Axedrez
De Uiquipedia
L'axedrez ye un xuegu d'orixe indiu datáu del sieglu V. N'Asturies conocióse per primer vegada col rei Alfonso X el sabiu en 1283 col nome d'acedrex.
Anguaño practícase abondo en tol mundu, siendo Rusia l'actual potencia mundial nesti sen, cuntando con más d'una cuarta parte de grandes maestros ente los 100 meyores xugadores del planeta.
El xuegu compónse d'un tableru con 64 casielles, 32 blanques y 32 prietes, nel que 2 xugadores coles mesmes pieces (8 peones, 2 caballos, 2 alfiles, 2 torres, 1 dama y 1 rei caún d'ellos) al traviés de la estratexa han intentar da-y xaque mate al rei contrariu.
Tabla de conteníos |
[editar] Valor de les pieces
Les pieces tienen un valor imaxinariu aprosimáu de:
- Peón: 1 puntu
- Caballu: 2,5 puntos
- Alfil: 3 puntos
- Torre: 5 puntos
- Dama: 10 puntos
- Rei: Infinitu
[editar] Torneos
N'Asturies organícense añalmente dellos torneos de menor y mayor calibre, esistiendo tamién un campeonatu autonómicu. Ente los torneos más destacaos alcuéntrense'l Campeonatu Autonómicu, l'Open Ciudá d'Uviéu y el Román Torán, esti caberu pa xente mozo.
[editar] Niveles internacionales
Nos niveles internacionales faen les categories que vienen darréu:
- Maestru rexonal
- Maestru nacional
- Maestru internacional
- Gran Maestru
Anguaño n'Asturies hai un maestru internacional pero nengún gran maestru, reserváu a xente del nivel de Karpov y Kasparov.
