Yethow germanek

Dhiworth Wikipedia, an godhoniador rydh

Teylu a yethow eyndo-europek yw an yethow germanek. Sowsnek yw an esel moyha kewsys a'n teylu ma; mes yma gans almaynek poes arbennik yn Europa ynwedh. Gnas poesek an bagas ma yw Lagha Grimm, h.y. treylyans a'n sonyow proto-eyndo-europek *p *t *k dhe f þ x, *b *d *g dhe p t k, ha *bh, *dh, *gh dhe b, d, g.

Y kewsir an yethow ma oll yn Europa, saw Afrikaans (kewsys yn Afrika Deghow ha nebes powyow erell yn deghowbarth Afrika). Mes yma'n niver brassa a sowsnegoryon owth omgavoes yn Amerika Gledh (yn arbennik y'n Statys Unys ha Kanada). Dhe wir, yma sowsnegoryon Amerika Gledh ow kul moyhavriv a dus ow kowsel yethow germanek.

Ottomma an klasyans usadow a'n yethow y'n teylu ma:

• Germanek
  • Germanek West
    • Sows-Frisek: Sowsnek, Skots, Frisek
    • Germanek West Brastiryel: Almaynek, Iseldiryek, Afrikaans, Is-Almaynek, Luksembourgek, Yedhowek
  • Germanek North
    • Germanek North Brastiryel: Swedek, Danek, Norvegek
    • Germanek North Ynysek: Islandek, Faroyek
  • Germanek Est: Gothek, Vandalek