Ŝintoismo
El Vikipedio
Ŝintoo estas la indigena religio de Japanio. La nomo signifas "La vojo de la dioj" (japane -to egalas al la ĉina -tao en taoismo. Oni komencis uzi la nomon nur kiam la budhismo - japane butsu-to, "La vojo de la Budho", atingis Japanion; ĝis tiam, la religio estis sennoma.
La ŝintoismon oni povas priskribi kiel formo de animismo. Grava estas la kulto de naturaj animoj, japane kami, el kiuj tre grava estas la sundiino Amaterasu.
Hodiaŭ, la ŝintoismo konsistas el multaj sektoj, el kiuj la plej bone konata inter esperantistoj estas Oomoto. En Brazilo, ŝintoisma "Mesiisma Eklezio" estas tre konata. Ĝis la dua mondmilito, unu formo de ŝintoismo estis ŝtatreligio en Japanio. En la ŝtata ŝintoismo tre gravis la kultu de la imperiestro (japane tenno), rigardata kiel dio ĝis la imperiestro Hirohito devis rezigni pri tiu titolo post la kapitulacio en 1945.
