Albertus Einstein

E Vicipaedia

Albertus Einstein
Albert Einstein

Natus	14 Martii 1879 Ulmae in Germania
Obiit	18 Aprilis 1955 Principitoniae in CFA

Albertus Einstein (qui anno 1879 prid.Id.Mart. Ulmae in Germania natus obiit anno 1955 a.d.XIV.Kal.Mai. Principitoniae in Foederatis Civitatibus Americae) philosophus naturalis et rerum physicarum investigator anno 1921 praemio Nobelicio laureatus est.

[recensere] Annus mirabilis et opera sua

Einstein, unus ex maximis physicis saeculi vicesimi, operis suis de physica theoretica conscriptis nos rerum naturam novo quodam modo intellegere docuit.

Anno mirabilis 1905 Einstein publicos fecit quattuor libellos. ^[1] Duo operis suis titulo De corporum moventium electrodynamica (Germanice Zur Elektrodynamik bewegter Körper) et Inertia corporis energia dependet? (Germanice "Ist die Trägheit eines Körpers von seinem Energiegehalt abhängig?") fuerunt quibus generis humani totus spatii temporisque intellectus renovatus est, ex quo relativitatis specialis evolvit. Alius libellus fuit De motu particulae parvae in fluido statario suspensae qui theoria cinetica calorica molecularis requirit (Germanice "Über die von der molekularkinetischen Theorie der Wärme geforderte Bewegung von in ruhenden Flüssigkeiten suspendierten Teilchen"), qui statuit existentia atomorum molecularumque. Alius libellus titulo De perspectiva heuristica circa productionem et transformationem lucis (Germanice "Über einen die Erzeugung und Verwandlung des Lichtes betreffenden heuristischen Gesichtspunkt") effectum photoelectricum explicavit, propter quam anno 1921 praemio Nobelicio laureatus est.

In sua vita, Einstein multa alia opera scientifica significantes fecit. Anno 1915 Enstein provulgavit suum magnum opus relativitis generalis quod theoriam gravitatis praesentat forma relativitatis congruente. ^[2]

[recensere] De sua vita

Albertus et Elsa

Albertus filius Arminii Einstein et uxoris eius Paulinae Ulmae in Virtembergia Iudaeus origine anno 1879 natus est. Alberti familia Monachium anno 1880 migravit, quo loco pater et avunculus suus officinam condiderunt. Anno 1881 Alberti soror Maria nata est.

Albertum puerum virum illustrissimum esse futurum nemo providit. Prima enim verba tres annos natus locutus est. Tamen discipulus bonus erat. Anno 1884 viola canere didicit. Quattuor annis post in Gymnasio Luitpoldino litteris artibusque trivii institutus est.

Annos 1896 -1905 universitatem ETH in Helvetia astitit, ubi Milevam Marić cognovit quae in matrimonium duxit anno 1903. Anno 1905 edita dissertatione in universitate Turiciana ad gradum doctoris rerum naturalium promotus est.

Suus cursus academicus progressus est, cum positionibus in Berna, Praga, Turico, et Germania. Anno 1919 Albertus et Mileva matrimonium dimiserunt et Albertus Elsam Löwenthal in matrimonium duxit. Anno 1932 Einstein fascismi metu gliscentis commotus in Civitatibus Foederatis Americae consedit neque umquam in Germaniam revertit, quia in patria eius a.d.III.Kal.Feb. anni 1933 Adolfus Hitler ad summam rerum accessit, ut legibus novis inauditisque ferendis gentem Iudaeorum opprimeret vexaret exstingueret.

[recensere] Notae

↑ Vide pagina Anglice en:Annus Mirabilis Papers.
↑ Einstein, Albert (1915), "Die Feldgleichungen der Gravitation (The Field Equations of Gravitation)", Koniglich Preussische Akademie der Wissenschaften: 844-847