Ihringen

Ihringe isch e Gmei westlich vu Friburg im Brisgau, am Südhang vum Kaiserstuehl gläge. Si isch als Wiabauort un „wärmster Ort vu Dytschland“ bechannt.

[ändere] Geographi

[ändere] Geologi

Ihringe lit in dr Rhiebeni am Fuess vum Kaiserstuehl, eme ehemolige Vulkan, dem sini Häng meterhoch mit Lees bedeckt sin. Im Zug vu dr Räbflursbereinige het mer sich in dr 1970er Johre zu Gunste vu ere besser Räbbewirtschaftig an dr Landschaft eweng versündigt un us schmale Terrasse grossflächige macht, bi spätere Flurbereinige isch mer eweng behuetsamer vorgange.

[ändere] Gmeigliderig

D'Gmei bestot us dr Ortschafte Ihringe un Wasewiler.

[ändere] Klima

S'submediterrane Klima am Südhang vum Kaiserstuehl macht Ihringe zum Ort mit dr höchste Johresdurschnittstemperature in Dytschland un bitet demit ideali Vorussetzige fer e hervorragende Wi.

[ändere] Gschichte

Ihringe isch erstmols 962 als Uringa urchundlich erwähnt. Yber d'Markgrafschaft Bade-Durle isch es zum Grossherzogtum Bade chumme. Sit 1952 ghört dr Ort zue Bade-Württeberg.

[ändere] Religione

Während Ihringe sit dr Reformation evangelisch prägt isch, isch dr Ortsdeil Wasewiler stets römisch-katholisch blibe. Dorum isch in dr beide Ortschafte au jewils ei Chilche z'finde. In Ihringe stot die Evang. Chilche, nöierbaut 1874. In Wasewiler findet sich am Berg die kath. Chilche. Zue dr Evang. Chilchegmei ghöre ca. 3200, zue dr Kath. Pfarrgmei ca. 1600 Seele us Ihringe un Wasewiler.

[ändere] Igmeindige

1974: Wasewiler

[ändere] Ortsdeiler

[ändere] Wasewiler

Wasenwiler sich erstmols anno 1000 urchundlich erwähnt. 1974 isch es nooch Ihringe igmeindet worre.

[ändere] Politik

[ändere] Gmeirot

D'Kommunalwahl am 13. Juni 2004 het folgendi Sitzverdeilig ergä:

CDU	33,2 %	-2,4	6 Sitz	-1
SPD	31,0 %	+1,4	6 Sitz	±0
Die Grüene	19,3 %	+6,3	3 Sitz	+1
FDP/DVP	16,5 %	-5,2	3 Sitz	-1

[ändere] Städtpartnerschafte

Münster im Elsiss
Ruhpolding
Wattwiller im Elsiss

[ändere] Wirtschaft un Infrastruktur

[ändere] Verchehr

Beidi Ortschafte sin mit Friburg im Brisgau und Brisach am Rhi dur e S-Bahn (Brisgau-S-Bahn) verbunde.

[ändere] Bildig

Mit dr Nünlindeschuel git's z'Ihringe e Grund- un Hauptschule, z'Wasewiler bestot mit dr Mambergschuel e reini Grundschuel. Doryber nus git's mit dr Albertschuel au no e Förderschuel. Usserdem git's drei Chinderschuele, vu dene einer dur die evangelisch Chilche betribe wird.

[ändere] Kultur un Aluegenswürdigkeite

[ändere] Musee

In Ihringe git's e Heimetmuseum.

[ändere] Müsik

Es besten mehreri Orchester. S'wohl bechanntist isch dr Fanfarezug Kaiserstüehler Herolde. Usserdem müsiziere dr Müsikverei Ihringe und in Wasewiler d'Winzerchapelle Wasewiler.

[ändere] Bauwercher

Die evangelisch Chilche isch des wohl am meiste besuecht Bauwerch vu Ihringe. Die chunstvolle Glasfenster sin e Bsuech wert. Vili Bsuecher füehle sich an Mark Chagall erinneret. Aber Entwurf un Herstellig het dr Glaschünstler Valentin Feuerstein us Neckarsteine 1975/76 besorgt. D'Fenster verzelle elementari Gschichte us dr Bible. Im Nordschiff finde sich zehe aldtestamentlichi Theme vu dr Schöpfig bis zue dr Prophete. Im Südschiff sin die zwölf Evangeliefenster zu btrachte. Im östliche Chorruum zeigt sich s'Trinitätsfenster, während zwei Grossfenster mit Darstellige us dr Offebarig sich uf dr westliche Empore befinde. D'Chilche isch dagsyber uf. E chleine Chilchefüehrer lit us.

[ändere] Sport

Turnverei Ihringe i.V.
VFR Ihringe
Schützenverei Ihringe

[ändere] Regelmässigi Verastaltige

Jeder Summer finde d'Ihringer Widäg statt, 2006 vum 16. bis 19. Juni.

[ändere] Webgleicher

Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch.

Lueg dezue au Froge un Antworte zum Dialäkt.

Dr Artikel basiert uf ´ra freie Ibersetzung vum Artikel „Ihringen“ us dr dytsche Wikipedia. E Lischte mit de dörtige Autore kasch dörte aluege