UEFA

Vu Wikipedia, der fräier Enzyklopedie.

D'UEFA (rout) ass eng vun de sechs Konfederatioune vum Weltfoussballverband FIFA

D'Union des associations européennes de football, op englesch Union of European Football Associations (UEFA), ass d'Konfederatioun vun de nationale Foussballfederatiounen an Europa. D'UEFA groupéiert 53 national Federatiounen (Stand 2007) an huet, nieft administrativen a representativen Aufgaben, fir d'Entwécklung vum Foussball op europäeschem Plang ze suergen.

Si arrangéiert europawäit Kompetitioune fir Clibb an Nationalequipen an huet d'Kontroll iwwert d'Reglementer an d'Medierechter vun de jeeweilegen Evenementer.

D'UEFA ass eng vun de gréissten a stäerkste kontinentale Konfederatioune vun der FIFA. Bei der Weltmeeschterschaft 2006 an Däitschland ware 14 vun 32 Plaze fir europäesch Equipe reservéiert. Vun de Finanzen hir ass se déi di bei wäitem am beschte gestallt ass a si huet an der Geschicht vum Weltfoussball zum dacksten och d'Richtung am Sport virginn.

D'UEFA gouf de 15. Juni 1954 zu Basel an der Schwäiz op Initiativ vun de Verbänn aus Frankräich, der Belsch an Italien gegrënnt. Bis 1959 hat se hire Sëtz zu Paräis, dono dunn zu Bern. Zënter 1995 ass de Verwaltungssëtz zu Nyon an der Schwäiz.

Inhaltsverzeechnis

1 Organisatioun
- 1.1 Presidenten
- 1.2 Missioun
2 Memberen
3 Kompetitiounen
- 3.1 Fir Nationalequipen
- 3.2 Fir Veräinsequipen
4 Um Spaweck

[Änneren] Organisatioun

D'UEFA ass eng nom schwäizer Code Civil registréiert Associatioun. Si ass op politeschem a reliéise Plang neutral. Offiziell Sprooche sinn englesch, franséisch an däitsch.

Zënter dem 26. Januar 2007 ass de Michel Platini President vun der UEFA. Aktuelle Generaldirekter ass de Schwed Lars-Christer Olsson.

[Änneren] Presidenten

De President vum europäesche Foussballverband ass automatesch och Vizepresident vum Weltfoussballverband FIFA.

UEFA Presidente bis haut:

1954 - 1962 : Ebbe Schwartz (Dänemark)
1962 - 1972 : Gustav Wiederkehr (Schwäiz)
1972 - 1973 : Sándor Barcs^[1] (Ungarn)
1973 - 1983 : Artemio Franchi (Italien)
1983 - 1984 : Jacques Georges^[1] (Frankräich)
1984 - 1990 : Jacques Georges (Frankräich)
1990 - 2007 : Lennart Johansson (Schweden)
2007 - : Michel Platini (Frankräich)

↑ ^1.0 ^1.1 Interimspresident

[Änneren] Missioun

Zu den an de Statuten definéierten Aufgaben an Ziler vun der UEFA gehéieren ë.a.:

Gutt Kompetitioune fir de Beruffs-, Junioren-, Fraen-, an Amateursfoussball z'organiséiren.
Dofir ze suergen, datt, ouni Diskriminéierung vu Geschlecht, Relioun oder Rass, nach méi Leit Zougang zum Foussball fannen.
Kommerzielle Succès a gesond Finanze sécherzestellen, ouni d'sportlech Qualitéit vun de Kompetitiounen aus den Aen ze verléieren.
De Revenue vun der UEFA an de Foussball ze reinvestéieren, respektiv ëmzeverdeelen.
De Federatiounen Hëllef an Ënnerstëtzung unzebidden.
Sech fir positiv sportlech Wäerter wéi Fair-Play an Anti-Rassismus anzesetzen an d'Sécherheet am Stadionëmfeld ze garantéieren.
Als representativ Stëmm vun der europäescher Foussballfamill ze handlen.
Gutt Relatiounen zu deenen anere kontinentale Verbänn an der FIFA opzebauen a bäizehaalen.
Am Interesse vun de Foussballspiller an hire Fans ze handlen.

[Änneren] Memberen

An der UEFA sinn 53 national Federatioune vertrueden. Allgemeng kann all Federatioun Member ginn déi an engem vun der UNO unerkannten europäesche Staat enregistréiert ass a Kompetitiounen organiséiert. Groussbritannien ass beispillsweis mat véier Federatioune vertrueden (England, Schottland, Nordirland a Wales).

Bei muenche Memberen, déi reng geographesch net zum Kontinent gehéieren, goufen dogéint, mam Accord vun der FIFA, Ausname gemaach. Et sinn dat: Israel, Zypern, Armenien, Georgien, d'Tierkei, Kasachstan, Russland an Aserbaidschan.

Israel a Kasachstan waren uganks Member an der Asiatescher Foussballkonfederatioun (AFC), Zypern hat de Choix tëscht de Konferderatioune vun Europa, Asien an Afrika.

An der Läscht dobäi komm ass Montenegro (2007, nodeems et de gemeinsame Staat mat Serbien net méi gëtt). D'Federatioun vu Gibraltar, eng vun den eelste Foussballfederatiounen iwwerhaapt, ass bis ewell nëmme provisoresche Member.

D'FLF ass vun Ufank un an der UEFA affiliéiert gewiescht (15. Juni 1954).

Lëscht vun de Federatiounen déi Member sinn:

Land	Numm vun der nationaler Federatioun
Albanien	Federata Shqiptare e Futbollit (FSHF)
Andorra	Federació Andorrana de Futbol (FAF)
Armenien	Football Federation of Armenia (FFA)
Aserbaidschan	Azərbaycan Futbol Federasiyaları Assosiasiyası (AFFA)
Belsch	Koninklijke Belgische Voetbalbond (KBVB) / Union royale belge des sociétés de football association (URBSFA)
Bosnien Herzegowina	Nogometni/Fudbalski Savez Bosne i Hercegovine (NFSBiH)
Bulgarien	Bulgarski Futbolen Sojus
Däitschland	Deutscher Fußball-Bund (DFB)
Dänemark	Dansk Boldspil-Union (DBU)
Éisträich	Österreichischer Fußballbund (ÖFB)
England	The Football Association (FA)
Estland	Eesti Jalgpalli Liit (EJL)
Färöer	Fótbóltsamband Føroya (FSF)
Finnland	Suomen Palloliitto (SPL)
Frankräich	Fédération Française de Footbal (FFF)
Georgien	Georgian Football Association (GFF)
Griicheland	Hellenic Football Federation (HFF)
Irland	Football Association of Ireland (FAI)
Island	Knattspyrnusamband Íslands (KSI)
Israel	Israel Football Association (IFA)
Italien	Federazione Italiana Giuoco Calcio (FIGC)
Kasachstan	Football Union of Kazakhstan
Kroatien	Hrvatski nogometni savez (HNS)
Lettland	Latvijas Futbola Federācija (LFF)
Lëtzebuerg	Fédération Luxembourgeoise de Football (FLF)
Liechtenstein	Liechtensteiner Fußballverband (LFV)
Litauen	Lietuvos Futbolo Federacija (LFF)
Malta	Malta Football Association (MFA)
Mazedonien	Fudbalska Federacija na Makedonija (FFM)
Moldawien	Federaţia Moldovenească de Fotbal (FMF)
Montenegro	Fudbalski Savez Crne Gore (FSCG)
Holland	Koninklijke Nederlandse Voetbalbond (KNVB)
Nordirland	Irish Football Association (IFA)
Norwegen	Norges Fotballforbund (NFF)
Polen	Polski Związek Piłki Nożnej (PZPN)
Portugal	Federação Portuguesa de Futebol (FPF)
Rumänien	Federaţia Română de Fotbal (FRF)
Russland	Rossijski Futbolni Sojus (RFS)
San Marino	Federazione Sammarinese Giuoco Calcio (FSGC)
Schottland	The Scottish Football Association (SFA)
Schweden	Svenska Fotbollförbundet (SFF)
Schwäiz	Schweizerischer Fussballverband (SFV)
Serbien	Fudbalski Savez Srbije (FSS)
Slowakei	Slovenský futbalový zväz (SFZ)
Slowenien	Nogometna zveza Slovenije (NZS)
Spuenien	Real Federación Española de Fútbol (RFEF)
Tierkei	Türkiye Futbol Federasyonu (TFF)
Tschechesch Republik	Českomoravský Fotbalový Svaz (ČMFS)
Ukrain	Federazija Futbolu Ukrajiny (FFU)
Ungarn	Magyar Labdarúgó Szövetség (MLS)
Wäissrussland	Belarus Football Federation (BFF)
Wales	Football Association of Wales (FAW)
Zypern	Cyprus Football Association (CFA)

[Änneren] Kompetitiounen

D'UEFA organiséiert eng sëllege Kompetitioune fir d'Veräins- an Nationalequipen:

[Änneren] Fir Nationalequipen

Nieft de Qualifikatioune fir d'Foussballweltmeeschterschaft vun de Fraen a Männer sinn dat:

Foussball-Europameeschterschaft
Fraefoussball-Europameeschterschaft
U-21-Foussball-Europameeschterschaft
U-19-Foussball-Europameeschterschaft
U-17-Foussball-Europameeschterschaft
U-19-Fraefoussball-Europameeschterschaft
Meridian Cup (fir europäesch an afrikanesch U17-Equipen, gëtt zesumme mat der afrikanescher Konfederatioun CAF organiséiert)
Futsal-Europameeschterschaft
UEFA-Merill-Cup
UEFA-Invasion-Cup
UEFA-Super-Merill-Cup

Scène aus der UEFA-Coupefinall vun de Fraen (2005)

[Änneren] Fir Veräinsequipen

UEFA Champions League (Virgängerkompetitioun bis 1991 war den Europapokal vun de Landesmeeschter)
UEFA-Pokal
UI-Cup
Supercup
UEFA Women's Cup
UEFA-Futsal-Cup