నేలకొండపల్లి

వికీపీడియా నుండి

నేలకొండపల్లి మండలం
జిల్లా:	ఖమ్మం
రాష్ట్రము:	ఆంధ్ర ప్రదేశ్
ముఖ్య పట్టణము:	నేలకొండపల్లి
గ్రామాలు:	22
విస్తీర్ణము:	చ.కి.మీ
జనాభా (2001 లెక్కలు)
మొత్తము:	62.22 వేలు
పురుషులు:	31.103 వేలు
స్త్రీలు:	31.117 వేలు
జనసాంద్రత:	/ చ.కి.మీ
జనాభా వృద్ధి:	% (1991-2001)
అక్షరాస్యత (2001 లెక్కలు)
మొత్తము:	56.40 %
పురుషులు:	67.05 %
స్త్రీలు:	45.70 %
చూడండి: ఖమ్మం జిల్లా మండలాలు

నేలకొండపల్లి, ఆంధ్ర ప్రదేశ్ రాష్ట్రములోని ఖమ్మం జిల్లాకు చెందిన ఒక మండలము. నేలకొండపల్లి గ్రామం గొప్ప చారిత్రక స్థలం. మహాభారతంతో ముడిపడ్డ కథలొకవైపు, బౌద్ధ అవశేషాల తాలూకు చారిత్రక వాస్తవాలు మరొక వైపు ఈ ప్రాంతానికి ప్రాముఖ్యత నిస్తున్నాయి. నేలకొండపల్లికి ఒక మైలు దూరంలో విరాటరాజు దిబ్బ, కీచక గుండం అనే స్థలాలు మహాభార్త కథతో సంబంధం కలిగి ఉన్నాయి. పాండవులు అజ్ఞాతవాస సమయంలో విరాట నగరాన్ని పాలించే విరాట రాజు కొలువులో మారువేషాల్లో చేరారు. విరాట రాజు బావమరిది కీచకుడు సైరంధ్రి వేషంలో ఉన్న ద్రౌపదిని కామించగా, వలలుడి వేషంలో ఉన్న భీముడు కీచకౌణ్ణి చంపేసాడు. ఆ విరాటనగరం ఈ ప్రాంతమేనని పౌరాణిక గాధ. మహాభారతం జరిగిందని చెప్పబడుతున్న కాలం నాటి అవశేషాలు ఇక్కడ దొరకడం విశేషం. 1977 లో జరిపిన తవ్వకాల్లో బౌద్ధ అవశేషాలు, స్థూపాలు, విగ్రహాలు దొరక్డంతో ఈ ప్రాంతంలో బౌద్ధం విలసిల్లిందని రూఢి అవుతున్నది.

ఇటీవలి చరిత్రకు వస్తే.., నేలకొండపల్లి భక్త రామదాసుగా ప్రసిద్ధి గాంచిన కంచర్ల గోపన్న ఇక్కడే జన్మించాడు. ఆయన పుట్టిన ఇంటిని భక్త రామదాసు ధ్యాన మందిరం గా పిలుస్తున్నారు. గ్రామంలో పురాతన దేవాలయాలు కూడా ఉన్నాయి.

[మార్చు] మండలంలోని గ్రామాలు

• రాజేశ్వరపురం
• ఆరెగూడెం
• గువ్వలగూడెం
• ముగ్గిగూడెం
• అన్నసాగరం
• నాచెపల్లి
• నేలకొండపల్లి
• సింగారెడ్డిపాలెం (నేలకొండపల్లి మండలం)
• ఆచార్లగూడెం
• కోనాయిగూడెం
• చెన్నారం
• సర్దేపల్లి
• మంద్రాజుపల్లి
• బోడులబండ
• రామచంద్రపురం
• పైనంపల్లి
• తిరుమలాపురం
• భైరవునిపల్లి
• చెరువు మాదారం
• బుద్ధారం
• కొంగర
• కట్టు కాచారం
• మూటాపురం