Hunky Dory
Frå Wikipedia – det frie oppslagsverket
| Hunky Dory Studioalbum av David Bowie |
||
| Utgjeve | 17. desember 1971 | |
| Innspelt | Trident Studios i London, april 1971 | |
| Sjanger | Glamrock, pop | |
| Lengd | 39:04 | |
| Selskap | RCA Records | |
| Produsent | Ken Scott | |
| David Bowie-kronologi | ||
|---|---|---|
| The Man Who Sold the World (1970) |
Hunky Dory | The Rise and Fall of Ziggy Stardust and the Spiders from Mars (1972) |
Hunky Dory er eit album av den britiske artisten David Bowie frå 1971. Det vart skildra av AllMusic.com som «ei blanding av mange popstilartar, berre knytt i saman av Bowie sitt syn: ei feiande, filmaktig blanding av høg og låg kunst, tvetydig seksualitet, kitsch og klasse.»
Forfattaren David Buckley har sagt dette om albumet: «Det er nesten easy listening og musikken på albumet trekk fokuset bort frå at tekstmessig sett er denne plata grunnlaget for Bowie si framtidige karriere.»[1] Opningssporet «Changes» fokuserar på ein artist sin trang til å fornye seg («Strange fascination, fascinating me / Changes are taking the pace I'm going through») og det å ta avstand frå hovustraumen i rock («Look out, you rock ’n’ rollers»). Men Bowie tok seg òg tid til å hylle sine eigne heltar i songane «Song for Bob Dylan», «Andy Warhol» og The Velvet Underground i «Queen Bitch».
Bowie flyttar seg her bort frå hardrocken som prega det førre albumet, The Man Who Sold the World, og flyttar seg i staden mot pop og folkrock, som òg prega albumet Space Oddity. Her var lette songar som «Kooks» (som Bowie dediserte til sonen Dunan Jones (då kalla Zowie Bowie), og som han skreiv dagen han vart fødd) og Bowie si utgåve av «Fill Your Heart» i lag med den buddhismeinspirerte «Quicksand», og den delvis sjølvbiografiske «The Bewlay Brothers». I mellom ytterpunkta finn ein «Oh! You Pretty Things», der popmusikken delvis gøymde teksten (inspirert av Nietzsche), som varsla at den moderne mannen kom til å verte erstatta av «the Homo Superior», og som kritikarane meinte peika fram mot songen «Starman» på Bowie sitt neste album The Rise and Fall of Ziggy Stardust and the Spiders from Mars.[2]
På omslaget kan ein lese «Produced by Ken Scott (assisted by the actor)» (produsert av Ken Scott (assistert av skodespelaren)). «Skodespelaren» her var Bowie sjølv. Dette var Bowie si første plate for RCA, som skulle bli plateselskapet hans dei neste ti åra.
Hunky Dory vart gjeve ut i lag med singelen «Changes», og fekk generelt gode omtalar i pressa, og vart forholdsvis populært då det kom ut, sjølv om det ikkje vart ein stor hit. Etter at Bowie slo igjennom med Ziggy Stardust i 1972, tok derimot salet seg kraftig opp, og albumet klatra til tredjeplass på dei britiske listene. I 1973 gav RCA ut singelen «Life on Mars?» som òg klatra til tredjeplass i Storbritannia.
I 1998 stemde lesarane i musikkmagasinet Q fram Hunky Dory som det 43. beste albumet gjennom tidene, medan det same magasinet plasserte albumet på 16. plass over dei 100 beste britiske albuma gjennom tidene. Same året plasserte TV-kanalen VH1 albumet på 47. plass.
Innhaldsliste |
[endre] Innhald
Alle songar er skriven av David Bowie, borstett frå der anna er skrive.
- «Changes» – 3:33
- «Oh! You Pretty Things» – 3:12
- «Eight Line Poem» – 2:53
- «Life on Mars?» – 3:48
- «Kooks» – 2:49
- «Quicksand» – 5:03
- «Fill Your Heart» (Paul Williams, Biff Rose) – 3:07
- «Andy Warhol» – 3:53
- «Song for Bob Dylan»– 4:12
- «Queen Bitch» – 3:13
- «The Bewlay Brothers» – 5:21
I 1990 gav RykoDisc ut albumet på CD med ekstra bonusspor.
[endre] Bonusspor
- «Bombers» (Innspeling frå 1971 som ikkje var gjeve ut tidlegare) – 2:38
- «The Supermen» (Alternativ versjon spelt inn i 1971) – 2:41
- «Quicksand» (Demoversjon frå 1971) – 4:43
- «The Bewlay Brothers» (Alternativ miks) – 5:19
[endre] Medverkande
- David Bowie – vokal, gitar, saksofon, piano
- Mick Ronson (som Michael Ronson) – gitar, vokal, mellotron
- Rick Wakeman (som Richard Wakeman) – piano
- Trevor Bolder – bass, trompet
- Mick Woodmansey (som Woody Woodmansey) – trommer
[endre] Merknadar
| David Bowie |
|---|
| Diskografi |
| Studioalbum |
| David Bowie | Space Oddity | The Man Who Sold the World | Hunky Dory | The Rise and Fall of Ziggy Stardust and the Spiders from Mars | Aladdin Sane | Pin Ups | Diamond Dogs | Young Americans | Station to Station | Low | "Heroes" | Lodger | Scary Monsters (and Super Creeps) | Let's Dance | Tonight | Never Let Me Down | Black Tie White Noise | Outside | Earthling | ’hours...’ | Heathen | Reality |
| Med Tin Machine |
| Tin Machine | Tin Machine II |
| Konsertalbum |
| David Live | Stage | Ziggy Stardust - The Motion Picture | Tin Machine Live: Oy Vey, Baby | Santa Monica ’72 | Bowie at the Beeb | LiveAndWell.com |
| Filmmusikk |
| Christiane F. | Labyrinth | The Buddha of Suburbia | |
| Tilknytta artiklar |
| Tony Visconti | Brian Eno | Mick Ronson | Iggy Pop |
