Euro

Na Galipedia, a wikipedia en galego.

O euro (EUR ou €) é a moeda empregada na euro-zona e algúns outros países fora da Unión Europea. O euro aspira a converterse na moeda oficial de toda a Unión Europea. A introdución do euro en lugar das divisas estatais foi a reforma monetaria máis importante en Europa na época moderna.

O euro é administrado polo Sistema Europeo de Bancos Centrais (SEBC), composto polo Banco Central Europeo (BCE) e os bancos nación|nacionais dos países membros da euro-zona. O Banco Central, situado en Frankfurt, Alemaña, é o único con autoridade para desenvolver a política monetaria.

Índice 1 Historia 2 Eurozona 2.1 Unión Europea 2.2 Europa (non pertencentes á Unión Europea) 3 Símbolo 4 Billetes e Moedas 4.1 Moedas de Euro 4.2 Billetes de Euro 5 Equivalencias 6 Ligazóns Externas

[editar] Historia

O acordo polo euro e as condicións de adhesión establecéronse en 1992. O ECU, Unidade Monetaria Europea (European Currency Unit) é o predecesor do euro. O euro foi introducido oficialmente o 1 de xaneiro de 1999, cando deixaron de existir as moedas dos países que se acolleron ao plano da moeda única, a denominada euro-zona. O 1 de xaneiro de 2001 incorporouse Grecia. Non obstante, debido ao período de fabricación requirido para os novos billetes e moedas, as antigas moedas nacionais, a pesar de perderen a cotización oficial no mercado de divisas, permaneceron como medio de pago até o 1 de xaneiro de 2002, cando foron remprazadas por billetes e moedas en euros. Tanto as moedas como os billetes tiveron un período de coexistencia coas outras moedas nacionais até que foron retiradas da circulación. Este período de coexistencia tivo diferentes calendarios nos países que adoptaron o euro.

Dinamarca, o Reino Unido e Suecia non adoptaron a moeda única. Dinamarca rexeitou o euro nun referendo levado a cabo o 28 de setembro de 2000, con unha participación do 86% e onde o 53,1 por cen dos votantes manifestáronse contra a adopción do euro. O referendo sueco do 14 de setembro de 2003, días despois do asasinato da ministra Anna Lindh, impulsora da adopción do euro, resultou un pouco máis do 56% do electorado votando en contra. A cuestión fica así posposta ao menos cinco anos, transcorridos os cales poderase repetir o referendo.

En decembro de 2003 o euro alcanzou unha cotización con respecto ao dólar estadounidense de $1.26, o máximo valor de troco dende a súa introdución.

[editar] Eurozona

A eurozona ou zona euro son os países da Unión Europea que adoptarón o euro como moeda única, mais outros países de fóra da Unión Europea tamén o empregan. Os países da eurozona son:

[editar] Unión Europea

• Alemaña
• Austria
• Bélxica
• Eslovenia
• España
• Finlandia
• Francia
• Grecia
• Irlanda
• Italia
• Luxemburgo
• Países Baixos
• Portugal

[editar] Europa (non pertencentes á Unión Europea)

• Andorra
• Mónaco
• San Mariño
• Cidade do Vaticano
• Montenegro
• Kosovo

Mónaco, San Mariño e Cidade do Vaticano teñen os seus euros propios coa súa cara nacional. Montenegro e Kosovo (da antiga Iugoslavia), empregaban como moeda o marco alemán, non suscribiron os arranxos legais coa Unión Europea.

[editar] Símbolo

O símbolo do euro (€) inspirase na letra épsilon (ε) do alfabeto grego. Escolleuse este símbolo como referencia á inicial de Europa, E.

[editar] Billetes e Moedas

O euro conta con moedas e billetes.

Véxase a Galería de imaxes do euro para observar as diferencias entre as moedas dos diferentes países

[editar] Moedas de Euro

As moedas de euro teñen un lado común para todos os membros da eurozona e outro distinto para cada país da eurozona. O deseño da cara común das moedas é obra de Luc Luycx, da Real Fábrica de Moedas de Bélxica. Lista das moedas de euro:

• 1 céntimo de euro
• 2 céntimos de euro
• 5 céntimos de euro
• 10 céntimos de euro
• 20 céntimos de euro
• 50 céntimos de euro
• 1 euro
• 2 euros

[editar] Billetes de Euro

Os billetes de euro son idénticos para todos os países da eurozona. O deseño dos billetes é de Robert Kalina, do Banco Central de Austria. Lista dos billetes de euro:

• 5 euros
• 10 euros
• 20 euros
• 50 euros
• 100 euros
• 200 euros
• 500 euros

[editar] Equivalencias

Equivalencias Euro/Antigas moedas nacionais

1 Euro (€)	Antiga Moeda
13,7603	chelíns austriacos (ATS)
40,3399	francos belgas (BEF)
1,95583	marcos alemáns (DEM)
166,386	pesetas españolas (ESP)
5,94573	marcos finlandeses (FIM)
6,55957	francos franceses (FRF)
0,787564	punts irlandeses (IEP)
1936,27	liras italianas (ITL)
40,3399	francos luxemburgueses (LUF)
2,20371	florines holandeses (NLG)
200,482	escudos portugueses (PTE)
340,750	dracmas griegos (GRD)

[editar] Ligazóns Externas

• European Central Bank information
• myEuro.info