Det Liberale Folkepartiet (1992-)

Frå Wikipedia – det frie oppslagsverket


Det Liberale Folkepartiet


Partileiar:	Vegard Martinsen
Oppretta:	1992
Ideologi:	Liberalisme
Farge:	Lilla

Hovudkontor:	Det Liberale Folkepartiet PB 510 Sentrum, 0105 Oslo
Epost:	dlf@stemdlf.no
Nettstad:	www.stemdlf.no

Ungdomsorganisasjon:	Liberalistisk Ungdom
Partiavis:	LIBERAL

Internasjonal tilknyting:	-
Europeisk tilknyting:	-

Ordførarar: 0
Kommunestyrerepresentantar: 1
Fylkestingsrepresentantar: 0
Stortingsrepresentantar: 0
Medlemstal: ?

Sjå òg Det Liberale Folkepartiet (1972-1988) og Liberale Folkeparti (1957)

Det Liberale Folkepartiet er eit grunnleggande liberalistisk parti. Dei arbeider for ei radikal overføring av makt og kapital frå staten til det einskilde individ. Dei arbeider òg for at lova skal femne om færrast mogelege samfunnsområder. Partiet vart stifta i 1992 av nokre medlemmer av eit eldre parti med same navn (sjå Det Liberale Folkepartiet (1972-1988) med målsetnad om å vere eit puristisk liberalistisk (les: libertariansk) parti. Det nye DLF har hatt ubetydelig oppslutning ved val. Ved stortingsvalet 2005 stilte DLF liste berre i Oslo og Hordaland og fekk totalt 213 røyster - 0,008 % av røystene på landsplan.

Ungdomsorganisasjonen til Det liberale folkepartiet heiter Liberalistisk Ungdom.

[endre] Struktur

Det årlege Landsmøtet er den øvste myndigheita i DLF. Alle medlemmene i sentralstyret og to representantar frå kvart fylkeslag, og dessutan ein delegat per tiande medlem i fylkeslaget er delegert til Landsmøtet.
Mellom landsmøta har Sentralstyret det politiske og administrative ansvaret for partiet og vert rekna som øvste myndigheit. Sentralstyret er sett saman av leiar, nestleiar, sekretær, 2-4 styremedlemmer og 2-4 varamedlemmer.

[endre] Historie

I 1992 vart det nye DLF starta opp av nokre få medlemmer av det gamle partiet, men denne gongen som eit radikalt endra parti med ein politikk bygd på puristisk liberalisme utan sosiale innslag. Partiet har fanga opp nokre av dei mest radikale utbrytarane frå Framstegspartiet.

[endre] Politikk

Det Liberale Folkepartiet (DLF) er eit fundamentalt liberalistisk parti. Dei understrekar det kapitalistiske systemet og den private eigedomsretten til grunn for det gode samfunn.

I god liberalistisk ånd meiner DLF at forsvar, politi og rettsvesen er dei einaste samfunnsnivåa som fell naturleg under staten sitt ansvar. Sosial utjamning og enkeltmenneska sine behov er det enkeltmenneska sjølve som skal sørge for, ikkje staten. Difor arbeider DLF for radikal likskap for lova, og at staten ikkje, slik DLF ser det, skal ta omsyn til minoritetar eller andre utsette grupper sine særbehov. Lova skal avgrensast til å gjelde eit minimum av alle samfunnsområda, mellom anna skal ikkje narkotika nemnast i lovverket.

Staten har, slik DLF ser det, ikkje noko naturleg ansvar for kultur- og åndslivet i samfunnet (det vere seg skule, media, forsking osv). Staten skal med andre ord ikkje drive eigne skular, støtte nokon form for media (t.d. lokalaviser), eller liknande.

Staten har, slik DLF ser det, ikkje noko naturleg ansvar for næringsverksemd. Staten skal korkje drive eller gje nokon verksemder subsidiar eller tollvern. Det skal heller ikkje vere naudsynt å få tillating frå staten for å drive næringsverksemd (t.d. skulekantiner eller aldersheimar).

Partiet er tydeleg inspirert av den liberalistiske forfattaren og filosofen Ayn Rand.

[endre] Statistikk

[endre] Partileiarar i DLF

1992-95 Tor Ingar Østerud
1995-97 Runar Henriksen
1997-01 Trond Johansen
2001-03 Arne Lidwin
2003- Vegard Martinsen

[endre] Bakgrunnnsstoff

Det Liberale Folkepartiet
Liberalistisk Ungdom


Politiske parti i Noreg:

Sosialistisk Venstreparti	Arbeidarpartiet	Senterpartiet	Venstre	Kristeleg Folkeparti	Høgre	Framstegspartiet

Abort-motstandernes liste \| Demokratane \| Fedrelandspartiet \| Kristent Samlingsparti \| Kystpartiet \| Det Liberale Folkepartiet (DLF) \| Miljøpartiet dei grøne \| Naturlovpartiet \| Norges Kommunistiske Parti (NKP) \| Norsk Republikansk Allianse \| Pensjonistpartiet \| Pilsens Samlingsparti \| Raud Valallianse \| Reformpartiet \| Samefolkets parti \| Samfunnspartiet
Sjå òg: Politiske rørsler i Noreg \| Tidlegare politiske parti i Noreg