Wiki

From Wikipedia

Wiki (au WikiWiki) ni utaratibu wa tovuti ambao unawawezesha watu kuandika, kuongeza maandiko au kuhariri maandiko ya watu wengine. Ili kuweza kufanya jambo kwa kutumia programu ya wiki, mtumiaji hana haja ya kuwa na utaalamu wa lugha ya tarakilishi kama vile HTML. Utaratibu huu unaifanya programu/teknolojia ya wiki kuwa ni zana muhimu kwa ajili ya kazi za maandishi zinazofanywa kwa ushirikiano. Moja ya kazi ambazo zinatumia programu hii ni mradi wa kamusi elezo huria ya Wikipedia.

Mwanzoni programu hii ilitambulika kama WikiWikiWeb. Neno wiki ni neno toka Hawaii ambalo linamaanisha "haraka" au "upesi." Programu hii iliundwa mwaka 1994 na Ward Cunningham na kuanza kutumia katika mtandao wa tarakilishi mwaka 1995.

[edit] Tazama pia

Neno la "wiki" (kutokana na kiing. "week") hutumiwa mara nyingi kwa kutaja kipindi cha siku saba cha Juma

[edit] Viungo vya nje

• Wikimania 2006

Makala hiyo kuhusu "Wiki" bado ni mbegu. Unaweza kusaidia kuikuza kwa kubofya kitufe kilichoandikwa "hariri". Ikiwepo makala kuhusu Wiki kwa lugha nyingine, unaweza kuitafsiri kwa Kiswahili.