Linux

Us der alemannische Wikipedia, der freie Dialäkt-Enzyklopedy

S Linux-Logo isch en Pinguin wo Tux heisst.

Linux isch es freis Betriebssystem für Computer. Das Projekt isch vom Linus Torvalds gstartet worde u wird itz vo tusige vo freiwillige Programmierer entwicklet. Di einzige Bedingige zum s bruuche sind i de GNU Lizenz beschribe. Drum isch au de ganz Programmcode öffentlich.

[ändere] Verschideni Distributione

Ursprünglich isch mit Linux nur de Chern vom Betriebssystem gmeint gsi. Verschideni Firme u Persone mache drum Zämestellige vo Chern u andere freie Programm, sogenannti Distributione, u verchoufe si oder steue si i ds Internet zum abelade. Di bekanntischte sind:

Debian GNU/Linux

Knoppix
Ubuntu
Linspire

Gentoo
Red Hat
Mandriva
SuSE

Distributione underscheided sich vor allem i de Uswahl vo verschidene, ufenand abgstimmte Programm.

[ändere] Grafischi Oberflächi

Linux wird zwar sehr hüfig für Server i gsetzt u dert installiert me natürlich kei grafischi Oberflächi, wöu me möglichst wenig Systemuslaschtig vom Betribssischtem här möchti ha. Es brucht natürläch ou viu weniger Platz, wenn mä kei grafischi Oberflächi het (100MB - 1GB weniger) und wenn mäs beherrscht chame linux sehr guet mit Texschtbefähle stürä. Aber wer Linux de Heimä wot bruche verzichtet wahrschinlich nid uf die grafischi Oberflächi, me wots jo schliessläch i setzä, wie es Windows oder es Mac Betribssischtem. Die hütige Oberflächine hei meistens meh Konfort als Windows und mängisch au als ä Mac

Uf linux gits ganz viu verschideni grafischi Oberflächine, me cha die öppe mitem Ungerschid zwüsche XP und Vista vergliche; je nach dem, weli, das me druf tuet gseht ds Sischtem komplett angers us und es git 100erti! We me luscht het chame e grafischi Oberflächi ou säuber compiliiere, das isch nidemau so schwirig, bruucht aber viu Ziit. Eifachi Oberflächinen wie Fluxbox bruuche nid viu Ziit, grossi wie KDE oder GNOME de äbe scho.

Di bekanntischtä grafische Oberflächine si KDE und Gnome, bide meischte Distributione si beidi mitgliferät, be CD-Distributione wie Knoppix oder Mandriva-One nur eini. Es KDE bruucht meh Platz als es GNOME, drum si GNOMEs be CDs meh verbreitet.