Saint Lucia
Frå Wikipedia – det frie oppslagsverket
|
|||||
| Nasjonale motto: The Land, The People, The Light (Landet, folket, lyset) |
|||||
 |
|||||
| Offisielle språk | Engelsk | ||||
| Hovudstad | Castries | ||||
| Styresett Dronning
Statsminister |
Monarki Elizabeth II Kenny Anthony |
||||
| Flatevidd - Totalt - Andel vatn |
616 km² (193.) 1,6 % |
||||
| Folketal - Estimert (2005) - Folketeljing (—) - Tettleik |
166 312 (174.) — 270/km² (29.) |
||||
| Sjølvstende - Dato |
Frå Storbritannia 22. februar 1979 |
||||
| BNP - Totalt (2005) - Per innbyggjar |
985 mrd. USD (169.) 5 516 USD (99.) |
||||
| Valuta | Austkaribisk dollar (XCD) | ||||
| Tidssone | UTC -4 | ||||
| Nasjonalsong | Sons and Daughters of Saint Lucia | ||||
| Nasjonaldag | 22. februar | ||||
| Internasjonal telefonkode | +1-758 | ||||
| Nasjonale toppdomene | .lc | ||||
Saint Lucia er ein øystat i dei små Antillane i det karibiske havet som ligg nord for Saint Vincent og Grenadinane og sør for Martinique. Hovudstaden Castries er bygd opp rundt ei fin naturleg hamn.
Innhaldsliste |
[endre] Historie
Arawakar slo seg ned på øya på 200-talet, som gradvis blei fortrengde av karibar. Desse kalte øya «Iouanalao» og «Hewanorra», som tyder 'iguanaøya'.
Den første europearen som slo seg ned på øya var sjørøvaren Francois le Clerc, som tok henne som base på 1550-talet. Nederlenderane bygde ein festning på Vieux Fort rundt 1600.
Gjennom heile 1600-talet og ved byrjinga slost England og Frankrike om øya, som skifta eigar 14 gonger. Storbritannia sat til slutt igjen som vinnar i 1814. Då slaveriet blei oppheva i 1838 blei 13.000 menneske frigjevne.
Saint Lucia var ein provins i den kortliva Vestindiske føderasjonen frå 1958 til 1962. Landet fekk sjølvstyre i 1967 og fullt sjølvstende i 1979.
[endre] Klima og miljø
Øya har eit tropisk klima mildna av passatvindane. Regntida varer frå mai till august. Orkanar og vulkansk aktivitet er vanlege trugsmål frå naturen.
Det finst fleire fjell her enn på mange andre karibiske øyar. Mount Gimie er den høgaste toppen, 950 m.o.h. Dei to Pitonane er betre kjende landemerke og symbol på øya. Dei ligg like utanfor Soufrière i vest. I Soufrièr finst òg ein av dei få vulkanane i verda ein kan køyra inn i.
Naturressursar er regnskog, sandstrender og pimpstein. Nokre særskilde dyreartar er papegøyen saintluciaamazon (Amazona versicolor) og saintluciatrupial (Icterus laudabilis).
Erosjon som følge av avskoging er eit av miljøproblema på øya, særleg i nord. All elektrisitet blir laga av fossile drivstoff. Saint Lucia har skrive under på, men ikkje ratifisert Kyotoprotokollen.
[endre] Økonomi
Bananindustrien er særs viktig for Saint Lucia, men endra inførselsregler til EU og auka konkurranse frå Latin-Amerika har gjort det nødvendig for landet å finna andre næringsvegar. Det har lukkast i å lokka til seg utanlandske investeringar, særleg innan bankverksamheit og turisme. Saint Lucia har òg den mest varierte produksjonsindustrien i austre Vest-India.
[endre] Innbyggjarar
Gjennomsnittsalderen er 24,1 år (2002). Språka på øya er engelsk og fransk kreol.
Rundt 90% av lucianarane er katolikkar, 3% er anglikanarar medan 7% tilhøyrer ulike protestantiske retningar.
Saint Lucia har den høgaste delen nobelprisvinnarar i høve til folketalet. Øya har produsert to vinnarar, Arthur Lewis som fekk økonomiprisen i 1979, og Derek Walcott som fekk litteraturprisen i 1992.
