Bagdad
Frå Wikipedia – det frie oppslagsverket
Bagdad er hovudstad i Irak og i provinsen Bagdad. Byen er ein av dei største i Midtausten (etter Kairo, Teheran og Istanbul) med ein folkesetnad på 5,7 millionar (2003). Hovudflyplass er Baghdad International Airport.
Byen vart grunnlagd i år 762 av Abbasid-kalifen Abou Giafar Al Mansur på staden for ein kristen by ved elva Tigris. Bagdad erstatta Damaskus som den muslimske hovudstaden i eit imperium som strekte seg frå Nordafrika til Persia. Bagdad vart eit leiande sentrum for utdanning og handel. Nokre kjelder oppgjev at byen hadde kring ein million innbyggjarar, men truleg var det i røynda færre. Mange eventyr i Tusen og Ei Natt har bakgrunn fra denne tida.
Bahá'u'lláh forkynte sin misjon for verda i Bagdad, i Ridván-parken, i tida 21. april - 2. mai 1863.
I samband med Golfkrigen i 1991 fekk Bagdad skader, spesielt innan transport- og kraftsektoren og annan infrastruktur. Byen vart òg tungt bomba i tida mars-april 2003 under Irak-krigen. Etter at Saddam Hussein fall vart Bagdad okkupert av styrkar frå USA, og vart sete for eit interrimstyre (Coalition Provisional Authority).
 |
Denne geografiartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han.
Sjå òg: Oversyn over geografispirer. |
