റോമാ സാമ്രാജ്യം
വിക്കിപീഡിയ, ഒരു സ്വതന്ത്ര വിജ്ഞാനകോശം.
| റോമാ സാമ്രാജ്യം എന്ന വാക്കാല്‍ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാന്‍ റോമാ സാമ്രാജ്യം (നാനാര്‍ത്ഥങ്ങള്‍) എന്ന താള്‍ കാണുക. |  |
റോമാ സാമ്രാജ്യത്തിന്റെ പരമാവധി വിസ്തൃതി- ട്രാജന്‍ ചക്രവര്‍ത്തിയുടെ കാലത്ത് ക്രി.വ. 117. |
|
| ആപ്ത വാക്യം: സെനാത്തുസ് പോപ്പുലുസ്ക് റൊമാനുസ്
ചിഹ്നം: അക്വില |
|
| ഔദ്യോഗിക ഭാഷകള്‍ | ലത്തീന്‍, ഗ്രീക്ക് |
| തലസ്ഥാനങ്ങള്‍ | റോം; കോണ്‍സ്റ്റാന്‍റിനോപ്പിള്‍ (പിന്നീട് ) |
| ഭരണ സം‌വിധാനം | സ്വേച്ഛാദിപത്യം റിപ്പണ്ബ്ലിക്കന്‍ ആശയങ്ങള്‍, പിന്നീട് ഏകാദിപത്യം |
| രാഷ്ട്രത്തലവന്‍ | ചക്രവര്‍ത്തി, ചെറിയ പരിധി വരെ രണ്ട് കോണ്‍സുള്‍മാര്‍; വിഭജനത്തിനു ശേഷം പടിഞ്ഞാറന്‍ റോമാ സാമ്രാജ്യം പൌരസ്ത്യ റോമാ സാമ്രാജ്യം |
| ഭരണത്തലവന്‍ | രണ്ടു കോണ്‍സുള്‍മാര്‍ക്കും തുല്യാവകാശം ഉണ്ടായിരുന്നു എന്നാല്‍ ഒരു കോണ്‍സുള്‍ ചക്രവര്‍ത്തിയായിത്തീരും. |
| ഭരണ സമിതി | റോമന്‍ സെനറ്റ് |
| വിസ്തൃതി - മൊത്തമ്മ് - % ജലം |
തകര്‍ച്ചക്ക് മുന്ന് 2.3 ദശലക്ഷം ച. മൈല്‍ (5 900 000 km²) ഏറ്റവും വിസ്തൃതിയുള്ളപ്പോള്‍t ?% |
| ജനസംഖ്യ | 55 ദശലക്ഷം മുതല്‍ 120 ദശലക്ഷം വരെ ഏകദേശം |
| സ്ഥാപനം | [സെപ്തംബര്‍ 2]] ക്രി.വ. 32 |
| ശിഥിലീകരണം | പടിഞ്ഞാറന്‍ റോമാ സാമ്രാജ്യം പൌരസ്ത്യ റോമാ സാമ്രാജ്യം എന്ന പേരില്‍ വിഭജനം സെപ്തംബര്‍ 4, 476, പൌരസ്ത്യ സാമ്രാജ്യം മേയ് 29, 1453 വരെ നില നിന്നു. |
| ആദ്യത്തെ ചക്രവര്‍ത്തി | അഗസ്റ്റസ് സീസര്‍ (ക്രി.മു 27-ക്രി.വ. 14) |
| അവസാനത്തെ ചക്രവര്‍ത്തി | തിയോഡോഷ്യസ് പ്രഥമന്‍]] (379-395) മുഴുവന്‍ സാമ്രാജ്യത്തിന്റെ അവസാന ചക്രവര്‍ത്തി, പിന്നീട് വിഭജനത്തിനു ശേഷം റോമുലുസ് അഗസ്റ്റസ്(475-476)പടിഞ്ഞാറന്‍ റോമാ സാമ്രാജ്യം ഭരിച്ചു, അതിനുശേഷം ജൂലിയസ് നേപോസ് 480 വരെ അവസാനത്തേയും ചക്രവര്‍ത്തിയായി. പൌരസ്ത്യ റോമാ സാമ്രാജ്യത്തിലെ അവസാന ചക്രവര്‍ത്തി കോണ്‍സ്റ്റാന്‍റിന്‍ പതിനൊന്നാമന്‍(1449-1453) |
| മുന്‍പത്തെ രാഷ്ട്രം | റോമന്‍ റിപ്പബ്ലിക്ക് |
| പിന്‍പത്തെ രാഷ്ട്രങ്ങള്‍ | പടിഞ്ഞാറന്‍ റോമാ സാമ്രാജ്യം and പൌരസ്ത്യ റോമാ സാമ്രാജ്യം. |
| നാണയം | സോളിഡുസ്, ഔറേയുസ്, ദെനാറിയുസ്, സെസ്റ്റാര്‍ട്ടിയുസ്, അസ് |
അഞ്ഞൂറ് വര്‍ഷം പഴക്കമുള്ള റോമന്‍ റിപ്പബ്ലിക്കിനുശേഷം സ്ഥാപിതമായ ഏകാധിപത്യസാമ്രാജ്യമാണ് റോമാ സാമ്രാജ്യം എന്നറിയപ്പെടുന്നത്. ലത്തീനില്‍ ഇം‍പീരിയും റൊമാനും (Imperium Romanum) ആംഗലേയത്തില്‍ Roman Empire. അഞ്ചു നൂറ്റാണ്ട് നിലനിന്ന ഈ സാമ്രാജ്യത്തിലെ ആദ്യ ചക്രവര്‍ത്തി അഗസ്റ്റസ് സീസര്‍ എന്ന ഓക്ടോവിയന്‍ ആയിരുന്നു. ചൈനയിലെ ഹാന്‍ സാമ്രാജ്യവും റോമാ സാമ്രാജ്യവുമായിരുന്നു ലോകത്തിലെ വന്‍ശക്തികളായിരുന്നത്. എന്നാല്‍ നൂറുകൊല്ലത്തോളമേ ഈ സാമ്രാജ്യത്തില്‍ അഭിവൃദ്ധി നിലനിന്നിരുന്നുള്ളൂ. പില്‍ക്കാലങ്ങളില്‍ അന്ത:ഛിദ്രവും അധ:പതനവുമായിരുന്നു.
ഉള്ളടക്കം |
[തിരുത്തുക] ചരിത്രം
റോമന്‍ റിപ്പബ്ലിക്ക് മാരിയുസ്, സുള്ള, പോം‍പേ, ജൂലിയസ് സീസര്‍ എന്നിവരുടെ കാലത്തിലേ ശിഥിലമായിരുന്നു. മാര്‍ക്കുസ് ബ്രൂട്ടസ് ജൂലിയുസ് സീസറിനെ കൊന്നു കോണ്ട് ഗണതന്ത്ര വ്യവസ്ഥക്ക് അവസാനമിട്ടു. [1] സാമ്രാജ്യത്തിലേയ്ക്കുള്ള പരിണാമം കൃത്യമായി രേഖപ്പെടുത്തപ്പെട്ടിട്ടില്ലെങ്കിലും, താഴെപ്പറയുന്ന സംഭവങ്ങള്‍ റിപ്പബ്ലിക്കില്‍ നിന്നും സാമ്രാജ്യത്തിലേക്കുള്ള പരിവര്‍ത്തനത്തിലെ നാഴികക്കല്ലുകളാണ്.
- ജൂലിയസ് സീസറിനെ ദീര്‍ഘകാല ഏകാധിപതിയാക്കപ്പെട്ട നാള്‍ (ക്രി.മു. 44)
- അഗസ്റ്റസ് സീസര്‍ ആക്റ്റിയം യുദ്ധത്തില്‍കൂടീ ജൂലിയസ് സീസറീന്‍റെ സിംഹാസനം സ്വന്തമാക്കിയ സമയം (ക്രി.മു. 31 സെപ്തംബര്‍ 2)
- റൊമന്‍ സെനറ്റ് ഒക്ടേവിയന് അഗസ്റ്റസ് എന്ന സ്ഥാനപ്പേര്‍ നല്‍കിയ സമയം (ക്രി.മു. 27 ജനുവരി 16)
അഗസ്റ്റസിന്‍റെ കാലം മുതല്‍ പടിഞ്ഞാറന്‍ റോമന്‍ സാമ്രാജ്യം തകരുന്നതു വരെ റോം പടിഞ്ഞറന്‍ യൂറേഷ്യ മൊത്തം അടക്കി വാണു. ട്രാജന്‍റെ കാലത്ത് റോമാ സാമ്രാജ്യം അതിന്‍റെ പരമാവധി വിസ്തൃതിയില്‍ എത്തിയെങ്കിലും അതിനുള്ള ശ്രമങ്ങള്‍ നേരത്തേ തന്നെ നടന്നിരുന്നു. ട്രാജന്‍ ചക്രവര്‍ത്തി ക്രി.വ. 116-ല് ഡേസിയ കീഴടക്കിയതാണ് അവസാനത്തെ കൂട്ടിച്ചേര്‍ക്കല്‍. ഏകദേശ വിസ്താരം 5,900,000 ച.കി.മീ. ആയിരുന്നു എന്നു പറയുമ്പോള്‍ തന്നെ അതിന്‍റെ ബൃഹത്തായ ചക്രവാള സീമ നമുക്ക് മനസ്സിലാക്കാം.
റോമാ സാമ്രാജ്യത്തിന്റെ അവസാനം പാരമ്പര്യമായി ക്രി.വ. 476 സെപ്തംബര്‍ 4 നാണ് രേഖപ്പെടുത്തിയിരിക്കുന്നത്. അന്ന് റോമിന്റെ അവസാനത്തെ ചക്രവര്‍ത്തിയായ റോമുലുസ് അഗസ്തുസ് നിക്കം ചെയ്യപ്പെടുകയും എന്നാല്‍ പകരക്കാരനെ നിയോഗിക്കാതിരുക്കുകയും ചെയ്തത്. എന്നിരുന്നാലും ബൈസാന്റിന്‍ സാമ്രാജ്യം എന്നറിയപ്പെട്ടിരുന്ന പൌരസ്ത്യ റോമാ സാമ്രാജ്യം ഇന്നും തുടരുന്നു.
[തിരുത്തുക] ആദ്യത്തെ ചക്രവര്‍ത്തി
റോമാ സാമ്രാജ്യത്തിലെ ആദ്യത്തെ ചക്രവര്‍ത്തി അഗസ്റ്റസ് സീസര്‍ എന്നറിയപ്പെടുന്ന ഒക്ടേവിയന് ആണ്. ജൂലിയസ് സീസറുടെ സഹോദരിയുടെ പുത്രനും അദ്ദേഹത്തിന്‍റെ ദത്തുപുത്രനുമായിരുന്നു ഒക്ടേവിയന്. ജൂലിയസ് സീസര്‍ ക്രി.മു. 44 ല് കൊല്ലപ്പെടുമ്പോള്‍ ഒക്ടേവിയന് പതിനെട്ടു വയസ്സ് മാത്രമായിരുന്നു. വിദ്യാര്‍ത്ഥിയായിരുന്ന അദ്ദേഹം റോമിന്റെ പാരമ്പര്യത്തെപ്പറ്റിയും തത്വജ്ഞാനം, സാഹിത്യം, എന്നിവ നന്നായി പഠിച്ചിരുന്നു. സ്പാര്‍ട്ടയിലെ ലളിതമായ ജീവിതരീതിയില്‍ അദ്ദേഹത്തിന് ശരിയായ പരിശീലനവും സിദ്ധിച്ചിരുന്നു. യുദ്ധത്തിലും ഭരണകാര്യങ്ങളിലും വേണ്ടത്ര ശിക്ഷണവും സീസര്‍ അദ്ദേഹത്തിന് നല്‍കിയിരുന്നു. എന്നാല്‍ സീസറേക്കാളും ക്ഷമാശീലനും സാമ്ര്ത്ഥ്യക്കാരനുമായിരുന്നു അദ്ദേഹം. സീസര്‍ പരാജയപ്പെട്ടിടത്ത് അദ്ദേഹം വിജയിക്കുകയായിരുന്നു.
സീസര്‍ മരിച്ചതോടു കൂടി സ്വാര്‍ത്ഥരായ ഭരണാധികാരികള്‍ അധികാര വടം‍വലി നടത്തി അന്നത്തെ രാഷ്ട്രീയാന്തരീക്ഷം കലുഷിതമാക്കിയിരുന്നു. ഇല്ലീറിയയില്‍ വിദ്യാഭ്യാസം നടത്തുകയായിരുന്ന ഒക്ടേവിയന് ഉടന്‍ റോമിലെത്തുകയും അധികാര മത്സരത്തില്‍ വിജയിക്കുകയും ചെയ്തു. എന്നാല്‍ സീസറുടേ സുഹൃത്തുക്കളായിരുന്ന മാര്‍ക്ക് ആന്‍റണിയേയും ലെപ്പിഡസിനേയും പുറത്താക്കുന്നത് അഭികാമ്യമാകുകയില്ല എന്ന് തോന്നിയ ഓക്ടേവിയന്‍ അവരുമായി ചേര്‍ന്ന് ത്രിശക്തി ഭരണത്തിലേര്‍പ്പെട്ടു. ഓരോരുത്തരും അഞ്ചു കൊല്ലത്തേയ്ക്ക് കോണ്‍സുള്‍ സ്ഥാനം വഹിക്കണമെന്ന് വ്യവസ്ഥയാക്കി. എന്നാല്‍ ഈ മൂന്നംഗം ഭരണം ശരിക്കും മൃഗീയവും തികച്ചും അരാജകവുമായിരുന്ന്. നിരവധി സെനറ്റ് അംഗങ്ങളും കച്ചവട പ്രമാണിമാരും വധിക്കപ്പെട്ടു. പ്രമുഖ വാഗ്മിയായിരുന്ന സിസെറോ യും വധിക്കപ്പെട്ടു. ബ്രൂട്ടസും കാഷ്യസും റോമില്‍ നിന്ന് ഒളിച്ചോടി അടുത്തുള്ള സ്ഥലത്തു നിന്ന് ഒരു റിപ്പബ്ലിക്കന്‍ സൈന്യത്തെ സംഘടിപ്പിച്ചുകൊണ്ട് റോമിനെതിരെ പോരിനു വന്നു. എന്നാല്‍ ചരിത്ര പ്രസിദ്ധമായ ഫിലിപ്പി യുദ്ധത്തില്‍ പരാജയം നേരിട്ട( ക്രി.മു. 42) അവര്‍ ഭഗ്നാശരായി അത്മഹത്യ ചെയ്തു.
പിന്നീട് സാമ്രാജ്യം മൂന്നു പേരായി പങ്കിട്ടു ഭരിച്ചു. കിഴക്കന്‍ പ്രദേശങ്ങള്‍ ആന്‍റണിക്കും ലെപ്പിഡസ് ആഫ്രിക്കയും ഒക്ടേവിയന് റോം ഉള്‍പ്പടെയുള്ള മറ്റു പ്രദേശങ്ങളും ഭരിക്കാമെന്നുള്ള വ്യവസ്ഥയില്‍ ഭരണം തുടങ്ങി. ഇത് ഒക്ടേവിയന്‍റെ ബുദ്ധിയായിരുന്നു. ലെപ്പിഡസ് താമസിയാതെ വിരമിച്ചതോടെ ഒക്ടെവിയന് ആ സ്ഥലങ്ങളുടെ അധികാരവും കൈവന്നു. ഈകിപ്തില്‍ അലക്സാണ്ഡ്രിയയി വാസമാക്കിയ മാര്‍ക്ക് ആന്‍റണി മുന്‍പ് ജൂലിയസ് സീസറിനെ വശീകരിച്ച ക്ലിയോപാട്ര യുടെ വലയില്‍ വീണു. മറ്റെല്ലാം മറന്ന് ആ മാദകത്തിടമ്പിന്‍റെ സൌന്ദര്യത്തില്‍ മതിമറന്ന് ജീവിച്ചു. റോമിലെ ജനങ്ങള്‍ ഇതില്‍ അതൃപ്തരായിരുന്നു. ഈ ആശങ്കയെ മുതലെടുത്ത ഒക്ടേവിയന് സെനറ്റിനെ പാട്ടിലാക്കി ആന്‍റണിയെ കോണ്‍സുള്‍ സ്ഥാനത്ത് നിന്ന് നീക്കം ചെയ്തു, ക്ലിയോപാട്ര യെ ശത്രുവായി പ്രഖ്യാപിച്ച് അവരുമായി യുദ്ധത്തിന് പുറപ്പെട്ടു. ക്രി.മു. 31-ല് ആക്റ്റിയം എന്ന സ്ഥലത്ത് വച്ച് നടന്ന ചരിത്ര പ്രസിദ്ധമായ യുദ്ധത്തില്‍ ഒക്ടേവിയന് ക്ലിയോപാട്രയുടേയും ആന്‍റണിയുടേയും സേനയെ തോല്പിച്ചു. ഭയന്ന ആന്‍റണി ആത്മഹത്യ ചെയ്തു. ക്ലിയോപാട്രയാകട്ടേ ആദ്യം ഒക്ടേവിയനെ വശീകരിക്കാന്‍ ശ്രമം നടത്തുകയും എന്നാല്‍ പരാജയപ്പെട്ടപ്പോള്‍ വിഷപ്പാമ്പിനെ പുണര്‍ന്ന് മരണം വരിച്ചു.
തിരിച്ചു വന്ന ഒക്ടേവിയന് ക്രി.മു. 29ല് റൊമാ സാമ്രാജ്യത്തിന്റെ സര്‍വ്വാധിപനായിത്തീര്‍ന്നു. റോമാക്കാര്‍ അദ്ദേഹത്തിന് ഇം‍പറാത്തോര്‍ (ഇമ്പറേറ്റര്‍) (വിജയിയായ സര്‍വ്വസൈന്യാധിപന്‍ എന്നര്‍ത്ഥം എന്നും അഗസ്തുസ് ( അഗസ്റ്റസ്) (രാജകീയ പ്രൌഡിയുള്ളവന്‍ എന്നര്‍ത്ഥം) എന്നും സ്ഥാനപ്പേരുകള്‍ നല്കി. അദ്ദേഹം ചരിത്രകാരന്മാര്‍ക്കിടയില്‍ അഗസ്റ്റസ് ചക്രവര്‍ത്തി എന്നാണ് അറിയപ്പെടുന്നത്. എന്നാല്‍ അദ്ദേഹം കെയ്സര്‍ (സീസര്‍) എന്ന തന്‍റെ കുടുംബപ്പേര്‍ ചേര്‍ത്ത് വിളിക്കാനാണ് ഇഷ്ടപ്പെട്ടത്. ജുലിയോ-ക്ലൌഡിയന്‍ വംശം ഏകദേശം ഒരു നൂറ്റാണ്ടോളം നിലനിന്നു. നീറോവിന്‍റെ കാലം വരെ അത് കുടുംബപ്പേരായി ഉപയോഗിക്കപ്പെട്ടിരുന്നു എങ്കില്യ്മ് അതിന്‍ ശേഷവും ആ പേര്‍ സ്ഥാനപ്പേരിന്‍റെ രൂപത്തില്‍ ഉപയോഗിക്കാന്‍ തുടങ്ങി.
അദ്ദേഹം പഴയ റിപ്പബ്ലിക്കന്‍ ഭരണരീതിയുടെ സം‍രക്ഷകനായാണ് തന്‍റെ ഭരണം തുടങ്ങിയത്. എന്നാല്‍ ഇത് അദ്ദേഹത്തിന്‍റെ ഒരു തന്ത്രമായിരുന്നു. അദ്ദേഹം തനിക്ക് ലഭിച്ച വിശേഷ അധികാരങ്ങള്‍ ഉപേക്ഷിച്ചു, പ്രത്യക്ഷത്തില്‍ സെനറ്റിന്‍റെ വിന്ന്ത ദാസനായിരുന്നെങ്കിലും ഭരണാധികാരം മുഴുവനും പിടിവിടാതെ കൊണ്ടു നടന്നു. സെനറ്റ് വെറും കളിപ്പാവ മാത്രമായിത്തീര്‍ന്നു, അദ്ദേഹം പയ്യെ പയ്യെ തന്‍റെ അധികാരങ്ങള്‍ സെനറ്റിലെ അംഗങ്ങള്‍ക്കായി വീതിച്ചു നല്‍കാന്‍ തുടങ്ങി. ഇതിനകം സെനറ്റു മുഴുവന്‍ സീസറിന്‍റെ കയ്യിലായിരുന്നു. അഗസ്റ്റസ് സീസര്‍ കോണ്‍സുള്‍ സ്ഥാനം ത്യജിക്കാന്‍ പോകുന്നു എന്ന വാര്‍ത്ത പരന്ന ഉടന്‍ റോമില്‍ പ്ലീബിയന്മാര്‍ക്കിടയില്‍ കലാപം പടരാന്‍ തുടങ്ങി. ഇതില്‍ ഭയചകിതരായ സെനറ്റ് അഗസ്റ്റസ് സീസറിനോട് സ്ഥാനത്തു തുടരാന്‍ അപേക്ഷിക്കുകയായിരുന്നു. ഇതിനായി അവര്‍ സീസര്‍ക്ക് ഏകാദിപത്യപരമായ പല അധികാരങ്ങളും വിട്ടുകൊടുത്തു. ഇത് ആദ്യത്തെ മദ്ധ്യസ്ഥം എന്നറിയപ്പെടുന്നു.
റോമന്‍ ലീജീയണ്‍ അറുപത് എണ്ണത്തിനോടടുത്തായി പെരുകിയിരുന്നു. അഗസ്റ്റസ് സീസര്‍ ഇതില്‍ കൂറു കുറഞ്ഞതിനെയല്ലാം ഇല്ലാതാക്കി, മൊത്തം എണ്ണം 28 ആക്കി കുറച്ചു. ഇറ്റലിയിലെ സമാധാനം സം‍രക്ഷിക്കാന്‍ കൊഹോര്‍സ് (ആംഗലേയത്തില്‍ Cohorts) എന്ന പ്രത്യേക പട്ടാള സം‌വിധാനം അദ്ദേഹം ഏര്‍പ്പെടുത്തുകയുണ്ടായി. ഇത് പിന്നീട് പ്രിട്ടോറിയാനി(ആംഗലേയത്തില്‍ Praetorians) എന്ന പേരില്‍ അറിയപ്പെടാന്‍ തുടങ്ങി. സീസറുടെ അംഗരക്ഷണം അവരുടെ ചുമതലകളായിരുന്നു.
സെനറ്റിലെ പലതായി വിഭജിച്ചു, പ്രവിശ്യകളുടെ ഭരണം എല്പിച്ചു. കുഴപ്പങ്ങള്‍ ഉണ്ടാവാറുള്ള പ്രവിശ്യകള്‍ സീസറുടെ മേല്‍നോട്ടത്തില്‍ തന്നെ നിയന്ത്രിക്കപ്പെട്ടു. ഇത്തരം പ്രവിശ്യകളെ രാജകീയ പ്രവിശ്യകള്‍ എന്നു വിളിച്ചിരുന്നു. ഇവിടങ്ങളില്‍ ലീജിയണുകളെ കൂടുതലായി വിനിയോഗിക്കപ്പെട്ടു. സമാധാന പരമായ പ്രവിശ്യകള്‍ മാത്രമേ സെനറ്റുകള്‍ക്ക് നല്‍കപെട്ടുള്ളൂ. ലീജിയണുകള്‍ ഇവിടെ കുറവുമായിരുന്നു ഏര്‍പ്പെടുത്തിയിരുന്നത്. ഖജനാവിനേയും സീസര്‍ രണ്ടാക്കി ഭാഗിച്ചു. അദ്ദേഹത്തിന്‍റെ നിയന്ത്രണത്തിനു കീഴില്‍ ഉണ്ടായിരുന്ന പ്രദേശങ്ങളില്‍ നിന്നുള്ള വരുമാനം സീസറിന്‍റെ മേല്‍ നോട്ടത്തിലുള്ള ഫിസ്കുസ് എന്ന ഉദ്യോഗസ്ഥരെ ഏല്പിച്ചു. സെനറ്റ് ഭരിക്കുന്ന പ്രവിശ്യകളിലെ നികുതികള്‍ പൊതു ഖജനാവിലേയ്ക്കും വരവു വച്ചു. ഇതു മൂലം അഗസ്റ്റസ് സെനറ്റിനേക്കാളും സമ്പന്നനായി. അതുകൊണ്ട് ലീജിയണ്മരുടെ ശമ്പളം ക്രമത്തിന് നല്‍കാനും അതു വഴി അവരുടെ വിധേയത്വം ഉറപ്പു വരുത്തി. ഈജിപ്തിലെ രാജകീയ പ്രവിശ്യയില്‍ നിന്നാണ് ഏറ്റവും വരുമാനം ലഭിച്ചിരുന്നത്. ഇവിടെ സെനറ്റര്‍മാര്‍ പോകുന്നതുപോലും വിലക്കപ്പെട്ടിരുന്നു. റോമിലേയ്ക്കുള്ള ഭക്ഷണത്തിന്‍റെ പ്രധാന ഉറവിടം ഇതായിരുന്നു.
അദ്ദേഹം വീണ്ടും 23ല് തന്‍റെ കോണ്‍സുള്‍ പദവി രജിവയ്ക്കുകയും അതേ തുടര്‍ന്നുണ്ടായ നാടകീയ മായ രംഗങ്ങള്‍ക്ക് രണ്ടാമത്തെ മദ്ധ്യസ്ഥം നടക്കുയും സീസര്‍ക്ക് കൂടുതല്‍ അധികാരങ്ങള്‍ കല്പിച്ച് അനുവധിക്കുകയും ചെയ്യപ്പെട്ടു. [2]ഇത്തരം പരിഷ്കാരങ്ങള്‍ ഗണതന്ത്ര വ്യവസ്ഥ പ്രകാരം തെറ്റായിരുന്നു. എന്നാല്‍ സെനറ്റില്‍ അതിനെ എതിര്‍ക്കാന്‍ കെല്പുള്ള ആരും തന്നെ അന്ന് ഉണ്ടായിരുന്നില്ല. പ്രധാനമായും എതിര്‍ത്തിരുന്ന സിസെറോ, കേറ്റോ എന്നിവര്‍ നേരത്തേ തന്നെ വധിക്കപ്പെട്ടിരുന്നു. തനിക്ക് വിധേയത്വം പുലര്‍ത്താത്ത സെനറ്റര്‍മാരെ ഒഴിവാക്കാന്‍ അഗസ്റ്റസ് പ്രത്യേകമായി ശ്രദ്ധിച്ചിരുന്നു. സിസര്‍ക്ക് രാജാവിന്‍റേതിനു തുല്യമായ അധികാരങ്ങള്‍ ലഭിച്ചു. ഏതു പ്രവിശ്യയിലും ഇടപെടാനും ഗവര്‍ണര്‍മാരുടെ വിധികളെ ഇല്ലായ്മ ചെയ്യാനുമുള്ള അധികാരം അദ്ദേഹത്തിന് നല്‍കപ്പെട്ടു. ഇതിനെ ഇം‍പീരിയും പ്രോകോണ്‍സുലാരെ മൈയുസ് imperium proconsulare maius ("power over all proconsuls") എന്നറിയപ്പെട്ടു.]
രാജ്യസീമകള്‍ സുരക്ഷമാക്കാന്‍ നടത്തിയ ചില യുദ്ധങ്ങളില്‍ പരാജയപ്പെട്ടെങ്കിലും അവസാനകാലത്ത് അദ്ദേഹം കൂടുതല്‍ ശ്രദ്ധയോടെ കാര്യങ്ങള്‍ കൊണ്ടു നടന്നു. അദ്ദേഹത്തിനെ പറ്റിയുള്ള കൂടുതല്‍ വിവരങ്ങള്‍ ലഭ്യമല്ല.
[തിരുത്തുക] അഗസ്റ്റസിനു ശേഷം
അദ്ദേഹത്തിന്‍റെ പുത്രന്മാര്‍ക്കാര്‍ക്കും തന്നെ അദ്ദേഹത്തിന്‍റെ പിന്‍‍ഗാമിയാവുന്നതിനുള്ള ആയുസ്സ് ഉണ്ടായിരുന്നില്ല. അതു കൊണ്ട് അദ്ദേഹത്തിന്‍റെ വളര്‍ത്തു പുത്രനായ ടൈബീരിയസ് ആണ് പിന്‍‍ഗാമിയായി വാണത്.
[തിരുത്തുക] ജൂലിയോ-ക്ലൌഡിയോ സാമ്രാജ്യം (14-69)
അഗസ്റ്റസ് സീസറിന്‍റെ ദത്തു പുത്രനായിരുന്നു ടൈബീരിയസ്, അദ്ദേഹത്തിന്‍റെ ഭാര്യയുടെ ആദ്യ വിവാഹത്തിലുണ്ടായ മകന്‍. സീസറുടെ വംശം ജെന്‍സ് ജൂലിയോ എന്നറിയപ്പെടുന്ന റോമിലെ ഏറ്റവും പുരാതനമായ വംശം ആയിരുന്നു. അതിനേക്കാള്‍ തൊട്ടു താഴെ വരുന്നതാണ് ടൈബീരിയസിന്‍റെ പിതാവിന്‍റെ വംശമായ ജെന്‍സ് ക്ലൌഡിയോ. പിന്നീട് നീറോ ചക്രവര്‍ത്തി വരെ ഭരിച്ചിരുന്നവരെല്ലാം ഈ ബന്ധത്തില്‍ പെട്ടവരുടെ പരമ്പരയായിരുന്നു. ടൈബീരിയസിന്‍റെ സഹൊദരന് അഗസ്റ്റസ് സീസറിന്‍റെ സഹോദരി ഓക്ടേവിയ മൈനര്‍ക്കോ മൂത്ത ജൂലിയക്കോ ഉണ്ടായ സന്തതി പാരമ്പര്യത്തില്‍ പെട്ടവരാണ്. ചരിത്രകാരന്മാര്‍ ഈ വംശത്തിന്‍റെ ഭരണത്തിനെ ജൂലിയോ-ക്ലൌഡിയന്‍ സാമ്രാജ്യം എന്ന് വിളിക്കാറുണ്ട്.
[തിരുത്തുക] ടൈബീരിയസ് (14-37)
[തിരുത്തുക] കലിഗുള(37-41)
[തിരുത്തുക] ക്ലാവുഡിയസ്(41-54)
[തിരുത്തുക] നീറോ(54-68)
റോം കത്തിയെരിയുമ്പോള്‍ നീറോ വീണ വായിക്കുകയായിരുന്നു എന്ന് ഒരു കിം‍വദന്തി ഉണ്ട്. റോമിലെ മഹത്തായ വലിയ തീപിടുത്തത്തിന് ശേഷം റോം പുന:സൃഷ്ടിച്ചതിനും നിറോ പ്രസിദ്ധനാണ്. അദ്ദേഹം വലിയ തോതില്‍ ക്രിസ്ത്യാനികളുടെ മതവിചാരണ നടത്തി കൊലപ്പെടുത്തുകയും അത് സെനറ്റിന്‍റെ വെറുപ്പിന് കാരണമായിത്തീരുകയും അവസാനം നിറോയെ കൊലപ്പെടുത്താന്‍ സെനറ്റ് നിയമം കൊണ്ടുവരികയും ചെയ്തു. എന്നാല്‍ നിയമം നടപ്പാക്കുന്നതിനു മുന്നേ തന്നെ നീറോ ആത്മഹത്യ ചെയ്യുകയാണുണ്ടായത്.
[തിരുത്തുക] പ്രമാണാധാരസൂചി
- ↑ പി.ഏസ്. വേലായുധന്‍. ലോകചരിത്രം-ഒന്നാം ഭാഗം. പത്താം പതിപ്പ്. ഏടുകള്‍ 162-163; കേരള ഭാഷാ ഇന്‍സ്റ്റിറ്റ്യൂട്ട്, തിരുവനന്തപുരം, കേരള 1985.
- ↑ റെസ് ഗെസ്റ്റായെ ഡിവി അഗസ്തി എന്ന താമ്രശാസനങ്ങള്‍
| പുരാതന റോമിന്റെ ചരിത്രം | edit |
| Founding | Roman Kingdom | റോമന്‍ റിപ്പബ്ലിക്ക് | റോമാ സാമ്രാജ്യം | Western Roman Empire | Byzantine (Eastern Roman) Empire | Decline | |
റോമിനെപറ്റിയുള്ള ഈ ലേഖനം അപൂര്‍ണ്ണമാണ്. നിങ്ങള്‍ക്ക് അത് പൂര്‍ത്തിയാക്കാന്‍ സഹായിക്കാം. ഈ സം‍രംഭത്തില്‍ പങ്കാളിയാവൂ.
