Júpíter (reikistjarna)
Úr Wikipediu, frjálsa alfræðiritinu
Júpíter er fimmta reikistjarnan (talið frá sólu) í sólkerfinu, sú stærsta og einnig sú fyrsta af gasrisunum, sem auk Júpíters eru Satúrnus, Úranus og Neptúnus. Heildarrúmmál Júpíters er meira en samanlagt rúmmál allra hinna reikistjarnanna.
Júpíter er nefndur eftir hinum rómverska konungi guðanna sem bar sama nafn. Í kínveskri, japanskri, kóreskri og víetnamskri menningu er hann nefndur Vatnsstjarnan, byggt á frumefnunum fimm.
Efni Júpíters er að mestu gas, en fyrir innan allt þetta gas er lítill kjarni úr gegnheilum steini. Gasský hans eru gerð úr mörgum mismunandi efnasamböndum, þar á meðal vetni, helíum, koltvísýringi, vatnsgufu, metangasi, ammoníakís og ammóníumhýdrósúlfíði (ammonium hydrosulfide).
Það tekur Júpíter átján mánuði að snúast um sjálfan sig. 1 ár á Júpíter (sá tími sem það tekur hann að fara einn hring um sólu) er jafnlangt og 11,9 ár á jörðinni.
Júpíter hefur í það minnsta 39 tungl. Þau þekktustu eru: Jó, Evrópa, Ganýmedes og Kallistó.
| Sólkerfið |
| Sólin | Merkúríus | Venus | Jörðin (Tunglið) | Mars | Smástirnabeltið |
| Júpíter | Satúrnus | Úranus | Neptúnus | Plútó | Kuiper-beltið | Oort-skýið |
| Sjá einnig stjarnfræðileg fyrirbæri, og fyrirbæri í sólkerfinu, eftir radíus og massa |
