Ĉielarko-renkontiĝoj

El Vikipedio

Ĉielarko-renkontiĝo en 2004 en Kostariko

La Ĉielarko-renkontiĝoj (Rainbow Gatherings en la angla) estas jaraj kunvenoj, kiuj ofte okazas subĉiele kaj kies idearo ofte kunligiĝas kun tiu de la hipia movado. Kvankam la plej gravaj kolektiĝoj okazas en Usono, kie la afero naskiĝis, ili nuntempe regule okazas tutmonde.

La partoprenantoj celas realigi la nociojn harmonio, paco kaj amo, libereco, memprizorgo kaj kunekzisto en natura medio kiel konscie esprimatan kontraston al la populara kulturo de la plimulto, konsumismo, kapitalismo, amaskomunikiloj, ktp... La plej gravaj kunvenoj arigas pli ol 30 000 partoprenantojn, kiuj kune vivas dum kelkaj tagoj.

La raportaĵoj de amaskomunikiloj estas ofte malfavoraj kaj enfokusigas drogan uzon, nudismon, konfliktojn kun ĉirkaŭaj loĝantoj kaj aliajn ŝok-provokajn aspektojn de la okazaĵoj. Tamen, la ĉielarko-renkontiĝoj montriĝas daŭrema fenomeno de pli ol 35 jaroj kaj simbolas la daŭrigeblon de la idearo kiu naskiĝis en la 1970-oj.

[redaktu] Nomdeveno

La devenon de la nomo oni atribuas al antaŭdiraĵo de indiana maljunulo, kiu laŭ legendo diris:

Angla teksto	Traduko
When the earth is ravaged and the animals are dying, a new tribe of people shall come unto the earth from many colors, classes, creeds, and who by their actions and deeds shall make the earth green again. They will be known as the warriors of the Rainbow	Kiam la tero estos en ruinoj kaj la bestoj mortantaj, nova tribo ekloĝos la teron, homoj el diversaj koloroj, klasoj kaj kredoj, kaj per siaj agoj kaj faroj ili reverdigos la teron. Ilin oni konos kiel la batalantojn de la ĉielarko.

[redaktu] Historio

La unua renkontiĝo estis kvar-taga okazaĵo en Koloradio en 1972 kaj estis organizita de junaj kontraŭkulturaj triboj situante en norda Kalifornio. Dudek mil personoj alfrontis policajn vojblokojn, minacis fari civilan malobeon kaj finfine plenrajte starigis tendojn en usona nacia forsto. Tion la partoprenantoj rigardis kiel ununura okazaĵo. Tamen, post la sukceso de la unua kunveno, estiĝis alia renkontiĝo la sekvanta jaro en Vajomingo. Iompostiom, la renkontiĝoj fariĝis pli longa, fojfoje daŭranta unu semajnon.

La renkontiĝoj pluokazis ĉiujare en Usono, ĉiam en nacia natura forsto kaj ĉiam en malsama usona subŝtato, ĝenerale en la komenco de julio. La loko kaj dato de tiuj okazaĵoj ofte ne estas vaste dissciigita (sed tamen estas oficiala) por ke ne venu tro de kuriozuloj, kaj do la informo transdoniĝas buŝ' al orele.

En 1983, la afero ĉesis esti nure usona kaj la unua eksterusona renkontiĝo situis en Svisio. La unua monda renkontiĝo okazis en 1993 en Israelo sed fariĝis regula ekde 2000 en Aŭstralio. Akorde kun ĝia idearo, la renkontiĝoj ofte situas en lokoj trafitaj de suna eklipso kiel en Hungario la 11-a de aŭgusto 1999 aŭ en Zimbabvo en 2002.

Kvankam estiĝas regulaj ĉielarko-kunvenoj en Israelo, Kanado kaj Eŭropo, ĝi estas relative malgrandaj (kelkaj miloj da personoj) kompare kun la usonaj kiuj arigas dekmiloj de partoprenantoj.

[redaktu] Organizado

"Bonvenon hejme". Bonvena mesaĝo en la enirejo de la renkontiĝokampo

Kvankam la ĝenerala idearo de la ĉielarka familio ne ebligas estigi definitivajn regulojn, post konsentoj de la plejparto de la partoprenantoj kunigitaj en rondo, kelkajn bazajn respektaĵojn oni petas al la alvenanto, kaj eĉ estiĝis gvidolibro. Ekzemple, kunporti pafilon, alkoholaĵon, brueman aparaton kaj... monon estas malbone rigarditaj en la renkontiĝoj.

La tuta kunveno estas organizita de bonvoluloj kaj eĉ se nenia mono estas postulitaj, mondonacoj estas bone akceptitaj. La kampadejo estas starigita far ĉiuj helpuloj kaj multaj personoj restas longe poste la renkontiĝo por purigi la tendarejon. Ofte, la partoprenantoj dormas en tipioj siaj eĉ se multaj ĉielarko-familianoj dormas sentegmente, ĉar la renkontiĝoj ofte okazas dum varma kaj suna vetero en somero.

En la kunvenejo troviĝas multajn portempajn kuirejojn, kiuj nutras ĉiujn petantojn. Flanke de tio oni servas du vegetarajn manĝojn tage al ĉiuj partoprenantoj.