Tero
From Wikipedia
| Gramatikala revizo bezonata |
Tero esas la triesma planeto en la sunala sistemo.
- maso: 5.976.000.000.000.000 milioni tuni.
- surfaco: 510.069.300 km2.
- volumino: 1.083.219 milioni km3.
- radiuso che equatoro: 6.378.160 m.
Tero ne esas totale ronda (ma geoida), pro ke la diametro che equatoro esas 12.756.320 m e la longeso dil axo esas 12.713.549 m. Maxim granda “retrakto” esas en suda parto dil globo che Antarktika. La retrakto che polari esas 1 : 298,25 (= 0,003.352.92).
La rotaco-rapideso di Tero che equatoro esas 465 m/s (1.674 km/h), e la rapideso en l’ orbito esas 29,79 km/s (107.240 km/h).
Geologiale Tero esas ankore yuna. La temperaturo di sulo kreskas un Celsius-grado po 32 m venante plu profunde en Tero. Bolio-punto (100 ˚C) esas atingita en profundeso di 3.000 m, e varmegeso di 1.200 ˚C esas en profundeso di 50 km. Ibe mem la roko laxeskas. En la centro di Tero la temperaturo esas c. 5.500 ˚C (quale en la surfaco di Suno).
L’ atmosfero kontenas nitro (78,084 %), oxigeno (20,946 %), argono (0,934 %) e karbodioxodo (0,033 %).
