കെ. കേളപ്പന്
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ പ്രമുഖ സ്വാതന്ത്ര്യസമര പോരാളിയും സോഷ്യലിസ്റ്റു ചിന്തകനുമായിരുന്നു കെ. കേളപ്പന്.
ഉള്ളടക്കം |
[തിരുത്തുക] ജീവിതരേഖ
1889 ആഗസ്റ്റ് 24-നു കേരളത്തിലെ കോഴിക്കോട് ജില്ലയിലെ പയ്യോളി എന്ന ഒരു ചെറിയ ഗ്രാമത്തിലാണ് കെ. കേളപ്പന് ജനിച്ചത്. കലാലയ ജീവിതം കോഴിക്കോടും മദിരാശിയിലുമായിരുന്നു. വക്കീല് ഗുമസ്ഥനായ അച്ഛന്റെ അഭിലാഷം മകനെ വക്കീലാക്കുകയെന്നതായിരുന്നു.അതിനാല് ബോംബേയില് തൊഴില്ജീവിതം നയിച്ച് നിയമപഠനം നടത്തി.ഇക്കാലത്താണ് ഗാന്ധിജിയുടെ ആഹ്വാനം കേട്ട് പഠനമുപേക്ഷിച്ച് ദേശീയവിമോചനസമരത്തിലേക്ക് എടുത്ത് ചാടുന്നത്. ചങ്ങനാശ്ശേരിയില് അദ്ധ്യാപകനായി അദ്ദേഹം തന്റെ ഔദ്യോഗിക ജീവിതം ആരംഭിച്ചു. നായര് സര്വീസ് സൊസൈറ്റിയുടെ സ്ഥാപക അംഗമായിരുന്നു അദ്ദേഹം.
[തിരുത്തുക] സ്വാതന്ത്ര്യസമരത്തില്
ബ്രിട്ടീഷ് ഭരണം ബഹിഷ്കരിക്കാന് മഹാത്മാ ഗാന്ധി ആഹ്വാനം ചെയ്തപ്പോള് കേളപ്പന് തന്റെ ജോലി ഉപേക്ഷിച്ച് തന്റെ ജീവിതം മാതൃരാജ്യത്തിനായി ഉഴിഞ്ഞുവെയ്ക്കുവാന് തീരുമാനിച്ചു. ഒരു വശത്ത് ഭാരതീയ സമൂഹത്തിലെ അനാചാരങ്ങള്ക്ക് എതിരെയും മറുവശത്ത് ബ്രിട്ടീഷ് ഭരണത്തിനെതിരായും അദ്ദേഹം പോരാടി. ഒരു മാതൃകാ സത്യാഗ്രഹിയായിരുന്നു അദ്ദേഹം. ഊര്ജ്ജസ്വലനായ ഒരു വിപ്ലവകാരിയും സാമൂഹിക പരിഷ്കര്ത്താവും അധ:സ്ഥിതരുടെ നീതിക്കുവേണ്ടി പോരാടിയ പോരാളിയുമായിരുന്നു കേളപ്പന്.
മലബാര് ലഹളയുടെ കാലത്ത് ഒരുകൂട്ടം വിപ്ലവകാരികള് പൊന്നാനി ഖജനാവ് കൊള്ളയടിക്കുവാനെത്തി. ഇവരെ അവരുടെ തെറ്റ് പറഞ്ഞുമനസ്സിലാക്കി തിരിച്ചയക്കുവാന് കേളപ്പനു സാധിച്ചു. പയ്യന്നൂരിലെയും കോഴിക്കോട്ടെയും ഉപ്പു സത്യാഗ്രഹങ്ങള്ക്ക് അദ്ദേഹം നേതൃത്വം നല്കി. ഗാന്ധിജിയുടെ സത്യാഗ്രഹ പ്രസ്ഥാനത്തില് ചേര്ന്ന ആദ്യത്തെ കേരളീയനായിരുന്നു കേളപ്പന്. വൈക്കം സത്യാഗ്രഹത്തില് അദ്ദേഹം ഒരു പ്രധാന പങ്കുവഹിച്ചു.
[തിരുത്തുക] ഗുരുവായൂര് സത്യാഗ്രഹം
1932-ലെ ഗുരുവായൂര് സത്യാഗ്രഹത്തിന്റെ നേതാവ് കേളപ്പനായിരുന്നു. ഗാന്ധിജിയുടെ അപേക്ഷ പ്രകാരമാണ് അദ്ദേഹം ഗുരുവായൂരിലെ തന്റെ നിരാഹാര സമരം അവസാനിപ്പിച്ചത്.
[തിരുത്തുക] സോഷ്യലിസ്റ്റ്
ഇന്ത്യയുടെ സ്വാതന്ത്ര്യത്തിനു വേണ്ടി പലതവണ അദ്ദേഹം ജയില് വാസം അനുഭവിച്ചിട്ടുണ്ട്. അയിത്തം ഉച്ചാടനം ചെയ്യുവാന് അദ്ദേഹം പരിശ്രമിച്ചു. ഹരിജനങ്ങളുടെ ഉന്നമനത്തിനായി അദ്ദേഹം പ്രയത്നിച്ചു. കേരളത്തില് പല ഹരിജന ഹോസ്റ്റലുകളും വിദ്യാലയങ്ങളും അദ്ദേഹം ആരംഭിച്ചു. സ്വദേശി പ്രസ്ഥാനത്തിന്റെ മുന്പന്തിയിലായിരുന്നു അദ്ദേഹം. ഖാദി, കുടില് വ്യവസായങ്ങള് കേരളത്തില് വേരുറപ്പിക്കുന്നതിന് അദ്ദേഹം പരിശ്രമിച്ചു.
[തിരുത്തുക] പ്രജാ സോഷ്യലിസ്റ്റ് പാര്ട്ടി
[തിരുത്തുക] പത്രാധിപര്
ഒരു വിദ്യാഭ്യാസ വിചക്ഷണനും ഉഗ്രനായ ഒരു പത്രലേഘകനുമായിരുന്നു അദ്ദേഹം. ‘മാതൃഭൂമി‘ ദിനപത്രം ആരംഭിച്ചതില് അദ്ദേഹത്തിനും പങ്കുണ്ട്. ഒരുപാടു വര്ഷക്കാലം അദ്ദേഹം മാതൃഭൂമിയുടെ പത്രാധിപരായിരുന്നു.
[തിരുത്തുക] സര്വ്വോദയപ്രസ്ഥാനത്തില്
സ്വാതന്ത്ര്യ ലബ്ധിക്കു ശേഷം അദ്ദേഹം രാഷ്ട്രീയം ഉപേക്ഷിച്ച് സര്വോദയ പ്രസ്ഥാനത്തില് ചേര്ന്നു. കേരള സര്വോദയ സംഘം, കേരള ഗാന്ധി സ്മാരക നിധി, കേരള സര്വോദയ മണ്ഡല്, കോഴിക്കോട് ഗാന്ധി പീസ് ഫൌണ്ടേഷന്, തുടങ്ങിയ കേരളത്തിലെ മിക്കവാറും എല്ലാ ഗാന്ധിയന് സംഘടനകളുടെയും അദ്ധ്യക്ഷനായി അദ്ദേഹം പ്രവര്ത്തിച്ചു. ഇതിനുപരി കേരള സംസ്ഥാനത്തിന്റെ രൂപീകരണത്തില് അദ്ദേഹം ഒരു വലിയ പങ്കുവഹിച്ചു. ഒരിക്കലും പദവിക്കോ അധികാരത്തിനോ വേണ്ടി കേളപ്പന് ആഗ്രഹിച്ചിരുന്നില്ല.
രാഷ്ട്രത്തിനുവേണ്ടി സമര്പ്പിച്ച നിസ്വാര്ത്ഥമായ ഒരു ജീവിതമായിരുന്നു കേളപ്പന്റേത്. ഗാന്ധിജിയുടെ ജീവിതവും ആദര്ശങ്ങളും കേരളത്തിലെ ജനങ്ങള് അറിഞ്ഞത് ഒരു വലിയ അളവുവരെ കേളപ്പനിലൂടെയായിരുന്നു. ഇതുകൊണ്ട് അദ്ദേഹം ‘കേരള ഗാന്ധി’ എന്ന് അറിയപ്പെട്ടു. സേവനത്തിന്റെ ആ ജീവിതം 1971 ഒക്ടോബര് 7-നു അവസാനിച്ചു.
ഇന്ത്യന് സ്വാതന്ത്ര്യസമര നേതാക്കള് | |
---|---|
അക്കാമ്മ ചെറിയാന് - ആനി ബസന്റ് - ഇക്കണ്ടവാര്യര് - കസ്തൂര്ബാ ഗാന്ധി - എ.വി. കുട്ടിമാളു അമ്മ - ഐ.കെ. കുമാരന് - സി. കേശവന് - കെ.പി. കേശവമേനോന് - കെ. കേളപ്പന് - കെ.കെ. കുഞ്ചുപിള്ള - ഗാഫര് ഖാന് -ഗോഖലെ - എ.കെ. ഗോപാലന് - സി.കെ. ഗോവിന്ദന് നായര് - ചന്ദ്രശേഖര് ആസാദ് -ചെമ്പകരാമന് പിള്ള - നെഹ്റു - ജോര്ജ്ജ് ജോസഫ് - ഝാന്സി റാണി - താന്തിയാ തോപ്പി - ദാദാഭായ് നവറോജി - കെ.എ. ദാമോദരമേനോന് - ഇ.എം.എസ്. നമ്പൂതിരിപ്പാട് - പട്ടം താണുപിള്ള - പനമ്പിള്ളി ഗോവിന്ദമേനോന് - എ.കെ. പിള്ള - തിലകന് - ഭഗത് സിംഗ് - മംഗള് പാണ്ഡേ - മഹാത്മാ ഗാന്ധി - മഹാദേവ് ഗോവിന്ദ് റാനാഡേ - ഭിക്കാജി കാമ -കെ. മധവന് നായര് -മുഹമ്മദ് അബ്ദുള് റഹിമാന് - മൗലാനാ ആസാദ് - മുഹമ്മദലി ജിന്ന - മദന് മോഹന് മാളവ്യ - രാജഗോപാലാചാരി - ലാലാ ലജ്പത് റായ് - വക്കം മൗലവി - വിജയലക്ഷ്മി പണ്ഡിറ്റ് - സി.ശങ്കരന് നായര് - സരോജിനി നായിഡു - പട്ടേല് - ബോസ് - സ്വദേശാഭിമാനി രാമകൃഷ്ണപിള്ള - റാഷ് ബിഹാരി ബോസ് - ബിപിന് ചന്ദ്ര - പുരുഷോത്തം ദാസ് ടാണ്ടന് - കുഞ്ഞാലി മരക്കാര് - ടിപ്പു സുല്ത്താന് - കൂടുതല്... |