Erythraea

E Vicipaedia

Res Publica Erythreae
(Hagere Ertra)
ሃግሬ ኤርትራ

Nationis sententia: nihil

Linguae Officiales

Tigrinia (lingua officiorum), etiam utuntur Arabica, Apharica, Tigrenica, ceterae minores linguae Chusiticae.

Caput

Asmera

Amplissima omnium urbium Erythreae

Asmera

Praesidens

Isaias Afovorci (Afwerki)

Consilii Praesidens

Isaias Afovorci (Afwerki)

Area
- plena
- aquae pars

omnium 98a
121,320 chm²
0%

Numerus incolarum
- plena (2005)
- Spissitas incolarum

omnium 115a
4,561,599 (aestimatio)
38/chm²

Independentia

24 Martii 1993o

Moneta

nacpha (= 100 centimi; ERN)

Zona Horaria

UTC +3

Carmen Nationis

Erythraea, Erythraea, Erythtraea

Interretis abbreviatio

.ER

Praefixum telephonicum

291

Erythraea civitas in Africa boreorientalis, est in litore Maris rubri. Limites in terra firma longitudinem 1 630 chiliometrorum habent; Erythraea in occidente vicinum (605 chm limitum) Sudaniam habet, Aethiopiam in austro (912 chm - status ante recens bellum), Dzibutum in austrooriente (113 chm). Ad Erythraeam etiam insulae Dahlacaae in Mari rubro pertinent. Erythraea anno 1993o independentiam assecuta est, ideo inter iuvenissimas respublicas mundi est.

Index

1 Geographia
2 Incolae
3 Historia
- 3.1 Antiquum et medium et maturum novum aevum

[recensere] Geographia

Territorium Erythreae faciunt tria genera locorum naturae: secundum litus Maris rubri extenditur angustus tractus aridae et sterilis terrae facie desertorum habens plerumque sale contactum solum. Amplissima pars respublicae regione montana in media civitate occupatur (hic altissima cacumina inveniuntur, et altissimus mons Soera 3018 metrorum), ibi fertilissimi soli atque pro rata parte crebrae pluviae (usque 900 mm in anno) sunt. In oriente apud confinium Sudanense iterum siccus campus raris pluviis est. In austrooriente territorim descendit in Alveum Denacili (demississimum punctum Erythreae 116 m sub aequore maris invenitur), qui pars amplae Austroafricanae fossae est.

Territorium Erythreae in subtropica climatica zona patet, condiciones climatis e supra maris libra pendent. Regio circa principalem urbem in altitudine 2 300 m mediam teperaturam 16 gradus Celsii in anno habet et circiter 500 mm imbrium. Apud Masavam in litore Maris rubri mediae temperaturae in anno 30 gradus Celsii sunt (hic maxima media temperatura in mundo mensa est) et imbres circa 200 mm. Condiciones temperaturarum et imbrium prope occidentale confinium similes sunt condicionibus apud litus. Clima duo tempora anni efficit - tempus pluviarum a Iunio ad Augustum et siccum tempus in restanti anno.

Saltus Filphila 25 chm distans ad austrooccidentem a Masava versus

Zonae germinationis (herbarum) etiam e supra maris libra dependent. Maritimi regiones (tota orientali parte respublicae adiuncta, in orientem ab urbibus Adiceia et Senaphe) deserta loca paene tegmine herbarum carentes sunt, aspreta et boreooccidente praeter limitem Sudaniae porriguntur. Meditullium versus deserta transcendunt in gramineam savanam, quae plerumque spatium occidentalis partis respublicae format. Altius posita terra in montibus mediae partis respublicae at ad orientem a fluvio Gaso (Gash in Anglica transscriptione) versus praevalente modo fruticibus tecta est. Silvae tantum in humidissimis locis inveniuntur - in montibus septentrionem versus ab Asmera et prope Erythrae atque Aethiopiae limitem austrum versus a fluvio Tacesis (Takeze).

[recensere] Incolae

E visu anthropologiae incolae ad transitivum genus inter albam et nigram stirpem hominum. Dividitur in novem ethnicos globos, inter quos Tigrinica (48% incolarum) et Tigraea (35% incolarum) praevalet. E visu linguistico tres globi distinguuntur - Semiticus (Tigrinia et Tigrenica, quibus loquendo summatim 83% incolarum utuntur) in occidentali et centrali parte respublicae, Niloticus (5%) in austrooriente, Chusiticus (11% incolarum) in oriente. Septentrionale litus atque insulas Arabice loquentes sedem habent.

Religio: praevalentes religiones Christianitas et Islamitas sunt, utramque 50% incolarum colunt. Plerique Christiani ad Erythraeam orthodoxam ecclesiam pertinent, etiam parvi globi catholicorum et evangelicorum sunt. Musulimi praevalente numero ad sunniticum ramum pertinent. Cultorum religionum originalium Africanarum pars minima est. Controversiae religionum in terra desunt.

Dispositio aetatis incolarum descriptioni terrarum progredientium congruit: 45% incolarum minores 14 annis sunt, media longitudo vitae virorum est 51,1 anni, mulierum 53,2 anni. Naturale incrementum populationis per annum circiter 2,5% facit, tota fertilitas est 5,61 infantis pro muliere, mortalitas infantium ad 75 millesimas est. In oppidis urbibusque 19% incolarum vivunt. Sumptus curae valetudinis anno 2005o fuerunt 2,5% GDP (Anglice est). AIDS habentium numerus est 60 000 adultorum, quod 2,5% incolarum sunt. In litoralibus regionibus et in occidentalibus campis et in circumjacentibus urbis Cerenis malaria se extendit. Publica cura valetudinis praesertim in Asmara praebitur, in aliis partibus respublicae paene inaccessa est.

[recensere] Historia

[recensere] Antiquum et medium et maturum novum aevum

Quinto centennio ante Christum natum in pleraque parte hodiernae Erythraeae erat regnum in Axumo (hodie in septentrionali Aethiopia) centrum habens, quod in peninsula Arabica originem habentes condiderunt. Primo centennio post Christum natum ejus vis crevit et sibi subjecit territoria in peninsula Arabica ac regiones septentrionalis Athiopiae. Secundo dimidio quarti centennii Christianitas religio respublicae recepta est. Septimo centennio regnum propter vim Araborum imperii collabi incepit (oeconomica segregatio) et in montanum meditullium Aethiopiae repellebatur. Axumici reges originem suum e rege Davido et Salomono et regina a Saba trahebant. Ultima aetas parum notum est, ferme decimo centennio imperatoribus e dynastia Sague (Zagwe) orientem habentibus in regione montium Aethiopiae succubitum est. Ab eo tempore usque ad 19um centennium occidentalis pars Erythraeae magis minusve solutum membrum erat imperiorum Aethiopiae, quorum imperatores potestativam ideam regum Axumi susceperunt. 1520o anno occidentali litore Erythreae Lusitani potiti sunt, medio centennio a Turcis successi sunt etiam in parvum tempus. Orientalis part Erythraeae manebat sub potestate variorum parvorum islamicorum regnorum, quorum notabilissimum sultanatus Adal (1520-1660) fuit.

Africa — Civitates