جھنگ

وکیپیڈیا سے

جھنگ
عمومی معلومات
صوبہ	پنجاب
رقبہ	8,809 مربع کلومیٹر
آبادی	3,870,417
کالنگ کوڈ	0477
منطقۂ وقت	پاکستان کا معیاری وقت (UTC+5)
حکومت
ناظم	صاحبزادہ حمید سلطان
یونين کونسلوں	128
علامت

جھنگ دریاۓ چناب کے کنارے آباد وسطی پنجاب (پنجاب، پاکستان) کا شہر ہے، جسکی آبادی تین لاکھ ستاسی ہزار چار سو سترہ نفوس پر مشتمل ہے۔ جھنگ کی سرحدیں شمال میں ضلع سرگودھا، شمال مشرق میں گوجرانوالہ، مشرق میں فیصل آباد اور ٹوبہ ٹیک سنگھ، جنوب میں مظفر گڑھ اور خانیوال، مغرب میں لیہ اور بھکر اور شمال مغرب میں خوشاب سے ملتی ہیں۔

فہرست 1 جغرافیہ 2 نباتات 3 تاریخ 4 آب و ہوا 5 تہذیب و تمدن 6 نامور شخصیات 7 مزید پڑھیے 8 بیرونی روابط

[ترمیم] جغرافیہ

تقریباّ تمام علاقہ میدانی ہے، ماسواۓ شمال کے جہاں ربوہ کے قریب دریاۓ چناب کے کنارے کیرانا پہاڑیوں کا سلسلہ ہے جو آراولی سلسلوں سے تعلق رکھتی ہیں۔ مغرب میں تھیل کا صحرائی علاقہ ہے جو دریاۓ جہلم کے کنارے سے شروع ہوتا ہوا خوشاب اور بھکر کے اضلاع تک جاتا ہے۔ گوجرانوالا کے قریب پبانوالا سے بنجر زمین شروع ہوتی ہے جہاں سے زمین کی سطح 10 فٹ (3 میٹر) بلند ہوتی ہے، اور آگے بڑھتی ہوئی 30 فٹ (9 میٹر) تک پہنچ جاتی ہے۔ یہ علاقہ جنوب میں 87 کلومیٹر تک اور چوڑائی میں تقریباّ 30 سے 40 کلومیٹر تک ہے۔ اس علاقہ میں ماضی میں جنگلات تھے اور یہ علاقہ کسی بھی قسم کی کاشت کے لیے موضوع نہیں تھا۔ انگریزی دور حکومت میں یہاں نہری نظام بنایا گیا اور 975 ایکڑ اراضی پر لائلپور (موجودہ فیصل آباد) کی بنیاد رکھی گئی، جو آج ٹیکسٹائل کے شعبہ میں پاکستان کا سب سے بڑا صنعتی شہر ہے۔ اسکے علاوہ دریاۓ چناب اور دریاۓ جہلم کے درمیان وا‌قع کیرانا کا علاقہ جو گھوڑی والا تک پھیلا ہوا ہے، بھی ضلع جھنگ میں شامل ہے۔ دریاؤں کا قریبی نشیبی علاقہ جو سیلاب کی صورت میں زیر آب آ جاتا ہے ہتھر کہلاتا ہے جبکہ دریاؤں کے درمیان اونچائی والا علاقہ جو زیر آب نہیں آتا اتر کہلاتا ہے۔

[ترمیم] نباتات

غیر زرعی رقبہ پر جھنڈ، کریر، وان، کیکر، ٹہلی اور بوہڑ کے درخت بکثرت پاۓ جاتے ہیں، اسکے علاوہ ہرمل، اکڑہ اور باتھو وغیرہ کی جھاڑیاں بھی پائی جاتی ہیں۔

[ترمیم] تاریخ

جھنگ کا پہلا شہر رائی سیال نے 1288ء میں اپنے پیر و مرشد حضرت شاہ جلال بخاری کے کہنے پر آباد کیا۔ جھنگ کے پہلے حکمران مال خان 1462ء میں ہوۓ۔ سیال قبائل نے جھنگ پر 360 سال حکومت کی اور آخری سیال حکمران احمد خان تھے جنہوں نے 1812ء سے 1822ء تک حکومت کی، جنکے بعد حکومت سکھوں کے ہاتھ آئی، اور پھر ان سے انگریزوں کے قبضہ میں گئی۔

[ترمیم] آب و ہوا

جھنگ کی آب و ہوا شدید نوعیت کی ہے، جسکا مطلب سردیوں میں شدید سردی اور گرمیوں میں شدید گرمی ہے۔ موسم گرما، سرما کے مقابلہ میں زیادہ لمبا ہے، اور گرمی کا عمومی درجہ حرارت 35 ڈگری سینٹی گریڈ تک ہے جبکہ سردی میں 12 ڈگرمی سینٹی گریڈ تک گر جاتا ہے۔ موسم گرما میں مون سون کی ہوائیں بارش لاتی ہیں، جن کی شدت جھنگ تک پہنچتے پہنچتے کافی کم ہو چکی ہوتی ہے۔ گرمیوں میں اوسط بارش 7 سے 10 انچ (180 ملی میٹر) ہوتی ہے، جبکہ سردیوں میں بھی کبھی کبھی بار‎ش ہوتی ہے۔ اسکے علاوہ آندھیاں اور طوفان بھی چلتے ہیں۔ سال کا بہترین وقت فروری سے وسط اپریل تک کا ہے، جو موسم بہار ہے۔ موسم بہار خوشگوار ہے جو نہ تو زیادہ گرم ہوتا ہے اور نہ ہی زیادہ سرد۔ شہر کے گردونواع میں ہریالی ہی ہریالی ہوتی ہے، اور سرسوں کے پیلے پھول دلفریب نظارہ دیتے ہیں۔ درختوں پر نئے پتے نکلتے ہیں، پھول اور پھل کھلتے ہیں، اور یہی وقت جھنگ کی تہواروں اور میلوں مثلاّ "جھنگ کمیٹی شو" کا ہے۔

[ترمیم] تہذیب و تمدن

جھنگوچی زبان اور عظیم رسوم کا یہ علاقہ کئی پہلوؤں‎ سے مشہور ہے، جس نے ہیر رانجھا اور مرزا صاحبہ کی رومانوی داستانوں کو جنم دیا۔

علاقائی کھیل

• گھڑ سواری
• نیزا بازی
• کبڈی
• کاؤڈی
• کشتی

شادی کی تقاریب

• برات
• دھریس

جھومر

[ترمیم] نامور شخصیات

• تاریخی شخصیات

ساداللہ خان سولہویں صدی عیسوی میں مغلیہ حکومت کے وزیر رہے۔ ان کا تعلق چنیوٹ سے تھا۔.

• علم و سائنس

ڈاکٹر عبدالسلام واحد پاکستانی نوبل انعام یافتہ ہیں۔ جو جھنگ سے تھے۔ جنہیں طبیعیات کے شعبہ میں خدمات پر 1979ء میں نوبل انعام سے نوازا گیا۔ وہ ربوہ میں دفن ہیں۔

ڈاکٹر طاہرالقادری جھنگ سے مشہور مذہبی عالم ہیں جنہیں شیخ الاسلام کا لقب دیا کیا ہے۔ آپ تحریک منہاج القرآن کے سر پرست اعلی بھی ہیں۔

• صوفیاء

حضرت سلطان باہو۔ حضرت شاہ صادق نہنگ بخاری۔ حضرت شاہ جیونہ۔ حضرت شاہ شیخاں۔ من بلی سرکار۔ مائی عزت بی بی (مائی ہیر)

• شعراء

عابد تمیمی۔ فرحت عباس شاہ۔ شیر افضل جعفری

• موسیقار

منصور ملنگی۔ اللہ دتہ لونے والا۔ طالب حسین درد۔ گامو ٹاہلی والا

• محققین اور مصنفین

بلال زبیری۔ مولوی نور محمد چیلہ۔ ڈاکٹر محسن مگھیانا

• سیاست دان

نواب امان اللہ خان سیال۔ سیدہ عابدہ حسین۔ سید فیصل صالح حیات۔ سردار زادہ ظفر عباس۔ سیدہ صغرا امام۔ غلام بی بی بھروانہ

• معالج

ڈاکٹر محمد رفیع۔ ڈاکٹر منصور چیمہ۔ ڈاکٹر مسرت الحسنین۔ جراحی کی پروفیسر (Professor of Sergery) ڈاکٹر نصرت

• قانون دان

مسٹر جسٹس گل محمد خان۔ مسٹر جسٹس منصور سیال

• وکلاء

شیخ عبدالماجد۔ رائی عبداللہ سلیم بھٹی۔ افضل سرگانہ۔ محمد یونس نول

• کمپیوٹر آرٹس

جواد فاروق

[ترمیم] مزید پڑھیے

• ہیر رانجھا
• مرزا صاحباں
• فیصل آباد
• پنجاب
• پاکستان

[ترمیم] بیرونی روابط

• جھنگ کی ویب سائٹ
• حکومت پنجاب کی ویب سائٹ، جانئیے ضلع جھنگ کے بارے میں