OPEC
Frå Wikipedia – det frie oppslagsverket
OPEC er ei engelsk forkorting for Organization of the Petroleum Exporting Countries, Organisasjon for land som eksporterer petroleum. Medlemslanda er i 2005 Algerie, Indonesia, Iran, Irak, Kuwait, Libya, Nigeria, Qatar, Saudi Arabia, Dei sameinte arabiske emirata og Venezuela. OPEC vart skipa den 14. september 1960 i Bagdad. Frå 1965 har det internasjonale hovudkvarteret til organisasjonen vore i Wien i Austerrike. Føremålet til organisasjonen er å forhandla med oljeselskap om rettar knytt til petroleumsutvinng, prisar, og konsesjonsrettar. Landa som er med i OPEC har ei sams interesse i å halda oppe prisane på petroleumsprodukt, av di inntektene frå eksport av slike produkt utgjer ein stor del av nasjonaløkonomien. Landa som er med i OPEC kontrollerer etter offisielle tal kring 75 prosent av petroleumsressursane i verda. Kring 40 prosent av oljeforbruket i verda kjem frå OPEC-landa.
[endre] Oljeproduserande land som ikkje er med i OPEC
- I Europa: Aserbajdsjan, Danmark, Noreg, Russland og Storbritannia.
- I Nord-Amerika: Canada, Mexico og Sambandsstatane.
- I Sør-Amerika: Ecuador.
- I Midtausten: Oman og Yemen.
- I Afrika: Angola og Ekvatorial-Guinea
- I Asia: Malaysia, Brunei og Aust-Timor
[endre] Sjå òg
[endre] På verdsveven
- OPEC OPEC sin nettstad
- http://www.eia.doe.gov/emeu/cabs/opec.html
