Bier

Us der alemannische Wikipedia, der freie Dialäkt-Enzyklopedy

Bier isch a alkohol- und kohlesäurehaltigs Getränk, des durch Gärung us de Zuetate Wasser, Malz und Hopfe gwonne wird. Für 's kontrollierte Uslöse vum Gärvorgang wird Hefe zuegsetzt.

[ändere] Gschichte

D`Gschicht vom Biär gaht zrugg, tüüf i d'Jahrtuusig inä. Äs muäs wohl so ahgfangä ha, dass irgänd än ufmerksamä Geischt bim bachä vomänä Brot, s'gäärä vom Chorn entdeckt hät. Schrifttaflänä us Mesopotamiä vom 3. Jahrtuusig v.Chr. wiisäd uf de Werdegang hi und lifäräd dä Bewiis für d'Exischtänz vom Biär scho zu derä Ziit. In Ägyptä, ums Jahr 2000 v.Chr. umä, isch s'Biär iräs Nationalgetränk gsi. Äs isch dä Sunnägöttin Osiris zuägschribä wordä. D'Brouäreiä händ sich natürlich im Bsitz vom Pharao befundä, er hät au für d'Zuäteilig gluägät und zwiifällos au Stürä däfür ihzogä.

Dazumals sind d'Biär no süässlich gsi. D'Würkig vom Hopfä isch erscht tuusigi vo Jahr spötär entdeckt wordä, so dass s'damaligä Biär mit Myrtä, Safran und Anis gwürzt wordä isch. Biär hät zu dä verderblichä Wahr ghört, deshalb isch au s'Problem mit z.B. Ochsägallä odär Bilsächrut bekämpft wordä.

Natürlich händ au d'Chinesä äs biärähnlichs Getränk erfundä händ, dadäfür händ si allärdings Riischörnär värwändät.

800 n.Chr. hät dä Karl dä Grossi, wonnär vom Papst in Rom krönt wordä isch, dä kaufmännisch nutzä im Biär gseh. Deshalb hät er dänn au rächt rasch, d'Rächt zum Biär brauä a sich grissä. I derä Ziit sind au d'Aafäng vo dä handwerkchlichä Braukunscht gsi, bis aahin sind eigäntlich nur d'Frauä für Bachä und Brouä zuäschtändig gsi.

D'Induschtriälisiärig im letschtä Jahrhundärt hät dä Biärbranchä än massivä Strukturwandäl bracht. Äs händ sich villi Biärbrouäreiä zämägschlossä und händ untär andäräm au Kartell bildät.