Kelte
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Kelte in Limburg
 |
Tot daen tied kan d'n inhaud van 't artikel veurnaam informatie misse of nog neet good in zie verbandj ligke. |
De Boesj (Nederlands: Koningsbosch) ies 'n dörp in de gemeinte Ech (Nederlands: Echt) in Miedde Limburg. In 2004 zint in 'n umgeploog land reste van 'n Keltisch vrouwegraaf gevónge. De brónze veurwerpe wieze nao 'n Keltische La Tène-cultuur van 500-15 veur Christus. Ónder de veurwerpe waore: 'ne gordelhaok, 2 aaneinhangende ring, 2 ermbeng, 2 beinbeng mèt verseerde ovaal knuup en 'n iezere klejersjpang.
Ouch in Wèssem, gemeinte Hael (Heel) ies 'n brónze ermband gevónge. In Hael(dörp) zelf woort 'ne gordelhaok oetgegrave en in Lin (Linne) in de gemeinte Brach (Nederlands: Maasbracht) kaome brónze veurwerpe nao bove.
Vergulde, zilvere seersjief va Helje De seersjief va Helje is de sjunste Keltische vondst in Limburg. Ze is va verguld zilver en mit 'ne durchsjnit van 'n twintig cm. Op de sjief is 'n maan in gevech mit 'ne lieëw. Baoveaan is 'ne ram te zieë dae bedreigd wert dör twieë lieëwe mit aoëpe moele. An d'r oonderkaant twieë hon mit tusje hun in d'r kop van 'n sjteer. Alle dere zeunt van 't mannelek gesjlach.
Herkomst Bie de graafvonste va Panagyuristhe, Tracië (350-300 v. chr) zeunt twieë vergulde seersjiefkes voonde die och Herkules in gevech mit 'ne Egeïsche lieëw aafbeelde. In Tracië waore de edelsjmede mitstens Grieke die hun èège mytische väörsjtillinge in hun werk vorm gove vaör zoewiet es ze aansjlote bie de ideeje van de Traciërs èèges. De deerfigure zeunt dan wer truuk te bringe op 'ne Perzische invloed. Op groond van o.m. diz stillistische uvverwaeginge/vergeliekinge mot de herkomst van de seersjief in Tracië (Bulgarije en Roemenië van huutzedaag) geplaatsjt waeëre.
Veendplaatsj De seersjief is voonde väör 1845 (ursjte vermelding) in de Kesselse Velder, e veengebied ten weste va Helje (Marjorie de Grooth).
