.gv.at
Државно знаме на Виена

Мапа: Виена во Австрија

Политика
Градоначалник	Михаел Хојпл - (СПА)
Партија на власт	СПА
Седишта во советот (100 седишта):	СПА 55 НПА 18 Зелени 14 ЛПА 13
Последни избори:	23 октомври 2005
Следни избори:	Октомври 2010
Население
Население:	1,631,082 (2005) 2,165,357 метрополитанска област
густина:	3,931.3/km²
Географија
Површина:	414.90 km²
- проценти копно:	395.51 km² (95,33%)
- проценти вода:	19.39 km² (4,67%)
Локација:	48°13′N, 16°22′E
Димензии:	Север-Југ: 22.4 km Исток-Запад: 29.2 km
Највисока точка:	543 m (Hermannskogel)
Најниска точка:	151 m (Lobau)
Административна структура
Области:	1 Статуарна област 23 Области
Мапа: Области на Виена

1. Innere Stadt (градскиот центар)
2. Leopoldstadt	13. Hietzing
3. Landstraße	14. Penzing
4. Wieden	15. Rudolfsheim-Fünfhaus
5. Margareten	16. Ottakring
6. Mariahilf	17. Hernals
7. Neubau	18. Währing
8. Josefstadt	19. Döbling
9. Alsergrund	20. Brigittenau
10. Favoriten	21. Floridsdorf
11. Simmering	22. Donaustadt
12. Meidling	23. Liesing

Виена (англиски: Vienna, германски: Wien, словенечки: Dunaj, српски и хрватски: Beč, унгарски: Bécs, чешки: Vídeň, словачки: Viedeň, романски: Viena, ромски: Vidnya, руски: Вена) е главниот град а исто така и една од деветте сојузни држави во Австрија.

Со население од околу 1,6 милиони (2,2 милиони во метрополитанската област) се наоѓа на двата брега на реката Дунав, и на само 60 km од австриската источна граница. Така, градот лежи во југоисточниот агол на централна Европа и се наоѓа во близина на Чешката Република, Унгарија и особено на Словачка. Виена е најголемиот град во Австрија, нејзиниот главен културен, економски и политички центар, а воедно е и седиште на многубројни канцеларии на Обединетите Нации и на разни меѓународни институции и компании вклучувајќи ги и Организацијата за безбедност и соработка на Европа (OSCE), Организацијата на земјите извознички на нафта и нафтени деривати (OPEC) и на меѓународната агенција за атомска енергија (IAEA).

[уреди] Историја

Виена е основана како Келтски град околу 5 век пне. Во 15 година пне. (тогашен назив Виндобона) станува одбранбен град на Римската Империја против Германските племиња од Север. Во текот на средниот век станува дом на Бабенберговата а подоцна и на Хабсбурговата династија. Турците Отомани, во текот на 16ти и 17ти век, двапати се одбивани во нивните обиди да го заземат градот. Во 1815 со Виенскиот Конгрес се нацртани новите граници во Европа по падот на Наполеон кај Ватерло. За време на Студената Војна Виена е жариште на меѓународните шпионски игри, што се должи на положбата на (тогаш) неутралната Австрија помеѓу Источниот и Западниот блок.

[уреди] Туристички атракции

[уреди] Театар

Уметноста и културата имаат долга традиција во Виена, и тоа во областите на театарот, операта, класичната музика и ликовната уметност. Покрај градскиот театар, кој заедно со академскиот театар се смета за еден од најдобрите театри во германофонскиот свет, народниот театар во Виена и театарот во Јозефштад исто така нудат висококвалитетна театарска забава. Исто така, има огромен број на помали театри, често еднакви во квалитетот со нивните поголеми соперници и во многу случаи посветени на помалку комерцијални форми на изведувачки уметности како модерни и експериментални драми или кабаре.

[уреди] Опери и филхармонии

Виена исто така нуди голем број на можности за љубителите на операта: Градската опера и народната опера нудат по нешто за секого, а се особено посветени на типичната виенска оперета. Концерти на класична музика се изведуваат, покрај во другите, во добро познатата виенска концертна сала, дом на виенскиот филхармонски оркестар. Исто така, во градот се наоѓаат и концертни сали со разновидни репертоари, кои во воглавно се свират делата на познатите виенски композитори - Моцарт и Штраус.

[уреди] Музеи

Виена сама по себе претставува музеј, со нејзината стара архитектура од најразлични стилови, од стиловите на ерата на нејзиното основање, па сè до модерните денешни стилови. Секоја градба е своевиден музеј, содржи некои историски податоци или пак предмети. Најпознати музеи во Виена се палатите на Австро-унгарското империјалистичко благородништво, со кралските палати и дворови. Покрај тоа, постојат и музеи на модерна уметност каде што посетителите можат да видат некои од најголемите светски ремек дела.

Хофбург

Во Хофбург, собата на богатството е дом на империјалниот накит, односно на китот на Марија Терезија. Во Сиси музејот може да се видат Империјалните одаи, како и сребрениот кабинет. Веднаш спроти Хофбург се наоѓа музејот на ументоста каде што се наоѓаат слики од старите мајстори.

Албертина

Групата на музеи се комплетира со музејската четврт - поранешни империјални поседи, коишто беа преуредени во музејски комплекс во деведесеттите. Тие претставуваат дом на музејот на модерна уметност, леополдскиот музеј на модерен експресионизам, како и додатни хали кои се дом на различни изложби. Во овој комплекс се наоѓа и познатата танцова четврт. Во овој комплекс се наоѓа лихтенштајнскиот музеј како и музеи од типот на воениот и техничкиот сè до музејот на часовниците и на закопите. -Архитектура- Во Виена се среќаваат згради од сите архитектонски стилови во Виена. Од романтистичката црква на Рупрехт, до барокната црква на Карл. Од класицистичките згради сè до модерната архитектура. Исто така, новата уметност оставила многу траги во архитектурата на Виена. Сецесијата, Карловиот плоштад, Метрополитанската железничка станица и Црквата на камениот покрив на Ото Вагнер се најпознатите примери на новата уметност во целиот свет.

[уреди] Цркви

Црквите и катедралите претставуваат едно од главните обележја на Виена, исто како и на секој друг католички град. Тие ја специфично ја карактеризираат архитектурата на Виена со нивните архитектонски стилови, а воедно се и дел од секојдневниот живот на жителите на Виена.

[уреди] Други атракции

Помеѓу Михаелплац и Јозефплац се наоѓа Шпанската јавачка школа - попозната како Виенската школа. Таа е позната школа за еквестеријан, и е позната по пастувите од расата липицанер. Други познати одбележја на Виена се виенската шницла, виенскиот перек и виенската чоколадна торта. Друга занимливост е тоа што се смета дека виенските кафулиња први ја измислиле техниката на филтрирање на кафе, и тоа од украдените багажи при втората турска опсада во 1683. Градскиот парк на Виена пак, е исто така една од најголемите гордости на жителите на Виена, со тоа што преставува еден од најдобро уредените паркови во светот и е дом на голем број на атракции за странските туристи.

[уреди] Транспорт

[уреди] Јавен Транспорт

Ултра ниските трамваи, дизајнирани од Порше, а изградени од Сименс, им овозможуваат на патниците лесно качување со висина од само 180 mm – со тоа се најниски трамваи во светот. Околу 150 од овие возила се моментално во употреба во Виенската трамвајска мрежа, заедно со некои 400 постари (и повисоки) модели.

Виена има голема јавна транспортациска мрежа:

Виенскиот S-Bahn (надземна метро железница)
Виенскиот U-Bahn (подземна метро железница)
Локалната железница
Виенските линии (компанија која управува со виенскиот U-Bahn, трамваите и автобуските рути)

Виена има голема трамвајска мрежа, која што е една од најголемите во светот, а исто така има и голем број на автобуски рути. Како и сите автобуски рути во сите густо населени зони, виенските рути функционираат во густи интервали, и дури во часовите кога нема голем сообраќај, многу лесно се наоѓаат трамваи и автобуси. Затоа јавниот транспорт е користен многу. Виенскиот јавен транспорт е поврзан со железнички и автобуски служби кои што оперираат и во радиус од 50 km во околните селски населби, линии кои што го користат истиот систем на билети. Јавниот транспорт воглавно прекинува со работа за време на ноќните часови, но има специјална авотобуска служба наречена „ноќната линија“ која што оперира по најглавните рути. Во секој случај, тие се обраќаат на интервал од триесет минути. Иако нема кондуктери и проверки при качувањето во автобус или трамвај, сепак проверки се случуваат често, и тоа најчесто од вработени во цивилни униформи. Доколку сте фатени да „се возите на црно“ – односно да се возите без билет, тогаш ќе бидете приморани да платите дебела сума пари, или пак во најблаг случај, ќе бидете слезени на следната станица. Во секој случај, непожелно е да се стекнете со епитетот „контролиран“.

Во Виена, постојат две железници во паркот: Лилипутанската – во виенскиот парк, и дунавската во паркот на Дунав.

[уреди] Авионски сообраќај

Југоисточно од Виена се наоѓа меѓународниот аеродром на Виена – Швехат. Во 2005, имаше повеќе од 230.900 летови (дојдовни и појдовни) и аеродромот беше искористен од преку 15,86 милиони патници. Скопскиот аеродром е поврзан со виенскиот преку секојдневните летови на Austrian Airlines кои полетуваат во 16:55 од Скопје и пристигнуваат во Виена во 18:40. МАТ – Македонски Авиотранспорт исто така лета на оваа дестинација.

[уреди] Воден сообраќај

Виена е водно поврзана преку каналот Рајна-Мајна-Дунав со ротердамското пристаниште и нему блиските германски индустриски зони, како и источно-европските земји се до Црното море. Планираниот канал Дунав-Одра останува недовршен. Дванаесет моста на реката Дунав го поврзуваат градот, кој е поделен од реките Дунав и Нов Дунав.

[уреди] Патен сообраќај

Како и железничките линии, така и бундес-улиците го напуштаат градот во ѕвездовиден шаблон. Некои се именувани според нивната историска финална дестинација (прашката улица – до Прага, Линцката улица – до Линц, Тршката улица – до Трст и Брнската до Брно). Бундес-улиците може да се споредат со Федералните автопати во САД, односно со две патеки во рурални области, и со поголем број патеки во урбаните области. Три национални автопати ја напуштаат Виена во западна (А1), јужна (А2) и источна (А4) насока. Слично како и железничките линии, автопатите често се именуваат според нивната излезна локација (западен автопат, јужен автопат, источен автопат). Покрај нив, постојат и неколку кружни и разгранети автопати кои ги обиколуваат јужните и источните делови на градот. Западните и северните делови останале воглавно недопрени поради заштитената виенска шума.

[уреди] Железнички сообраќај

Историски, сите сообраќајници се ориентирани кон најглавните градови и резиденцијалните палати на австро-унгарската монархија. Следбено, Виена има неколку железнички станици кои го формираат почетокот на неколку железнички линии.

Виенската Франц Јозеф станица е почетна точка на линијата Франц Јозеф.
Виенската Западна станица е почетна точка на западната линија.
Виенската Јужна станица (поранешната Јужна и Источна станица) е почетна точка за јужната и источната линија.

Помеѓу сиве овие, постојат огромен број на помали станици кои што се особено важни за локалниот патнички сообраќај. Уште од деведесеттите, Западната и Јужната станица се справуваат со сите долги релации. Со цел да ги спојат целиот сообраќај на долги релации, стана потребно да се изгради тунел – колоквијално познат како тунелот на диви свињи, под Лајнцката зоолошка градите, поврзувајќи ја западната со јужната железница. Новата споена линија ќе се поврзи со нова станица наречена Виена - Централна Европа која што ќе се гради на југ од сегашната Јужна станица. Оваа нова станица ќе ѝ даде на Виена главна железничка станица за прв пат во нејзината историја.

в·р·у

Главни градови на државите од Европската Унија