Trombosit
Ti Wikipédia, énsiklopédi bébas
Trombosit atawa platélét nyaéta bagian sél getih nu aub dina mékanisme sélular nu ngabalukarkeun bekuna getih. Kadar trombosit nu handapeun normal atawa disfungsina bisa ngabalukarkeun hemorrhage, sedengkeun mun luhur teuing bisa ngabaluKarkeun trombosis.
Daptar eusi |
[édit] Anatomi
Kawas sél getih beureum, trombosit teu boga inti sarta bentukna gepéng; diaméterna 1.5-3.0 μm. Cadangan trombosit na awak urang saeutik pisan, sahingga gampang pisan kakurangan. Trombosit ngandung RNA, sistim kanalikular, sarta sababaraha tipe granul; lisosom (ngandung hidrolase asam), dense bodies (ngandung ADP, ATP, serotonin jeung kalsium) sarta granul alfa (ngandung fibrinogén, faktor V, vitronéktin, trombospondin jeung faktor von Willebrand), nu kandunganana dikaluarkeun nalika aktivasi trombosit. Eusi granul ieu maénkeun peran penting boh dina hémostasis atawa dina réspon inflamatori.
[édit] Fisiologi
[édit] Produksi
Trombosit dijieun dina sungsum tulang; sél progenitorna nyaéta mégakariosit. Produksi trombosit ieu dirangsang ku hormon trombopoiétin (ligan c-mpl) nu diproduksi ku ati. Hormon ieu kabeungkeut ku trombosit na sirkulasi; mun trombositna cukup, kadar sérumna tetep handap. Mun kadar trombositna ngurangan, trombopoiétinna bakal loba nu bébas dina getih, sahingga ngaronjatkeun produksi sungsum.
[édit] Sirkulasi
Umur sirkulasi trombosit ukur 9-10 poé, nu lajeng diancurkeun dina limpa. Nurunna fungsi (atawa euweuhna) limpa bisa ningkatkeun kadar trombosit, sedengkeun hipersplénisme (limpa aktif teuing, misalna dina kasakit Gaucher atawa leukemia) ngabalukarkeun kurangna kadar trombosit.
[édit] Transfusi
Trombosit dipisahkeun tina getih nu didonorkeun, sabab trombosit gampang ruksak nalika getih disimpen dina kulkas. Ku kituna, trombosit mah disimpenna misah migunakeun kantong nu aya porian sahingga nu ngamungkinkeun sirkulasi oksigén (asup) jeung karbon dioksida (kaluar), dina suhu antara 20-24°C. Kusabab dina suhu ieu aya résiko tumuwuhna baktéri, mangka paling lila disimpenna téh ukur lima poé.
Jalma nu kadar trombositna kurang bisa ditatambaan ku transfusi trombosit, iwal mun pantangan alatan kalainan otoimun.
[édit] Baca ogé
- hémostasis
[édit] Sumber rujukan
- Thrombocyte, Wikipédia édisi basa Inggris per 21 Nopémber 2005
Artikel ieu keur dikeureuyeuh, ditarjamahkeun tina basa séjén.
| Sistim kardiovaskular - Getih |
| Sél getih beureum - Sél getih bodas - Platélét - Plasma getih - Sél stém hémopoiétik pluripoténsial |
| Sél getih bodas |
| Granulosit (Granulosit Neutrofil, Granulosit éosinofil, Granulosit basofil) - Limfosit - Monosit |
| Koagulasi |
| Faktor koagulasi: - Fibrin (I) - (Pro)trombin (II) - FV - FVII - FVIII - FIX - FX - FXI - FXII - FXIII - HMWK - vWF - Faktor jaringan |
| Inhibitor: Antitrombin - Protéin C - Protéin S - Protéin Z - ZPI - TFPI |
| Fibrinolisis: Plasmin - tPA/urokinase - PAI-1/2 - α2-AP - TAFI |
