Premios Ondas

Na Galipedia, a wikipedia en galego.

Os Ondas son uns premios concedidos anualmente pola emisora Radio Barcelona (pertencente á Cadena SER) desde 1953 e que recoñecen ós profesionais, empresas e traballos nacionais e internacionais máis destacados dentro dos ámbitos da radio, televisión, publicidade, cine e música.

[editar] Historia

O nacemento deste galardón celebrouse xunto co 30º aniversario de Radio Barcelona e xurdiu coma un prestixioso recoñecemento para as persoas que traballan na comunicación.

O seu antecedente foi o Concurso Anual de Guións que tamén convocaba a SER e cuxa primeira edición tivo lugar en 1953. Estaban patrocinados pola desaparecida revista Ondas que, daquela, anunciou a aparición dos galardóns da radio a partir de 1954 e cada 14 de novembro.

[editar] Gala de entrega

Trátase duns galardóns moi prestixiosos en España que se entregan nunha gala con actuacións musicais e que adoita ser retransmitida polas emisoras e canles televisivas do grupo PRISA, ó que tamén pertence a propia Cadena SER.

Esta gala estivo conducida nos últimos anos polos dous xornalistas máis representativos da Cadena SER, Gemma Nierga e Iñaki Gabilondo, que nas últimas edicións (desde que deixara a radio para fichar pola canle Cuatro onde presenta informativos) foi substituído por Carles Francino.

[editar] Premiados

Entre os numerosos premiados nas distintas categorías están, entre outros moitos, profesionais coma:

• Os comunicadores Laura Valenzuela, Jesús Álvarez, Tico Medina, Jesús Puente, Narciso Ibáñez Serrador, José Luis Uribarri, Joaquín Prat, José María Íñigo, Miguel de la Quadra Salcedo, Jesús Hermida, Rosa María Mateo, Eduardo Sotillos, Julia Otero, Pilar Miró, Olga Viza, Fernando Delgado, María Teresa Campos ou Mercedes Milá

• Os músicos Luz Casal, Maná, Joaquín Sabina, Hevia, Dover, Montserrat Caballé, Ketama, Los del Río, Mecano, Presuntos Implicados, Gloria Estefan, Miguel Bosé, El último de la fila, Los Rodríguez, Rosario Flores, Julio Iglesias, Ana Belén e Víctor Manuel, Jarabe de Palo, Alejandro Sanz, Carlos Núñez, La Oreja de Van Gogh, Amaral, Rosana Arbelo, Marta Sánchez, Juanes, David Bisbal ou Álex Ubago.

• Os directores de cine Antonio Mercero, Imanol Uribe, Isabel Coixet, Alejandro Amenábar, José Luis Borau, Miguel Albaladejo ou Vicente Aranda

• Os actores Fernando Guillén, Gemma Cuervo, Mary Carrillo, José Luis Coll, Victoria Abril, Javier Bardem, Penélope Cruz,Carmelo Gómez, Ruth Gabriel, Candela Peña, Emma Suárez, Álex Angulo, Javier Cámara, Lina Morgan, Antonio Ferrandis, Adriana Ozores, Fernando Fernán Gómez, Paz Vega, Natalia Verbeke, Sancho Gracia ou Marisa Paredes.

E producións coma:

• Os programas de televisión Telediario, Estudio 1, A toda plana, Un, dos tres...Responda otra vez, Crónicas de un pueblo, Informe Semanal, Aplauso, La bola de cristal, ¡Qué noche la de aquel año!, Viaje con nosotros, Su media naranja, Hablemos de sexo, VIP Noche, Cifras y letras, Inocente, inocente, Esta noche cruzamos el Mississippi, Lo + plus, La mandrágora, Madrid Directo, Caiga quien caiga, El club de la comedia, La cosa nostra, Crónicas marcianas, El informal, La noche con Fuentes y cía, Operación Triunfo, Me lo dices o me lo cuentas ou La 2 noticias.

• As series Curro Jiménez, Fortunata y Jacinta, Los gozos y las sombras, Farmacia de guardia, Médico de familia, Todos los hombres sois iguales, Compañeros, Periodistas (serie de televisión), Siete Vidas, Al salir de clase, Cuéntame cómo pasó, Los Serrano, Aquí no hay quien viva ou Hospital Central.

• As películas Cómo ser mujer y no morir en el intento, de Ana Belén, La ardilla roja de Julio Medem, Nadie hablará de nosotras cuando hayamos muerto, de Agustín Díaz Yanes, El día de la bestia de Álex de la Iglesia, Secretos del corazón, Todo sobre mi madre de Pedro Almodóvar, Los otros de Alejandro Amenábar, Os luns ó sol de Fernando León de Aranoa, Te doy mis ojos de Iciar Bollaín, Mar Adentro de Alejandro Amenábar, Princesas, de Fernando León de Aranoa.