Hebreeuws
Van Wikipedia
't Hebreeuws is 'n Semitische taol die in Israël door zoe 6 miljoen minse gesproke weurt en stèrk geassocieerd weurt mèt de Jäö en 't Jäödom. De taol woort ouch in 't aw Israël al gesproke en 't groetste deil vaan 't Aw Testamint (Hebreeuws Talmoes) is in dees taol gesjreve. Al laank voor 't begin vaan de jaortelling moot de taoloetgestorve zien; in d'n tied vaan Zjezus Christus waor Aramees de volktaol in .Palestina. In de Juudse erediens en in de kabbalistiek blaof 't 'n cultuurtaol. Mèt d'n opkums vaan 't zionisme eind negentiende ieuw woort 't es spreektaol nui tot leve gebrach; allewijl is 't ein vaan de twie officieel taole vaan Israël en moot edere Juudsen immigrant Hebreeuws liere. Me verdeilt de taol in drei periodes oonder: Archaïsch Hebreeuws (veural oet sjerve bekind), Klassiek Hebreeuws of Biebels Hebreeuws (in de Juudse bleujtied es volkstaol en daonao es cultuurtaol) en Modern Hebreeuws of Ivriet (vaanaof 1900). 't Archaïsch Hebreeuws kint, wie 't Arabisch, nog drei naomvalle. 't Ivriet oondersjeit ziech door 't samevalle vaan e paar klaanke (die veur väöl nui lierders lesteg waore) en hiel väöl nui wäörd, die in de Biebel neet bekind zien.
't Jiddisch kint väöl Hebreeuwse leinwäörd. Op orthodox-protestantse gymnasia in Nederland kin me Hebreeuws liere.
