Antonio Gramsci
De Uiquipedia
Antonio Gramsci (Ales, Cerdeña, 22 de xineru de 1891 - Roma, 27 de abril de 1937) foi un políticu, pedagogu, filósofu y teóricu marxista italianu. Fundó xunto a Angelo Tasca, Palmiro Togliatti y Umberto Terracini el diariu L'Ordine Nuovo (reseña semanal de cultura socialista) en 1919 y colaboró na revista La Città Futura. Participa nel movimientu de los conseyos de fábrica de Turín (1919-1920).
Sofita la fuelga d'abril de 1920, la ocupación de les fábriques del setiembre siguiente y la frustrada fuelga d'abril de 1921 y polemiza contra la direición del partíu socialista, tanto contra los maximalistes como contra los reformistes, indica un programa que sacude la esplicita aprobación de Lenin al II Congresu de la III Internacional comunista que pide la expulsión del partíu de los reformistes y de dalgunos maximalistes.
Tabla de conteníos |
[editar] La Fundación del Partido Comunista de Italia (PCI)
La resolución de la Tercer Internacional que pedía a los partíos socialistes l'alloñamientu de los reformistes y más en xeneral de los gradualistes (de los que pretendíen la toma del poder políticu pola vía democrática ellectoral pa facer les reformes sociales) fue desoyía pol Partíu Socialista Italianu.
La escisión tien llugar el 21 de xineru de 1921, nel Teatru San Marco de Livorno, col nacimientu del Partíu Comunista d' Italia (PCI), seición italiana de la Internacional. Nel comité central entren dos ordinovistes, Gramsci y Terracini, mientres l'Executivu ta conformáu por Amadeo Bordiga, Bruno Fortichiari, Luigi Repossi, Ruggiero Greco y Umberto Terracini Dende'l primeru de xineru de 1921 Gramsci dirige “L’Ordine Nuevo”, que se convertiera nun de los diarios comunistes xunto a “Il Lavoratore” de Trieste ya “Il Comunista” de Roma, esti último dirigido por Togliatti.
[editar] Diputáu del parllamentu
Foi escoyíu diputáu nes eleiciones del 6 d'abril de 1924 El 31 d'ochobre de 1926 Mussolini sufre en Bolonia un atentáu: el 5 de payares el gobiernu disuelve los partíos políticos d'oposición y suprime la llibertá de prensa. El 8 de payares, en violación de la inmunidá parllamentaria, Gramsci ye arrestáu en casa y encerráu na cárcele de Regina Coeli. Depués d'un periodu de confinamientu n'[Ustica]], el 7 de febreru de 1927 enciérrenlu na cárcele milanesa San Vitore. Gramsci ye acusáu d'actividá conspirativa, instigación a la guerra civil, apoloxía de rato ya incitación al odiu de clas.
El ministeriu públicu Michele Isgró, en conclusión de la so requisitoria, declara que «por veinte años debemos torgar a esti cerebru furrular» y de fechu Gramsci, el 4 de xunu, ye condenáu a veinte años, cuatro meses y cinco díes de reclusión.
El 27 d'abril de 1937 Gramsci muerre nun hospital tres enfermar na cárcele, con apenes cuarenta y seis años, de hemorraxa cerebral. .
[editar] Obres
- En prisión escribió 30 llibretes d'historia y análisis conocíos como Los cuadernos de la cárcele (Quaderni del carcere), que inclúin el so recuentu de la historia italiana y el nacionalismu, asina como idegues sobre teoría marxista, teoría educativa y de crítica.
- El materialismu Históricu y la filosofía de Benedetto Croce (1948)
- Los intelectuales y la organización de la cultura (1949)
- El Risorgimento (1949)
- Notes sobre Maquíavelo, sobre la política y sobre'l Estáu moderno (1949)
- Lliteratura y vida nacional (1950)
- Pasáu y Presente (1951)
[editar] Hexemonía / bloque hexemónicu
Conózse-y principalmente pol conceutu d'hexemonía y bloque hexemónicu, asina como pol énfasis que punxo nel estudiu de los aspectos culturales de la sociedá (la llamada superestructura nel marxismu clásicu) como elementu dende'l que se podía facer una aición política y como una de les formes de crear y reproducir la hexemonía.
[editar] Influencies
[editar] Pensadores importantes pa Gramsci
- Niccolò Machiavelli
- Karl Marx
- Benedetto Croce
- Lenin
- Antonio Labriola
- Georges Sorel
- Vilfredo Pareto
- Henri Bergson
[editar] Pensadores influyíos por Gramsci
- Perry Anderson
- Michael Hardt & Antonio Negri
- Louis Althusser
- Fernando Neyra
- Raymond Williams
- David Harvey
- Edward Said
- Judith Butler
- Ernesto Laclau & Chantal Mouffe
- Manuel Sacristán
- Roger Garaudy
- Robert W. Cox
- Paulo Freire
- Alfredo Jaar
[editar] Enlaces externos
- gramsci.org.ar Páxina con gran cantidá de testos d'Antonio Gramsci
- Analís del pensamientu de Gramsci
| Predecesor: Amadeo Bordiga |
Secretario Xeneral del PCI 1924 - 1926 |
Socesor: Palmiro Togliatti |
