Marxismu

De Uiquipedia

Parte de la serie sobre
Marxismu

Conceutos fundamentales

Alienación

Comunismu

Esplotación

Fuercies productives

Hexemonía cultural

Llucha de clases

Materialismu dialécticu

Materialismu históricu

Medios de producción

Modu de producción

Plusvalor

Rellaciones de producción

Socialismu

Teoría del valor trabayu

Otros enllaces

Marxistes

Economía marxista

Karl Marx mozu

El marxismu ye'l conxuntu de doctrines polítiques y filosófiques derivaes de la obra de Karl Marx, filósofu, economista, periodista y revolucionariu del sieglu XIX y del so collaciu Friedrich Engels. Marx y Engels basáronse na filosofía de Hegel y de Feuerbach, ambos alemanes, la economía política d' Adam Smith, la economía ricardiana y el socialismu francés del siglo XIX pa desendolcar una crítica de la sociedá que ye tanto científica como revolucionaria. Esta crítica algamó la so expresión más sistemática na so obra más importante, El capital: crítica de la economía política.

Amás de los taigaños mencionaos, dalgunos pensadores marxistes del siglo XX, como Louis Althusser, Toni Negri o Miguel Abensour señalaron na obra de Marx, el desenrrollu de temes presentes na obra de Maquiavelo o Spinoza. Dende la muerte de Marx en 1883, dellos grupos del mundu enteru apaleron y apelen al marxismu como pegollu intelectual de les sos polítiques, que pueden ser radicalmente distintes y opuestes. Una de las mayores divisiones ocurrió ente los socialdemócrates, qu'alegaben que la transición al socialismu pue ocurrir dientro d'un sistema pluripartidista y capitalista, y los comunistes, que alegaban que la transición a una sociedá socialista requería una revolución. La socialdemocracia resultó na formación del Partíu Llaborista británicu y del Partíu Socialdemócrata d'Alemaña, ente otros; el comunismu resultó na formación de dellos partíos comunistes; en 1918 en Rusia, previo a la formación de la Unión de Repúbliques Socialistes Soviétiques, salen dos partíos del Partíu Obreru Social Demócrata de Rusia: el Partíu Comunista, formación comunista, y el Partíu Social Demócrata de Rusia, de tendencia socialdemócrata.

Anguaño siguen esistiendo abondos movimientos revolucionarios y partíos políticos en tol mundu, dende'l final de la Unión Soviética, anque el internacionalismu obreru sufrió una grave crisis. Anque hai partíos socialdemócrates nel poder en delles naciones d'Occidente, va munho que se distanciaron de los sos llazos históricos con Marx y les sos idegues. Anguaño en Laos, Vietnam, Cuba, la República Popular China y Moldavia hai nel poder gobiernos que se dicen marxistes.