Punesch Kricher
Vu Wikipedia, der fräier Enzyklopedie.
 |
Dëse Geschichtsartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
Als Punesch Kricher bezeechent een déi dräi Kricher, déi tëscht Karthago a Roum vun 264 bis 146 viru Christus ausgedroe goufen. D'Karthager, och Punier genannt, sinn d'Phönizier.
Inhaltsverzeechnis |
[Änneren] Éischte Punesche Krich (264-241 v. Chr.)
Den éischte Punesche Krich gouf laangfristeg ausgeléist duerch de Sträit vun de Réimer, déi hier Söldnerarméi op dem Festland agesat hunn, an de Karthager, déi op d'Schëfffahrt spezialiséiert waren. Griichen hu sech op Sizilien vill Jore virdrun niddergelooss. Zu Messina koum et zu Problemer tëscht de Griichen. Déi eng hunn d'Réimer zu Hëllef geruff, déi aner d'Karthager.
260 v. Chr.: Bis zu deem Zäitpunkt haten d'réimesch Genereel hier Legiounen ni baussent Italien gefouert. Mee dunn hu se d'Awunner vu Syracus, Alliéierter vun de Karthager, besiigt. Op der anerer Säit hunn d'Karthager um Mëttelmier mat hiere Schëffer geglänzt. D'Réimer, di ni mat Schëffer an de Kampf gaang waren, hunn entschloss lo awer Schëffer ze bauen. Als Modell hu se e Schëff vun de Karthager geholl, wat enges Daags u réimeschen Territorium gespullt gouf. D'Réimer hun honnert dëser Schëffer gebaut; als Erfindung vun hinnen koum de sougenanntene corvi (Kueb) dobai. D'Kueben ware Passerellen mat enger laanger Pick op der enneschter Säit. Sou konnt e Schëff betratt ginn. De Konsul Caius Duilius huet dunn e grousse Kampf gemaach an huet dobäi 60 Schëffer vun de Karthager "um Schlawitche" geholl an zerstéiert. Als Erënnerung un dës Victoire hun d'Réimer eng Siegessäil um Forum opgeriicht.
255 v. Chr.: Duerno hunn d'Senatoren di zwéi Konsule Regulus a Manlius an Afrika geschéckt. No enger grousser Victoire huet den Manlius vill Krichsgefaangener a vill erbeitet Saachen op Roum geschéckt. Aus de Gefaangene goufe wuel Sklaven, sou wéi dat an der réimescher Zivilisatioun üblech war. Elo ass et de Karthager duer gaang: Si hunn e berühmtene Krichschef, de Griich Xanthippus, em Hëllef gefrot. Hien huet d'Truppen mat grousser Wäisheet gefouert. Elefante waren genee wi am zweete Punesche Krich och mat vun der Parti. D'Réimer hunn et mat der Angscht ze di kritt beim Ubléck vun deene riisegen Déckhäiter. Net vill Leit hunn iwwerlieft, souguer de Regulus gouf gefaang geholl.
An dat war och irgendwéi gutt: D'Karthager soten him, hie soll op Roum goen an als Ambassadeur virun de Senat goen. Falls d'Réimer all gefaange Karthager géife fräi loossen, sou wier hie selwer fräi an e kéint zréck an Italien. Mee hie misst zréck op Karthago kommen, a wann d'Réimer net jiddfer Karthager géife fräi loossen, da géif hien op éiweg selwer Gefaange bleiwen. De Regulus huet geschwuer, mee sou bal hien zu Roum war, huet en zu de Senatore gesot, se dieften d'Karthager net fräi loossen, well et si jonk Menschen a gutt Krichscheffen. Allerdings wier hie schonn en ale Mann. Hie misst zréck op Karthago, well hien dat geschwuer hat. Weder d'Léift zur Heemecht nach déi zur Fra oder d'Wieeder vun den Elteren konnten hien emstëmmen. Zréck an Afrika gouf hien ermuerd. Wéineg Leit haten sou vill Courage wéi hien.
241 v. Chr.: De Konsul Caius Lutatius huet dunn e Séikampf bei den Iles Egates, déi an der Géigend vu Sizilien leien, engagéiert. Victoire vun de Réimer war de Schluss vun dem éischte Punesche Krich no 24 Joer. Karthager hu kapituléiert, a Sizilien souwéi 80 Tonne Sëlwer un d'Réimer ofginn.
Zur finanzieller Verwaltung vun dëser neier Insel hunn d'Réimer Zöllner agesat. Déi hunn d'Inselbewunner wuel ausgequetscht: Si hunn de Bewunner vill méi héich Zomme gefrot, wéi se u Roum missten am Fong ginn. Doduerch hunn di Zöllner sech eng gëlle Nues verdingt. Dunn suergt en Opstand vun de Söldner zu Karthago fir Onfridden. Roum profitéiert, besetzt Sardinien a Korsika a kasséirt och nach 30 weider Tonne Sëlwer. Karthago sicht dofir Ersatz a Spuenien. Den Lutatius-Traité trennt d'Interessegebitter. Alles ënnerhalb dem Ebro war also Gebitt vun de Karthager. Allerdings war dëst Bündnis illegal, well d'Réimer hunn am zweete Punesche Krich dem Hannibal virgeheit, hien hätt géint den Traité verstouss wi en Sagunt ageholl huet. Mee Sagunt läit däitlech ennert dem Ebro. Dat war de Grondsteen fir den zweete Punesche Krich.
[Änneren] Zweete Punesche Krich
Am Fréijoer 217 v. Chr. koum et zur Schluecht beim Trasimeno-Séi, bäi deer de karthagesche Feldhär Hannibal d'Réimer geschloen huet.
