Archeologjie
De Vichipedie, la enciclopedie libare dute in marilenghe.
La archeologjie al è il studi des civiltâts e des culturis dal passât midiant la racolte, la documentazion e la catalogazion dai rests materiâi che si rivin a cjatà.
Indis |
[cambie] Storie de archeologjie
Ancje se l’interes pal passat no je une robe recente te storie, tant al è vêr che za i româns a vevin la abitudine a colezionâ oparis d’art grechis “antighis”, la archeologjie moderne e nas tal secul dai lums e in prinzipi e si interesse soredut des civiltâts dal Mediterani. Fra lis primis tapis impuartantis de so storie ricuardin che tal 1709 si tache a sgjavâ a Ercolano, tal 1748 a Pompei, tal 1799 e ven cjatade la Piere di Rosetta e tal 1873 e ven scuvierte la citât di Troie. In timps plui modernis la archeologjie si interesse a ducj i periodis passâts, storics e preistorics. Si doprin metodologjis modernis, come che dal Cjarboni 14, par rivà a da une date ai ogjets cjatâts.
[cambie] Tecniche di scavi
Il principâl metodi al è il scavi stratigrafic, i ogjets a vegnin cjapâts su lavorant a strâts in maniere di vê une omogjeneitât cronologjiche in chel che si cjate.
[cambie] Vôs leadis
- Archeologjie subacueie
- Archeologjie industriâl
- Preistorie
- Storie
- Paleontologjie
- Etnologjie
[cambie] Leams
[1] - (talian) - societât furlane di archeologjie.
