Bibel
Vu Wikipedia, der fräier Enzyklopedie.
D'Bibel (gr. τα βιβλια - Bicher) ass d'Helleg Schrëft vun de Chrëschten. Et handelt sech em eng Sammlung vu Bicher a Bréiwer, déi tëscht 1000 v.Chr. an 100 n.Chr. am Mëttelmierraum geschriwwe goufen. Den Inhalt vun dëse Bicher ass ganz verschidden, esou fënnt en z.B. Heldenepen, Gesetzsammelungen, Spréchwierder, Beriichter, Erzielungen, Gedichter, Gebieder, Bréiwer. Meeschtens ass den Inhalt mat dem juddesch-chrëschtleche Gott a Relatioun.
Déi chreschtlech Bibel besteet aus zwee groussen Deeler, dem sougenannten Alen Testament an dem Neien Testament. Dat Aalt Testament ass gréisstendeels op Hebräesch geschriwwen an entsprécht der jüdescher helleger Schrëft. D'Neit Testament, dat op Griichesch geschriwwen ass, gëtt just vum Chrëschtentum unerkannt an handelt haaptsächlech vum Jesus. Fir den Islam ass d'Bibel och e wichtegt Buch, awer laang net esou wichteg ewéi de Koran, dee fir d'Muselmanen dat onverfälscht Wuert vu Gott verkierpert.
Am 4. Jorhonnert gouf d'Bibel integral op Latäin iwersat (Vulgata). Am 16. Joerhonnert huet de Martin Luther d'Originaltexter op Däitsch iwwersat. Am Protestantismus hat d'Helleg Schrëft zënterhier en héije Stellewäert. An der kathoulescher Kierch gouf déi wichteg Roll vun der Bibel beim Zweete Vatikanesche Konzil ënnerstrach: D'Bibel soll net nëmmen als Zitatereservoir gëllen, fir Léieren ze justifiéieren, mee als sollech an als Ganzt eeschtgeholl ginn.
D'Wëssenschaft, déi sech mat der Ausleeung vun der Bibel befaasst, gëtt Exeges genannt. Hei ginn et verschidde Richtungen. Am bekanntesten ass déi historesch-kritesch Exeges, déi den historeschen Entstehungshannergrond vun den Texter studéiert, sou wéi d'Entstehung an d'Wuesse vun den eenzelnen Texter, déi a ville Fäll e puer mol modifizéiert an ergänzt gi sinn .
Inhaltsverzeechnis |
[Änneren] D'Bibel op Lëtzebuergesch
Zur Zäit, am Joer 2007, gëtt et nach keng ganz Iwwersetzung vun der Bibel op Lëtzebuergesch. Dofir ginn et op mannst dräi Grënn: 1) Däitsch war d'Haaptsprooch vun der Kierch zu Lëtzebuerg. Et ass an där Sprooch, wou gebied gouf, wou d'Paschtéier d'Mass gehalen hunn, an 't ass bis haut nach ëmmer esou, dass Däitsch Iwwersetzunge vun der Bibel a lëtzebuergeschsproochege Masse gebraucht gëtt. 2) Dat geschriwwent Lëtzebuergesch huet sech eréischt säit dem Sproochegesetz vu 1984 emancipéiert a wou et méi ëffentlech geschriwwe gëtt. 3) Et gëtt keng Grupp, déi eng ganz Iwwersetzung vun der Bibel probéiert huet.
[Änneren] D'Bicher aus der Bibel
Lëscht vun de Bicher aus der Bibel (no der Reiefolleg vun der TOB (traduction oecuménique de la Bible)):
[Änneren] Aalt Testament
[Änneren] Pentateuch
- Genesis
- Exodus
- Levitikus
- Numeri
- Deuteronomium
[Änneren] Prophéitebicher
[Änneren] Éischt Prophéiten
- Josua
- Riichter
- Samuel 1
- Samuel 2
- Kinneken 1
- Kinneken 2
[Änneren] Lescht Prophéiten
- Jesaia
- Jeremias
- Ezechiel
- Hosea
- Joël
- Amos
- Abdias
- Jonas
- Micha
- Nahum
- Habakuk
- Zefania
- Haggai
- Zacharia
- Maleachi
[Änneren] Aner Bicher
- Psalmen
- Job
- Sprachwieder
- Rut
- Lidd vun de Lidder
- Kohelet
- Lamentatiounen
- Ester
- Daniel
- Esra
- Nehemia
- Chronik 1
- Chronik 2
[Änneren] Deuterokanonesch Bicher
Dës Bicher sinn op Griichesch geschriwwen an zielen dofir net fir de jiddesche Kanon an och net fir d'protestantesch Bibel.
- Ester (griicheschen Deel)
- Judith
- Tobit
- Makkabäer 1
- Makkabäer 2
- Wäisheet
- Jesus Sirach
- Baruch
- Bréif vum Jeremias
[Änneren] Neit Testament
[Änneren] Evangelien
- Matthäus
- Markus
- Lukas
- Johannes
[Änneren] Apostelgeschicht
[Änneren] Bréiwer vum Paulus
- Réimer
- Korinther 1
- Korinther 2
- Galater
- Epheser
- Philipper
- Kolosser
- Thessaloniker 1
- Thessaloniker 2
- Timotheus 1
- Timotheus 2
- Titus
- Philemon
[Änneren] Bréif un d'Hebräer
[Änneren] Kathoulesch Bréiwer
- Jakobus
- Péitrus 1
- Péitrus 2
- Johannes 1
- Johannes 2
- Johannes 3
- Judas
