Amérika Sarékat

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

United States of America

(Bendera A.S.) (Lambang A.S.)
Motto (1776 - ): E Pluribus Unum (basa Latin: "Saka akèh dadi siji") (1956 - ): In God We Trust (basa Inggris: "Kita Pasrah Marang Gusti")
Basa resmi	Basa Inggris
Ibu kutha	Washington, DC
Kutha paling gedhé	New York City
Presidhen	George W. Bush
Wilayah  - Total  - % banyu	Urutan kaping 4 9.826.630 km² 4,875%
Pedunung  - Total (2004)  - Kapadhetan pedunung	Urutan kaping 3 293.027.570 32/km²
Kamardikan  - Proklamasi  - Diakoni	Perang Revolusi A.S. 4 Juli 1776 3 September 1783
PDB  - Total (2003)  - PDB/kapita	Urutan 1, 1, 2, 7 $13.049 trilyun ([1]) $36.010
Valuta	Dolar AS (US$)
Zona wektu	UTC -5 nganti UTC -11
Lagu kabangsan	"The Star-Spangled Banner"
TLD	.gov, .edu, .mil, .us, .um
Kodhe telpon	+1

Amérika Sarékat (basa Inggris United States of America) utawa biasané dicekak dadi AS iku sawijining negara fédheral sing wilayahé ana ing Amérika Lor lan Oséania. Ditilik saka pedunungé, negara iki sing paling gedhé kaping telu sadonya sawisé Republik Rakyat Cina lan India. Ibu kutha Amérika Sarékat ya iku Washington, DC. Amérika Sarékat iku negara adidaya. Negara fédheral iki kasusun saka 50 negara bagéan. Saka 50 negara bagéan iki, loro papané ana ing dharatan, banjur siki minangka eksklave ing sisih lor lan siji iku dhaérah kapuloan. Saliyané iku Amérika uga nduwé jajahan: Puerto Riko, Guam, Samoa Amerika, Kapuloan Mariana Lor, lan Kapuloan Virgin.

Amérika Sarékat nduwé pedunung 300 yuta jiwa.

Bab lan Paragraf 1 Politik 2 Pamérangan administratif 3 Geografi 4 Uga delengen 5 Pranala jaba 5.1 Situs resmi pamaréntah 5.2 Liya-liya

[sunting] Politik

Artikel utama: Politik ing Amérika Sarékat

Amérika Sarékat kuwi negara dhémokrasi konstitusional kanthi sistem three-tier lan institusi kehakiman kang bebas. Ana telung tataran yaiku tataran nasional, negara bagéan lan pamaréntahan lokal yang duwèni badan legislatif sarta eksekutif kanthi bidhang kuwasa dhéwé-dhéwé. Negara iki migunakaké sistem persekutuan utawa federalisme yakuwi arupa pambagéan kakuwasan ing antara negara pusat lan negara bagéan. Negara pusat kuwasa marang sawetara prakara kayata pancithakan dhuwit sarta kawicaksanan pertahanan. Nanging, negara-negara bagéan kuwasa nemtokaké hak lan undhang-undhang dhéwé-dhéwé kayata hak ngguguraké bayi lan ukuman maksimal jroning undhang-undhang.

Siji elemen kang cetha ing Amérika yaiku doktrin pambagéan kuwasa. Pasal 1 nganti 3 Konstitusi Amérika, wis nggarisaké sacara rinci bab kuwasa-kuwasa Negara kang utama yaiku eksekutif, legislatif dan kehakiman. Checks and Balances utawa kontrol lan kaseimbangan minangka siji ciri utama jroning negara Amérika lan bab iki komplit banget saéngga ora ana siji cabang negara kang duwé kuwasa mutlak kanggo ngawal cabang kakuwasan liyané.

Ing negara iki kabèh rakyat kang umuré wis ngancik 18 taun duwé hak milih. Pemilu kanggo pamilihan presiden dianakaké saben patang taun sepisan lan kang pungkasan yakuwi ing sasi November 2004.

Saliyané Pemilu kanggo milih presidhèn, ana uga Pemilu paruh wektu, kang dianakaké ing pertengahan mangsa jabatan presidhèn. Jroning pemilu iki kang dipilih dudu presidhènn nanging kabèh anggota Dewan Perwakilan lan saprotelon senator saka saben negara bagéan. Pemilu iki pungkasan dianakaké ing tanggal 7 November 2006.

[sunting] Pamérangan administratif

Artikel utama: Negara-negara bagéan Amérika Sarékat

Nalika nyatakaké kamardikan Amérika Sarékat, telulas koloni owah dadi negara-negara bagéan. Wiwitané negara-negara bagéan iki nyawiji minangka sawijining persekutuan nanging banjur dadi negara kang nyawiji. Taun-taun sabanjuré, cacahing negara bagéan tansaya tambah kanthi mlebuné negara-negara bagéan ing tlatah kulon, panukon lemah lan pamekaran sawetara negara-negara bagéan kang wis ana. Saben negara bagéan dipérang jroning counties (kayadéné kabupaten), cities (kayadéné kuthamadya utawa kutha otonom) lan townships (kayadéné kacamatan).

Amérika Sarékat uga nduwèni dhaerah federal, Washington DC, lan tanah jajahan kayataPuerto Riko, Samoa Amérika, Guam lan Kapuloan Virgin.

[sunting] Geografi

Artikel utama: Geografi Amerika Serikat

Amérika Sarékat kuwi negara paling gedhé nomer-3 ing donya. Kahanan geografiné manéka warna banget:

• Ana padhang suket ing pesisir wétan,
• Pegunungan Appalachian
• Great Plains ing sisih tengah,
• Kali Mississippi-Missouri,
• Pagunungan Rocky ing bagéan kulon
• Gurun lan wilayah pesisir ing kuloné Pagunungan Rocky
• Alas udan ing Pasifik kidul-kulon
• Dhaerah Arktik utawa kutub, ing Alaska
• Pulo gunung geni ing Hawaii

Uga duwèni iklim werna-werna gumantung kahanan geografis, wiwit saka iklim tropis (panas lan garing ing mangsa panas, anget ing mangsa anyep) ing Florida nganti tundra (anyep sadawaning taun) ing Alaska. Sebagéan negara iki nduwèni mangsa panas kang anget lan mangsa salju kang amyep. Sawetara bagéan AS, kayata bagéan California, nduwèni iklim Mediterrania.

[sunting] Uga delengen

• Daftar tokoh Amérika Sarékat
• Daftar negara

[sunting] Pranala jaba

[sunting] Situs resmi pamaréntah

• (en) Situs resmi
• (en) Gedung Putih
• (en) Senate.gov
• (en) House.gov
• (en) Supremecourtus.gov
• (en) Usinfo.state.gov
• (en) Badan statistik Amerika

[sunting] Liya-liya