Harry Potter
De Uiquipedia
La saga de Harry Potter ye una popular serie de noveles de fantasía escrites pola británica J. K. Rowling. Los llibros presenten un mundu máxicu enllenu bruxes y magos, y el protagonista ye'l xoven magu Harry Potter. Dende la espublización de la primera novela, Harry Potter and the Philosopher's Stone (Harry Potter y la Piedra Filosofal) en 1997, los llibros ganaron una popularidá pergrande y un gran éxitu comercial per tol mundu, dando llugar a películes, vídeoxuegos, y una gran variedá d'otros artículos. Los seyes llibros nel so conxuntu tienen vendíos más de 350 millones de copies y tán tornaos a 47 llingües estremaes, incluyendo'l llatín.
La más parte de la hestoria asocede nel Colexu Hogwarts de Maxa y Fechicería, enfocando la llucha de Harry Potter escontra los siguidores de Lord Voldemort o inclusive con esti mesmu. Los llibros esploren los temes d'amistá, ambición, opción, prexuiciu, coraxe, xorrecimientu, amor, y les perplexidaes de la muerte, ponense escontra un mundu máxicu cola so propia hestoria complexa, habitantes diversos, una cultura única, y una sociedá paralela.
Seyes de los siete llibros (planeaos nún entamu) yá tán asoleyaos, y el sétimu llibru, entá ensin nome, espublizaráse nel 2007.
Los cuatro primeros llibros adaptáronse en películes producíes pola Warner Bros, y la quinta película estrenaráse tamién nel añu 2007.
Les versiones n'inglés de los llibros son asoleyaes por Bloomsbury y Scholastic, mentantu que les ediciones en castellano por Salamandra.
Los llibros espublizaos fasta agora son:
- Harry Potter y la Piedra Filosofal
- Harry Potter y la Cámara los Secretos
- Harry Potter y el Prisioneru d'Azkabán
- Harry Potter y el Cálice de Fueu
- Harry Potter y la Orde'l Fénix
- Harry Potter y el Príncipe Mestizu
- Harry Potter and the Deathly Hallows (entá ensin espublizar)
Esti artículu ye un entamu, ampliándolu, ayudarás a meyorar la Uiquipedia
