കുഞ്ഞാലി മരക്കാര്‍

വിക്കിപീഡിയ, ഒരു സ്വതന്ത്ര വിജ്ഞാനകോശം.

കുഞ്ഞാലിമരക്കാര്‍

കോഴിക്കോട്ടേ സാമൂതിരി രാജാവിന്റെ നാവികപ്പടയുടെ മുസ്ലീം നായകനായിരുന്നു മുഹമ്മദ് കുഞ്ഞാലി മരക്കാര്‍. 1498ല്‍ ഇന്ത്യയിലെത്തിയ പറങ്കികളുമായി (പോര്‍ച്ചുഗീസുകാര്‍) ഐതിഹാസികമായ കപ്പല്‍ യുദ്ധങ്ങളില്‍ അസാമാന്യ പാടവം തെളിയിച്ചിട്ടുള്ളയാളായിരുന്നു കുഞ്ഞാലിമരക്കാറും പിന്‍‍ഗാമികളും.^[1] ഇന്ത്യന്‍ തീരത്ത് ആദ്യമായി നാവിക പ്രതിരോധം തീര്‍ത്തത് മരക്കാന്മാരായിരുന്നു. പിന്നീട് 18ആം നൂറ്റാണ്ടില്‍ മറാത്ത സര്‍ക്കീല്‍ കാഞ്ഞോലി ആഗ്രെയും ഇതുപോലെ ഒരു പ്രതിരോധം തീര്‍ത്തിരുന്നു.

[തിരുത്തുക] സ്ഥാനപ്പേര്‌

മരക്കാര്‍ എന്ന സ്ഥാനപ്പേര്‍ നല്‍കിയിരുന്നത് സാമൂതിരി രാജാവായിരുന്നു. ഇത് വള്ളം എന്നര്‍ത്ഥമുള്ള മരക്കാളം എന്ന മലയാളം വാക്കില്‍നിന്നുദ്ഭവിച്ചതാവാം.

നാലു പ്രമുഖരായ മരക്കാന്മാര്‍

മുഹമ്മദ് കുഞ്ഞാലി മരയ്ക്കാര്‍ - 1ആം മരക്കാര്‍
? കുഞ്ഞാലി - 2ആം മരക്കാര്‍
പട്ടു കുഞ്ഞാലി - 3ആം മരക്കാര്‍
മുഹമ്മദാലി കുഞ്ഞാലി - 4ആം മരക്കാര്‍

[തിരുത്തുക] ആദ്യകാലചരിത്രം

മരയ്ക്കാര്‍ വംശം പാരമ്പര്യമായി സാമൂതിരിയുടെ നാവികപ്പടയാളികളയിരുന്നു.പറങ്കികളുമായി ഏറ്റുമുട്ടിയ മരയ്ക്കാര്‍ വംശത്തിലെ ആദ്യത്തെ പോരാളി മമ്മാലി മരയ്ക്കാര്‍ ആയിരുന്നു.1505'ല്‍ കൊടുങ്ങല്ലൂര്‍ വച്ചു നടന്ന യുദ്ധത്തില്‍ ഇദ്ദേഹം പറങ്കികള്‍ക്കു വളരെ നാശനഷ്ടങ്ങള്‍ വരുത്തി.യുദ്ധത്തിന്റെ അവസാന ഘട്ടത്തില്‍ കോഴിക്കോട്ടു നിന്നുള്ള കപ്പലുകള്‍ സഹായിക്കാനായി നിശ്ചിത സമയത്തു എത്താതിരുന്നതിനാല്‍ തന്റെ രണ്ു പുത്രന്മാരോടൊപ്പം അദ്ദേഹത്തിനു വീരമൃത്യു വരിക്കെണ്ടി വന്നു. മമ്മാലി മരയ്ക്കാര്‍ക്കു ശേഷം കുട്ട്യാലി മരയ്ക്കാര്‍ നാവികസേനയുടെ പടനായകനായി.

[തിരുത്തുക] കുഞ്ഞാലി മരയ്‌ക്കാര്‍ ഒന്നാമന്‍

കൊച്ചിയിലെ ഒരു വ്യപാര പ്രമുഖനും കുട്ട്യാലി മരയ്ക്കാരുടെ പുത്രനും ആയ മുഹമ്മദ് മരയ്ക്കാരാണ്‌ ആദ്യത്തെ കുഞ്ഞാലി മരയ്ക്കാര്‍. പറങ്കികളുടെ ശല്യം സഹിയ്ക്കാതായപ്പോള്‍ അദ്ദേഹം ഒരു പറ്റം നാട്ടുകാരുമായി സാമൂതിരിയെ മുഖം കാണിച്ചു, പോര്‍ച്ചുഗീസുകാര്‍ക്കെതിരെ യുദ്ധം ചെയ്യാന്‍ തയ്യാറാണെന്നറിയിച്ചു.സന്തുഷ്റ്റനായ സാമൂതിരി കുഞ്ഞാലി മരയ്ക്കാരെ നാവിക സേനറ്റയുടെ തലവനാക്കി, "കുഞ്ഞാലി മരയ്ക്കാര്‍" എന്ന സ്ഥാനപ്പേരും നല്‍കി. കുഞ്ഞാലി മരയ്ക്കാര്‍ തന്റെ അനുയായികള്‍ക്കു ഒളിപ്പോരില്‍ ‍പരിശീലനം നല്‍കി. അതിനു വേണ്ട ആയുധങ്ങളും, ചെറു വള്ളങ്ങളും മറ്റും സംഭരിച്ചു.