Jezus van Nazareth
From Wikipedia
Jezus van Nazareth wos e mens die leefde in Palestina van 't joar êen toet 't joar 33. Oek ekend oender de noame 'Christus' (de Gezalfde).
[bewerk'n] Historisch
Vele is 't er nie bekend van Jezus. Moa volgens Flavius Josephus, e geschiedschryver van de Romein'n et er toch een mens bestoan in die streke en dien tyd die azo noemde. E wos populair want en adde vele volgelingn.
[bewerk'n] Geloof
- Voe de jood'n is Jezus geweune e profete, lyk of dan der vele woarn in die tyd'n.
- Voe de christn'n is Jezus vele mêer: 'n is de stichter en de centroale persôon van nunder godsdienst (Jezus Christus, de Gezalfde). Ze geloovn da Jezus tegelyk mens en goddelijk wos. E wos de zeune van Jozef, e schrynwerker, en Maria, e simpel mesejoenk. Volgens 't Christndom wos Maria bevrucht deur'n Eiligen Gêest. Z'n 'echtn' voader is dus God.
[bewerk'n] Leevn
- Jezus is gebôorn in e stalletje in Bethlehem (moa da stoa pertank ni in de Bybel), want Jozef en Maria woarn oenderweuge na 't stad voe de tellinge van de Romein'n.
- De kanse is grôot da Jezus analfabeet wos, lik de mêeste menschen va zyn stand. Ollêne uut 't Evangelie va Lukas (Lucas 4:16-30) zou je kunn'n oflien datn koste leezn.
- Toen atn 30 wos, gink'n weg van uus. En ad ol zêre volgeliengn die overol mêegiengn. E predikte overol roend, e ze wôord'n maktn vele indruk; 't wos oek redelik revolutionair voe dien tyd (in 't kort: leest de Bergrede).
- Jezus adde vyand'n. Op d'êerste plekke de Romeinsche bezettr, want die kostn gèn populaire figuurn verdroagn, benauwd da ze woarn da die mens 't volk zoud oproep'n om te revolteern. Moar oek de gêestelykn overied van 't land wos teegn Jezus: e tastte nunder gezag an.
- Uutendelyk istn ter dôod gebracht an 't kruus. E straffe die de Romein'n ollêne voe de grotste krapuuls reseveerndege.
